Juyuwem 2:21 - Quiché Bible

²¹ E liq'uiloj ri c'ojolab xukuje' ri nimak tak winak xo'l tak ri ja re ri tinimit; xecämisax rumal ch'ich' re ch'o'j. Chupam ri k'ij re ri oyowal la, xsocon la che cämical ¡Xcämisan la man ruc' ta tok'obisam wächaj!

Juyuwem 2:21 ပူးပေါင်းရင်းမြစ်များ

Ucab Tzijobelil 36:17

Ri Ajawaxel xuban c'ut chi xwalij ulok ri cajawinel ri aj caldeyib chquij, xebuk'ok'ej c'ut ri e u c'ojolab chi ch'ich' re ch'o'j kas chupam ri rachoch Dios man xel ta c'u u c'u'x chque ri c'ojolab mawi chque ri k'apojib, chque ri ri'jab mawi chque ri man utz ta cakan qui k'ab. Conojel xebujach ri Ajawaxel pa u k'ab.

Ri Ester 3:13

xec'am c'u bic cumal ri e ya'l tak wuj pa ronojel ri u tz'akatil ri ajawibal. Ri takanic ri xya' bic chupam ri wuj chi kas cäsachisax qui wäch chnimalaj conojel, xa c'u pa jun k'ij, conojel ri aj judeyib, chi c'ojolab, chi ri'jab, chi ac'alab, chi ixokib. Chebiwechbej tak c'ut ri qui k'inomal. Ri k'ij ri xc'ut che u banic wa' are ri roxlajuj rajilabal ri ucablajuj ic', ri ic' re Adar.

Ri Isaiy 27:11

Ri e u k'ab jun che' quek'ajic aretak quechaki'jaric quepe c'u ri ixokib quequimol bic quequicoj pa k'ak'. Jun tinimit wa' ri man c'o ta u chomanic. Rumal ri' ri Dios ri xq'uiyisanic, man cutok'obisaj ta u wäch mawi quel ta u c'u'x che.

Ri Jeremiy 11:22

Ri Ajawaxel ri c'o ronojel u cuinem cubij chque: “Quentok'ij c'u na wa' chiwe ix: ri c'ojolab quecäm na pa ri ch'o'j, ri e qui c'ojol xukuje' tak ri e qui mia'l quecäm na rumal wi'jal.

Ri Jeremiy 13:14

Quebenpaxij c'u na e jacha' k'ebal, ri jun cupak'ij na rib ruc' ri jun chic, tataxelab xukuje' c'ojolaxelab xak quejunamatajic. Man quel ta c'u na nu c'u'x chque; quinsachisaj na qui wäch man ruc' ta elebal c'uxaj xukuje' man ruc' ta tok'obisam wächaj. In, ri Ajawaxel, quinjiquiba' u bixic.’ ”

Ri Jeremiy 18:21

¡Are c'u ri camic, bana' la chi checäm tak ri e qui c'ojol rumal wi'jal o pa u chi' ch'ich' re ch'o'j; che canaj malca'nib ri quixokil ma ta c'u e c'o chi cal! ¡Are c'u ri cämisanel yabil checämisan tak ri cachijab e are' c'ut ri e qui c'ojolab checäm pa ri ch'o'j!

Ri Jeremiy 21:7

Chwi chi c'u wa' quinjach na ri Sedequiy, ajawinel re Juda, pa u k'ab ri Nabucodonosor xukuje' pa qui k'ab ri jule' tak e u c'ulel chic ri e cämel, ri e rachil ri e rach k'atal tak tzij xukuje' ri ajch'ojab xukuje' ri winak ri xec'asi' can pa ri tinimit aretak oc'owinak chic ri cämisanel yabil, ri ch'o'j xukuje' ri wi'jal. In quinban na chi quecämisax rumal u pa u chi' ch'ich' re ch'o'j, ri man ruc' ta elebal c'uxaj mawi tok'obisam wächaj, In, ri Ajawaxel, quinjiquiba' u bixic.

