Juyuwem 4:17 - Quiché Bible

¹⁷ Cuc' ri ka bak'wäch ri e cosinak, uj c'asc'atinak c'ut, xak lok' keyem ri to'banic. Xak keyem ri ropanem jun tinimit ri man cacuin taj catobanic.

Juyuwem 4:17 ပူးပေါင်းရင်းမြစ်များ

Ucab Ajawinelab 24:7

Kas chi' c'ut ri ajawinel re Ejipt man xel ta chi bic chupam ri rulew, rumal rech chi ri ajawinel re Babilon u ch'äcom ronojel ri ulew ri e c'o can pa u k'ab nabe, kas ruc' ri nima' re Ejipt c'ä ruc' ri nima' Euprats.

Ri Isaiy 20:5

Ri winak cäquixe'j na quib xukuje' queq'uix na che ri Etiopiy ri qui yo'm wi ri cu'lbal qui c'u'x, xukuje' queq'uix na che ri Ejipt ri nimarisabal qui k'ij.

Ri Isaiy 28:18

Ri i c'ulwächinic ri i banom ruc' ri cämical man c'o ta chi cupatanij na, ri c'ulwächinic ri i banom ruc' ri quebajawin ri cäminakib, man c'o ta cupatanij na. Cäpe na ri nimalaj c'ax cäkaj c'u na piwi'.

Ri Jeremiy 2:18

Are c'u ri camic, ¿jas ri cach'äc ruc' ri a bic pa Ejipt che ruq'uiaxic ri u ja'il ri Nil? ¿Jas ri cach'äc ruc' ri a bic pa Asiriy che ruq'uiaxic ri u ja'il ri Euprats?

Ri Jeremiy 2:36

¿Jasche sibalaj aninak at c'o che qui q'uexic ri e to'l tak awech? Xukuje' ri Ejipt man catuto' ta na, jacha' ri u banom chic ri Asiriy chawe man xatuto' taj.

Ri Jeremiy 2:37

Cattzelej c'u na ulok caya' can ri Ejipt at nojinak che q'uixbal, rumal rech chi ri in man u c'ulam ta nu wäch cuc' ri a cuban a c'u'x chquij chi catquito', man c'o ta c'u cach'äc na cumal.”

Ri Jeremiy 8:20

Xoc'ow ri k'alaj, xq'uis qui yaquic tak ri e qui wächinic tak ri ulew man c'o ta c'u to'tajem chke.

Juyuwem 1:19

Xintz'onoj to'banic chque tak ri e wach ch'abem e are' tak c'ut ri e are' quieb qui wäch e jachinelab chwe. Ri e nu e cojol tabal tok'ob xukuje' tak ri e nu nimak tak tatayib xecäm chupam ri tinimit: ¡Quebinicat che u tzucuxic qui wa cuq'uia' rech cäc'astaj qui wäch!

Juyuwem 1:7

Ri Jerusalen quenataj ri ojer tak k'ij che aretak xcanaj u tuquiel cabisonic; quenataj tak che conojel tak ri k'inomal ri xec'oji' ruc' pa ri ojer tak u k'ijol; canataj che aretak xkaj pa u k'ab ri c'ulel man c'o ta c'u jachin ta jun ri xpe ta che u to'ic, aretak xilitaj cumal ri e u c'ulel xquitze'j c'u u wäch chi kajinak chupam ri c'ax.

Juyuwem 5:6

Rech cätz'akat ri cäkatijo cäkalic ri ka k'ab chque ri aj ejiptib xukuje' chque ri aj siriyab.

Ri Ezequiel 29:16

Are c'u ri tinimit aj Israel man cucu'ba' ta chi u c'u'x chrij ri Ejipt, are c'u wa' cäc'utuw na chquiwäch chi e subutajinak aretak xebe chila' che u tzucuxic to'bal quib. C'äte c'u ri' cäquich'ob na chi in ri' ri Ajawaxel.’ ”