Juyuwem 2:19 - Quiché Bible

¹⁹ Chatwalijok charakakej a chi' pa tak ri chak'ab, chabeytajisaj ri u rakic a chi'; chajamij ri awanima' chuwäch ri Ajawaxel, chaya' che chi belelok jacha' ri ja'; chebalic'a' ri a k'ab chusuq'uil chatz'onoj tok'ob chatbochi'n puwi' ri qui c'aslemal tak ri e awal, ri quec'am xo'l tak ri be re ri tinimit rumal wi'jal.

Juyuwem 2:19 ပူးပေါင်းရင်းမြစ်များ

Ri Job 3:24

Ri e bik'bitem e are' tzukbal wib; ri wuq'uia' e are' ri ch'ikowem rumal ri c'axc'ol.

Salmib 119:55

Ajawaxel, aretak coc ak'ab cänataj la chwe; ¡quinwaj quinoc che qui nimaxic ri tijonic la!

Salmib 134:2

¡Chiyaca' ri i k'ab che ri tastalicalaj k'ijilabal, chiya' u k'ij ri Ajawaxel!

Salmib 141:2

Ri nu ch'awem uc' la je chuxok jacha' ri c'oc'alaj k'ol chwäch la, e yactal c'ut ri e nu k'ab, jacha' sipanic rech benak k'ij.

Salmib 142:2

Chuwäch quintzujun wi, chuwäch quinya' wi retamaxic ri nu c'axc'ol,

Salmib 142:3

aretak kas in c'o chupam ri latz'obal. Ajawaxel, lal etamam la ri nu be: chupam ri be ri in benak wi, qui cojom jun c'amibal chwe.

Salmib 28:2

Tatabej la ri nu rakoj chi'aj che u tz'onoxic ri to'banic la, aretak quinyuk apan ri nu k'ab chusuq'uil ri tastalicalaj achoch la.

Salmib 42:3

Pa k'ij xukuje' chak'ab, ri e u wa'l nu wäch e are nu wa, amak'el c'ut cäc'ot nu chi', cäbix chwe: “¿Jawije' c'o wi ri a Dios?”

Salmib 42:4

Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

Salmib 42:8

Pa k'ij ri Ajawaxel cutak ulok ri lok'ok'ebal u c'u'x chwe, chak'ab man catani ta ri nu bix mawi ri nu ch'awem ruc' ri Dios ri ajchak'e ri nu c'aslemal.

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Salmib 63:4

pa ronojel nu c'aslemal quinya' na k'ij la, quinyac ri nu k'ab chwäch la aretak quinch'aw uc' la.

Ri Isaiy 26:9

Ruc' ronojel ri wanima' quinbik'bit che la chak'ab kas pa ri wanima' q'uiyinak wi ulok ri rayinic che tzucuxic la. Aretak cak'at la tzij puwi' ri uwächulew ri achijab cäquetamaj na jas ri suq'uil.

Ri Isaiy 51:20

At junam ruc' ri masat ri kajinak chupam ri c'amibal, ri e awal man c'o ta chi qui chuk'ab, xak apachique be chic e popoj wi, e socotajinak rumal ri royowal ri Ajawaxel, rumal ri c'äjisabal wächaj ri cuya' ri a Dios.

Ri Jeremiy 14:18

Quinbe pa ri juyub, quebenwil ri cäminakib ri xecäm rumal ri ch'o'j; quinoc chupam ri tinimit, quebenwil ri winak cätajin quecäm rumal wi'jal. Xukuje' ne ri e k'axal tzij xukuje' tak ri cojol tabal tok'ob quebe pa jun ulew ri man etamatal taj.’ ”

Ri Jeremiy 9:20

Ixokib, chitatabej ri u tzij ri Ajawaxel, kas chitatabej ri cubij chiwe. Chebitijoj tak ri e iwal ixokib che u banic ok'ej xukuje' ri e canima' quib cuc' je juyuwem wa' chiquiba' na':

Ri Ezequiel 5:10

Rumal ri' chixo'l ix quewalij na tataxelab ri quequitij na ri e calc'ual xukuje' alc'ualaxelab ri quequitij tak na ri e qui tat. Quenbana' na ri u c'äjisaxic a wäch, are c'u ri quec'asi' canok quebenjabuj na pa ri quiejeb quiakik'.

Ri Ezequiel 5:16

In quinban na chi quepe ri wi'jal piwi', jacha' xibibalalaj tak ch'ab ri quesachan wächaj. Je, quinban na chi cäpe piwi' ri sachbal wächaj xukuje' ri wi'jal man quirik ta chi c'ut ri quitijo.

Ri Miquey 1:16

Are c'u ri at, tinimit re Sion, chabana' tol che ri a jolom che u c'utic ri k'oxomal, rumal quech ri c'ojolab ri sibalaj quebalok'ok'ej. Chabana' tol che ri a jolom jacha' che c'utbal re c'axc'ol, rumal rech chi ri e a c'ojol quec'am na bic pa jun ulew chic.”

Ri Nahum 3:10

Xc'am c'u ne bic ri Tebs, pa jun ulew chic; xec'äjix c'u ne ri e alaj tak ralc'ual cho tak ri qui xquina tak ri be; paquiwi' ri nimak tak qui k'ij xq'uiak taklebenic e re tak c'ut ri c'amal tak qui be xecoj tza'm tikom ch'ich'.

Ri Matey 14:25

Pa ri u sakaribal c'ut ri ucab k'ij, ri Jesus xbe cuc', cäbin puwi' ri ja'.

Marcos 1:35

Sibalaj ak'ab ri Jesus xwalijic, c'ä majok cäsakaric. Xel bic, xbe pa jun c'olbal cätz'inowic, xuban ch'awem ruc' Dios chila'.

Marcos 13:35

Chixc'asc'at ba'. Man iweta'm ta c'ut jampa' cäpe ri rajaw ja, we pa xk'ekal, we pa niq'uiaj ak'ab, we aretak cok' ri ama' ec', we aretak cäsakaric.

Ri Lucax 6:12

Pa tak ri k'ij ri', ri Jesus xubana' ch'awem ruc' Dios pa ri juyub. Xroc'owisaj ri chak'abil pa ch'awem ruc' Dios.

1 Timoteo 2:8

Quinwaj c'ut chi ri winak pa conojel c'olbal cäquiban ch'awem ruc' Dios chequiwalijisaj ri qui k'ab ruc' jun ch'ajch'ojalaj canima', man c'o ta oyowal mawi c'ulelam tak ib.

K'atal tak Tzij 7:19

Ri Jedeon xukuje' ri jun sient achijab xebopan chquinakaj ri c'ulel, aretak cätajin queq'uex ri chajinelab re ri niq'uiaj ak'ab. Xecok'isaj c'ut ri cuc'a' ri ama'ib tak chij xukuje' xequipaxij ri k'ebal ri cuc'am bic pa qui k'ab,

Nabe Samuel 1:15

Man je ta ri' tat,” xcha' ri Na'. “Man rumal ta rech chi nu kumum ta u wa'l uva mawi jun uq'uia' ri k'obisam, xane' xa c'axc'obinak ri wanima' cätajin c'u quinjamij ri nu c'axc'ol chuwäch ri Ajawaxel.

Nabe Samuel 7:6

Ri aj israelib xquimulij quib pa Mizpa, xquesaj c'u ja' chi' xquijamij c'ut jacha' sipanic chuwäch ri Ajawaxel. Chila', pa Mizpa ri Samuel xux wi c'amal qui be ri aj israelib.