Ri Jeremiy 4:31

Quinta' jun rakoj chi'aj jacha' ta ne re jun ixok ri quec'ol u nabeal; e are tak wa' ri e u rakoj tak chi'aj ri Sion, ri cach'ikowic, quebuyuk ri u k'ab cubij c'ut: ‘¡Tok'ob nu wäch! ¡Quinequicämisaj ri cämisanelab!’ ”

Ri Jeremiy 51:22

Catinwachilaj che qui c'äjixic tak achijab xukuje' ixokib, nimak tak winak xukuje' niq'uiaj tak winak, alabom xukuje' alitomab.

Ri Jeremiy 6:11

In nojinak che ri oyowal la, Ajawaxel; man quincuin ta chi che u k'atixic.” Ri Ajawaxel xubij chwe: “Chajamij paquiwi' ri alabom pa ri be, paquiwi' tak ri jutak mutzaj c'ojolab. Queyut na bic ri achajilaxelab junam cuc' tak quixokil xukuje' ri nimak tak winak ri q'ui chic qui junab.

Ri Jeremiy 9:20

Ixokib, chitatabej ri u tzij ri Ajawaxel, kas chitatabej ri cubij chiwe. Chebitijoj tak ri e iwal ixokib che u banic ok'ej xukuje' ri e canima' quib cuc' je juyuwem wa' chiquiba' na':

Ri Jeremiy 9:21

“Ri cämical xoc chupam tak ri kachoch, xopan chupam tak ri cachoch ri ajawinelab; quebucämisala' tak ri ac'alab xo'l tak ri ja ri e ka c'ojolab chquipam tak ri c'ayibal.

Juyuwem 1:15

Ri Ajawaxel naj xebuq'uiak wi chwe conojel tak ri e c'o qui chuk'ab ri caquito' nu wi'. Xuq'uiak juk'at ajch'ojab panuwi', che u q'uisic tzij paquiwi' ri cowilaj tak wachijab. ¡Ri Ajawaxel u xak'alem ri k'apojalaj Juda jacha' ri cäban che qui xak'alexic tak ri uva che resaxic ri u wa'l!

Juyuwem 1:18

Ri Ajawaxel xuban ri takalic, rumal rech chi xebenc'ulelaj tak ri e u takanic. ¡Chinitatabej, tinimit iwonojel; chixoc il che rilic ri nu k'oxomal! ¡Ri e tak nu c'ojolab xukuje' tak ri e nu k'apojib e c'amom tak bic jacha lok'om patanijic!

Juyuwem 1:4

¡Sibalaj e bisobal tak ri be ri quebe pa Sion! ¡Man c'o ta jachin ta jun ri cäpe ta pa tak ri nimak'ij! Ri e oquibal tak pa ri tinimit e tolonic, ri e cojol tabal tok'ob quebok'ic, ri c'ojolab quech'ibatajic ri Jerusalen c'o pa tak c'ayil.

Juyuwem 2:17

Ri Ajawaxel xuq'uis qui banic tak ri e u chomanic, xutz'akatisaj ri u tzij ri kas u bim ulok ojer; xsachisan wächaj ma xcuyun ta c'ut; xuya' c'olbal chi ri c'ulel cutze'j a wäch xuya' u chuk'ab ri catc'ulelanic.

Juyuwem 2:2

Ri Ajawaxel man xutac'aba' ta can mawi jun chque ri e rachoch ri Jacob; chupam jok'otaj royowal u yojim ri e to'bal rib ri je'lalaj Juda; e u t'akim pa ulew, e u mach'irisam, ri ajawibal xukuje' tak ri e u k'atal tak tzij.

Juyuwem 3:43

Xujsutij la ruc' ri oyowal la, xujterenej la pa kakan, ¡xesaj la ri ka c'aslemal man xcoj ta la tok'obisam wächaj!

