Juyuwem 4:19 - Quiché Bible

¹⁹ C'o na ri canibal chquiwäch tak ri cot ri querapin cho ri caj ri uj okataninak; cuj qui terenej pa kakan pa tak ri juyub, ¡quequicoj c'amibal chkawäch pa ri chaki'j uwo sak!

Juyuwem 4:19 ပူးပေါင်းရင်းမြစ်များ

Ri Jeremiy 16:16

In, ri Ajawaxel, quinjiquiba' u bixic, quenbana' chi quepe q'ui tak caranelab rech quequicarij ri aj israelib. Quenbana' c'u na chi quepe q'ui tak tzucunelab che quitzucuxic quequesaj c'u ulok pa conojel tak ri c'ache'laj xukuje' paquiwi' tak ri juyub xukuje' c'ä pa tak ri pec ri e c'o xo'l tak ri tzac'atzak tak abaj.

Ri Jeremiy 4:13

Chiwila', ri c'ulel canakajinic jacha' jun sutz', ri e u carwaj re ch'o'j e je ta ne qui banic jun ulrakan, ri qui quiej tak aninak na quexiq'uin chquiwäch tak ri cot. ¡Tok'ob ka wäch, uj ch'äcatajinak!

Juyuwem 1:13

Ri Ajawaxel u q'uiakom ulok jun k'ak' chicaj ri opaninak c'ä cho ri nu bakil; xulic' jun c'amibal pa ri nu be xuban chwe chi xintzelej chwij; in u jachom chupam ri wonobanic, chupam ri rikoj c'ax jok'otaj chi jok'otaj.

Ri Osey 8:1

“Chawok'isaj ri trompet, jacha' yuxlenel ri cächajin puwi' ri u tinimit ri Ajawaxel. Rumal rech chi man qui tz'akatisam taj u banic ri nu c'ulwächinic quiwalijisam quib che u c'ulelaxic ri nu tijonic.

Ri Osey 8:3

Are c'u ri Israel u xutum ri utz, rumal ri' cätakex na u banic c'ax che cumal ri e u c'ulel.

Aj Levitib 26:36

E Are' c'ut ri quecanaj can chiwe, quinya' na nimalaj tukaril pa canima' chquiwäch ri qui c'ulel, xa c'u rumal ri u wojojem jun u xak che' ri cäsalabic quebanimaj na, je ta ne ri quebanimaj chuwäch jun cämisanel, quejupujubic man c'o ta c'u queboktanic.

Ri Amos 2:14

Pune' c'u sibalaj quiq'uis iwib che animajem man quixto'taj ta na; ri sibalaj co na quebeq'uis ri e u chuk'ab, man cäto'taj ta c'u na ri sibalaj c'o u chuk'ab.

Ri Habacuc 1:8

Ri e qui quiej c'o na ri qui xiq'uinem chquiwäch tak ri leopard, c'o na ri qui ch'ujilal chquiwäch tak ri utiw ri e c'o pa ri chaki'j uwo sak. Ri e cajquiejab pa tak mulaj quepetic, naj c'u e c'o wi caquiq'uiak ulok quib che u banic ch'o'j, jacha' ri cuban ri cot cuq'uiak rib che u chapic ri u ti'.

U Camulixic ri Pixab 28:49

Kas pa ri ulew ri sibalaj naj c'o wi cho ri uwächulew, ri Ajawaxel cutak na ulok chawij jun nim tinimit ri man aweta'm ta ri qui ch'abal, quepe na ruc' aninakil jacha' ri raninakil jun cot ri cärapapic;