Juyuwem 3:37 - Quiché Bible

³⁷ Aretak c'o jas caya' u bixic, aretak c'o c'ulmatajinak are' c'ut ri Ajawaxel u takom u banic.

Juyuwem 3:37 ပူးပေါင်းရင်းမြစ်များ

Ucab Samuel 16:10

Xutzelej c'ut u bixic ri ajawinel che: “We c'ulmatajic ri' man c'o ta iwech ix che, ral tak ri Sarb. We qui nu c'okoj, are' c'ut ri Ajawaxel takowinak che u banic. ¿Jachin ta c'u lo ri cuchajij ta anima' che u c'otic u chi' jasche je u chomam u banic wa?”

Nabe Ajawinelab 22:34

C'o c'u jun ajch'o'j ri xak xutzokopij ri u q'uiakbal ch'ab pa ri quiakik', xusoc c'ut ri rajawinel ri Israel che cämical chuxo'l ri u tikem wi rib ri ratz'iak re ch'o'j. Xuya' c'u takanic che ri c'amal u be ri u carwaj: “Chattzelej chawij chinawesaj bic pa ri ch'o'j, nim ri socotajic nu rikom.”

Ucab Ajawinelab 6:33

C'ä cätajin c'u cätzijon cuc', aretak xtac'atob ri tako'n chuwäch ri Elisey cubij c'ut: “Are' c'u ri Ajawaxel c'amowinak ulok we quiäkasakil ri' pakawi', ¿Jas ta chic ri quincuinic quinweyej ta chi na pa u k'ab?”

Ri Job 10:13

Are c'u ri camic quinwilo chi jela' chupam ri anima' la c'o jun chomanic la ri c'utalic:

Ri Job 2:10

Ri Job xutzelej u bixic: “¡Ixok, mebabij tak conil! We quekac'am ri utzalaj tak jastak ri quebuya' ri Dios chke, ¿Jas ta c'u che ma ta quekac'am ri c'axc'olil?” Je c'u ri', pune' ruc' ronojel wa', ri Job man xmacun taj mawi ne rumal ta jun tzij.

Elem 10:10

Ri ajawinel xubij chque: “sibalaj k'alaj ri itzel i chomanic. ¿La are pa i c'u'x chi quixrachilaj bic ri Ajawaxel, xukuje' chi quixintzokopij ta bic ri ix xukuje' ri e iwalc'ual?

E C'ambal tak Tzij 16:9

Che ri winak caya' wi ri qui banic ri chomanic, ri Ajawaxel are' cäc'amow u be ri e u xo'l tak rakan.

E C'ambal tak Tzij 19:21

Ri winak quebuban q'ui tak chomanic, are c'u ri u chomam u banic ri Ajawaxel are cabantajic.

E C'ambal tak Tzij 21:30

Chuwäch ri Ajawaxel man c'o ta no'j ri nim ta na u k'ij, mawi e c'oxomanic mawi e utzalaj tak chomanic.

Ri Isaiy 46:10

In quinya' u bixic ri q'uisbalil kas pa ri tictajic; kas ojer ulok nu yo'm u bixic ri cäpe na. In quinbij: Ri quinchomaj qui banic quebantaj na in quinban na ronojel ri quinchomaj u banic.

Ri Jeremiy 23:32

Quink'alajisaj wib chi quebenc'ulelaj we e k'axal tak tzij ri' ri quequitzijoj tak ichic' ri xa' e re banoj tak tzij; ri cuc' tak ri qui banoj tak tzij xukuje' tak ri qui no'j quequibano chi ri nu tinimit caquijech'obisaj ri qui be. In man e nu takom ta bic mawi c'o ta jun takanic nu yo'm ta chque, jeri' man e ta ticarel che u to'ic ri tinimit. In, ri Ajawaxel, quinjiquiba' u bixic.”

Ri Daniel 4:35

Chuwäch are' man nimak ta qui k'ij ri winak ri e c'o cho ri uwächulew, ri are', are cuban ri u rayibal, pa ri caj jacha' xukuje' cho ri uwächulew. Man c'o ta jachin jun ri cäcuinic cuk'atij ta u wäch ri u cuinem mawi c'o ta jun cuta' ta che jasche jewa' cubano.’

Romanos 9:15

Xubij c'u ri Dios che ri Moises: “Quel na nu c'u'x che ri winak ri quinwaj quel wi nu c'u'x. Quintok'obisaj na u wäch ri quinwaj quintok'obisaj u wäch.”

Efesios 1:11

Pa ri are' c'ut uj uxinak echbenelab, uj c'utum ulok jas ri u cholajil ri u chomanic ri quebuban conojel ri jastak jas ri kas u beya'l ri u rayibal.