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

Ri Ezequiel 5:11

In, ri Ajawaxel, quinban ri chi'nic ri kas cäban na rumal ri nu c'aslemal: jacha' ri ix i wawasim ri tastalic wachoch cumal ri itzel tak i banoj ri man e ch'ijtajel taj, xukuje' ri in quenq'uisa' na tzij piwi' man ruc' ta elebal c'uxaj; man quintok'obisaj ta na i wäch.

Ri Ezequiel 7:4

Man quincoj ta na elebal c'uxaj chawe; quinc'äjisaj na a wäch rumal ri xaban pa ri a c'aslemal quinban c'u na chawe chi catoc'ow na chquipam tak ri c'ax ri quequiya' ri xojibalalaj tak e a banoj. Quiwetamaj chi c'u na chi in ri' ri Ajawaxel.

Ri Ezequiel 7:9

Man quenc'äjisaj ta na a wäch ruc' ta tok'obisabal wächaj; quenc'äjisaj a wäch rumal ri c'aslemal ri awuc'am quinban c'u chawe chi quebatoj tak ri c'axc'ol ri e u c'amom ulok ri e xojibalalaj tak a banoj. Quiwetamaj c'u na u k'ij ix chi in, ri Ajawaxel, in ri quinc'äjisan i wäch.

Ri Ezequiel 8:18

Ri in quencojo' ri woyowal. Man quel ta na jubik' nu c'u'x chque. Pune' caquirak quichi' che nu siq'uixic, man quebentatabej taj.”

Ri Ezequiel 9:10

Man quel ta c'u na jubik' nu c'u'x chque, xane' quinta' na chque jas qui banom pa ri qui c'aslemal.”

Ri Amos 4:10

“Xintak ulok jun banbal c'ax piwi' jacha' ri xintak ulok puwi' ri Ejipt; xinbano chi ri e i c'ojolab xecäm pa tak ri juyub ri xeban wi tak ri ch'o'j xinya' c'u c'olbal chi ri c'ulel xuban rech chque tak ri e i quiej; xinban chiwe chi xebisik tak ri qui chuwil tak ri cäminakib ri xecäm chupam ri ch'o'j ¡e are' tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Amos 8:13

Je'licalaj tak alitomab xukuje' alabom ri sibalaj c'o qui chuk'ab quechukchub rumal chaki'j chi' pa ri k'ij ri'.

Ri Zacariy 11:6

Je c'u quenbana' na, mawi in quel ta chi na nu c'u'x chque ri winak ri e jekel chupam we ulew ri', xane' quebenjacha' na chquijujunal pa u k'ab ri rajil u tz'akat xukuje' pa u k'ab ri rajawinel. We winak ri' caquisachisaj na u wäch ri ulew, man c'o ta c'u jun quinto'tajisaj ta na can pa qui k'ab. In, ri Ajawaxel quinjiquiba' u bixic.”

U Camulixic ri Pixab 28:50

winak ri xibibal quepetic, ri man nim ta quequil wi ri ri'jab tak winak, mawi cäquitok'obisaj qui wäch ri ac'alab.

U Camulixic ri Pixab 32:25

Quek'ok'ex na tak ri e qui c'ojol xo'l tak ri ja, are quebajawin na ri xibinelab pa tak ri cachoch; quecäm na ri alabom xukuje' ri alitomab, ri ri'jab xukuje' ri c'a quetu'nic.

Ri Josue 6:21

Xequicämisaj c'ut cuc' ch'ich' re ch'o'j ri achijab, ri ixokib, ri c'ojolab ri ri'jab, xukuje' c'u ne tak ri wacax, ri chij, xukuje' tak ri bur. Ronojel c'ut xquisachisaj u wäch.

Nabe Samuel 15:3

Rumal ri', jät chabana' c'ax chque; chasachisaj qui wäch junam cuc' conojel ri jastak quech, matok'obisaj qui wäch. Chebacämisaj achijab xukuje' ixokib, ac'alab pune' c'äte xil qui wäch, ama'ib tak wacax, chij tak, cameyib tak xukuje' ati'tab tak bur.’ ”