Marcos 10:1 - Quiché Bible

¹ Ri Jesus xwalij bic chila' pa Capernaum, xbe pa ri ulew re Judey, xbe ch'käp che ri nima' Jordan. Xebopan chi jumul ri q'uialaj winak ruc'. Xebutijoj chi jumul jas ri nak'atal wi.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Xel bꞌik ri Jesús pa ri tinimit ri kꞌo wi, xeꞌ pa ri tinimit ri kꞌo pa Judea chꞌaqaꞌp che ri Jordán. Junmul chik xkimulij kibꞌ winaq, ri Jesús xuchapleꞌj chik uyaꞌik kꞌutuꞌn chikiwach jacha ri naqꞌatal che kubꞌano.

K'iche'

¹ Xel c'u bi ri Jesús pa ri tinimit Capernaum, xe' pa Judea, xukuje' xe' ch'äkäp che ri nima' Jordán. Xquimulij c'u quib q'uia winak ruc' jumul chic. Ri Jesús jumul chic xeutijoj jas ri nak'atal wi ri Are'.

K'iche' (New Orthography)

¹ Xel k'u b'i ri Jesús pa ri tinimit Capernaum, xe' pa Judea, xuquje' xe' ch'äqäp che ri nima' Jordán. Xkimulij k'u kib' k'ia winaq ruk' jumul chik. Ri Jesús jumul chik xeutijoj jas ri naq'atal wi ri Are'.

Marcos 10:1 ပူးပေါင်းရင်းမြစ်များ

Ri Tzijonel 12:9

Jacha' c'ut ri u nimal ri u no'j ri k'alajisanel, je xukuje' ri u jabuxic ri xuban chquixo'l tak ri winak. Xukuje' xujach rib che qui no'jixic q'uialaj tak c'ambal no'j, quebucoj c'ut pa ri qui cholajil.

Ri Jeremiy 32:33

Quiyo'm can ri quij chnuwäch, man are ta c'ut ri qui palaj. Man c'o ta c'u ne jok'otaj ri nu tanabam ta qui pixbexic, man e nimaninak ta chwe mawi cajawam quic'amowaj ta ri pixbenic.

Ri Matey 26:55

Pa ri jok'otaj ri', xubij ri Jesus chque ri winak: “¿La je ta ne chrij jun eläk'om ix elinak wi ulok, iwuc'am ch'ich', iwuc'am che', che nu chapic? Ronojel k'ij xint'uyi' iwuc', xintijon pa ri rachoch Dios, man xinichap ta c'ut.

Ri Matey 4:23

Ri Jesus xusolij ronojel ri Galiley. Quebutijoj ri winak pa tak ri ja ri cäquitijoj wi quib ri aj judeyib che ri pixab. Quebucunaj c'u conojel ri winak che ronojel ri qui yabilal xukuje' tak ri qui k'oxomal.

Marcos 1:21

Xebopan pa Capernaum. Pa ri k'ij re uxlanem, ri Jesus xoc pa ri ja ri cäquitijoj wi quib ri aj judeyib che ri pixab, cätijon c'u chila'.

Marcos 10:2

Xebopan jujun pariseyib ruc' ri Jesus. Xquic'ot u chi' xa che u ta'ic jas cubij. Xquita' che we ya'tal che jun achi cujach bic ri rixokil.

Marcos 12:35

Ri Jesus cätajin quebutijoj ri winak pa ri rachoch Dios, xubij chque: “¿Jasche cäquibij ri ajtijab re ri pixab chi ri Crist are u c'ojol ri David?

Marcos 14:49

Ronojel k'ij xinc'oji' iwuc', xebench'abej ri winak pa ri rachoch Dios, man xinichap ta c'ut. Je c'u cäban wa' chwe rech cäbantajic jas cubij ri Tz'ibatalic.”

Marcos 2:13

Ri Jesus xbe chi jumul chuchi' ri cho. Xenakajin q'uialaj winak ruc' xuchaplej c'u qui tijoxic.

Marcos 4:2

Xebutijoj che q'ui jastak pa c'ambal tak no'j. Xubij chque pa ri u tijonic:

Marcos 6:2

Pa ri k'ij re uxlanem, xuchaplej tijonic pa ri ja ri cäquitijoj wi quib ri aj judeyib che ri pixab. E q'ui winak xquita' ri u tzij. Xquimayo, xquibij: “¿Jawije' xretamaj wi ri are' we jastak ri'? ¿Jas ri no'j ri yo'm che, chi cuban nimak tak mayibal?

Marcos 6:34

Aretak xel ulok ri Jesus pa ri jucub, xeril q'uialaj winak. Xel u c'u'x chque, rumal rech chi e je ta ne e chij ri man c'o ta cajyuk'. Xuchaplej qui tijoxic chque q'ui jastak.

Marcos 6:6

Xumayo rumal rech chi man c'o ta qui cojonic. Xebusolij ri alaj tak tinimit catijon c'ut.

Ri Xuan 10:40

Xbec, xopan chi jumul ch'käp che ri nima' Jordan, pa ri c'olbal ri xc'oji' wi ri Xuan nabe pa ri chaplebal cuban ri qui bautism ri winak, xcanaj can chila'.

Ri Xuan 11:7

Aretak c'u xeboc'ow wa', xubij chque ri u tijoxelab: “Jo' chi jumul pa Judey.”

Ri Xuan 18:20

Ri Jesus xubij che: “Ri in xebentijoj conojel ri winak chi sakil. Amak'el xebentijoj chupam ri ja ri cäquitijoj wi quib ri aj judeyib che ri pixab xukuje' pa ri rachoch Dios, jawije' cäquimulij wi quib conojel ri aj judeyib. Man c'o ta c'u jas nu tzijom chi c'uyal.