Juyuwem 5:17 - Quiché Bible

¹⁷ Rumal rech wa' yawabarinak ri kanima'; rumal rech wa' sutz'arinak ri ka bakwäch.

Juyuwem 5:17 ပူးပေါင်းရင်းမြစ်များ

Ri Job 17:7

Ri e nu bak'wäch quesutz'ar rumal ri k'oxomal; ri nu cuerp xak alicha' chic jun nutub.

Salmib 31:9

Ajawaxel, chel c'u'x la chwe, xak quieb cubij panuwi'. Ri k'oxomal cuq'uis ri qui chuk'ab ri nu bak'wäch, ri nu cuerp, ronojel ri nu c'ojical.

Salmib 38:8

Sibalaj in muchmubinak, man c'o ta chi nu chuk'ab; ¡ri nu ch'ikowem u ch'ikowem ri anima'aj!

Salmib 6:7

Ri k'oxomal cusutz'irisaj ri nu bak'wäch; ¡que sutz'ar u mac quech ri qui banom qui c'ulel chwe!

Salmib 69:3

Xak catarin chic ri nu kul cumal rakoj tak chi'aj; cäk'oxow chi ri u pa nu kul; ¡e k'itajinak chic ri nu bak'wäch che ri sibalaj reyexic ri nu Dios!

Ri Isaiy 1:5

We c'u ri ix quicoj i chuk'ab rech man quixniman taj, man c'o ta chi c'u cac'äjisax wi i wäch che ri i cuerp. Socotajinak ronojel ri i jolom, e i tzakom ronojel ri i chuk'ab.

Ri Isaiy 38:14

Xak alicha' quinjilowic jacha' ri cäquiban ri xipicar, quinch'ikowic jacha' ri caquiban ri palomax. Ri nu bak'wäch quecos che ri ca'yem chicaj. Ajawaxel, nu rikom c'ax, chux la to'l wech.

Ri Jeremiy 46:5

¿Jas c'ut ri cätajin quinwilo? Quetzelej chquij e nojinak che xibriquil. Ri e rajch'ojab caquijabula' tak quib e ch'äcatajinak; quexiq'uinic quebanimajic, man queca'y ta can chquij. ¡C'o xibriquil pa conojel tak ri c'olbal! In, ri Ajawaxel, quinjiquiba' u bixic.

Ri Jeremiy 8:18

Ri nu k'oxomal man c'o ta cunabal che, ri wanima' cächukchubic.

Juyuwem 1:13

Ri Ajawaxel u q'uiakom ulok jun k'ak' chicaj ri opaninak c'ä cho ri nu bakil; xulic' jun c'amibal pa ri nu be xuban chwe chi xintzelej chwij; in u jachom chupam ri wonobanic, chupam ri rikoj c'ax jok'otaj chi jok'otaj.

Juyuwem 1:22

Bana' la chi chopan chwäch la ronojel ri etzelal ri qui banom; je chbana' la chque jacha' ri qui mac jacha' ri banom la chwe in, sibalaj c'u quinq'uis wib che ok'ej; ¡Oquinak u yab ri wanima'!

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Ri Ezequiel 21:15

Ri are' quebunojisaj na che xe'n ib, q'ui cämisanic cuban na. Pa conojel tak ri cachoch nu cojom wi ri ch'ich' re ch'o'j ri cäcämisanic. Are' ri ch'ich' re ch'o'j ri jolk'irisam che u cojic xe'n ib, banom u ware che cämisabal.

Ri Ezequiel 21:7

We c'u ne cäc'ot a chi' jasche cätok'ic, chabij chque chi rumal jun jasach ri xya' u bixic ri xa' jubik' man quec'ulmatajok, conojel c'ut ri winak ri e c'o chuwäch ri uwächulew quebejbob na quetuktub na tak ri qui k'ab; man c'o ta chi jun c'o ta chajin anima' ruc', conojel quebirbitlab tak ri qui ch'ec rumal xe'n ib. Chanim cäpe ri jok'otaj, quec'ulmataj chanim. In, ri Ajawaxel, quinjiquiba' u bixic.”

Aj Levitib 26:36

E Are' c'ut ri quecanaj can chiwe, quinya' na nimalaj tukaril pa canima' chquiwäch ri qui c'ulel, xa c'u rumal ri u wojojem jun u xak che' ri cäsalabic quebanimaj na, je ta ne ri quebanimaj chuwäch jun cämisanel, quejupujubic man c'o ta c'u queboktanic.

Ri Miquey 6:13

Rumal ri' quenc'äjisaj a wäch; quenbana' c'ax chawe rumal quech tak ri e a mac.

U Camulixic ri Pixab 28:65

Man cärik ta c'u uxlanem mawi utzil pa ri nimak tak tinimit ri'. Cuban c'u na ri Ajawaxel chawe chi xak caxibila' awib, xak cäbison ri a wäch xukuje' xak cärarat ri awanima'.