Juyuwem 2:15 - Quiché Bible

¹⁵ Aretak catquil ri queboc'ow pa ri be caquipak'apa' qui k'ab che a yok'ic; quexulk'ubic caquislabaj c'ut ri qui jolom che retz'bexic a wäch, je c'u caquibij wa' che ri je'lalaj Jerusalen: “¿La are ta c'u tinimit wa' ri cabinaxic ri tz'akatalaj je'lical re ri uwächulew?”

Juyuwem 2:15 ပူးပေါင်းရင်းမြစ်များ

Ucab Ajawinelab 19:21

E are tak tzij wa' ri e u bim ri Ajawaxel ri cuc'ulmaj na ri ajawinel re Asiriy: “Ri tinimit Sion, jacha' jun ali, cutze'j a wäch, Senaquerib. Ri Jerusalen cusutusa' ri u jolom che retz'bexic a wäch aretak cattzelej chawij.

Ucab Tzijobelil 7:21

We wachoch ri' ri sibalaj nim u k'ij, cux na xa' jumulaj etzeletajic, ronojel c'ut ri coc'ow chunakaj camayijin na cuc'ot c'u na chi'aj, ¿Jasche ri Ajawaxel je u banom wa' che we ulew ri' xukuje' che we rachoch ri'?

Salmib 109:25

¡in uxinak yacal qui tze' ri winak! ¡aretak quinquilo, cäquisutisa' ri qui jolom che retz'bexic nu wäch!

Salmib 22:7

Ri quinquilo cäquitze'j nu wäch; cäquiyuch'ula' qui palaj chwe, cäquisutisa' qui jolom;

Salmib 48:2

¡Sibalaj je'l ri u chicajil ri juyub Sion, jela' pa u xcut ri riquiak'ab ri elebal k'ij! ¡Are u quicotemal ronojel ri uwächulew! ¡Are u tinimit ri ajawinel ri nim u k'ij!

Salmib 48:3

Ri Dios c'o chquipam cachoch tak ajawinelab pa Jerusalen; ri Dios u k'alajisam rib chi are' panibal ri co jekelic.

Salmib 50:2

Ri Dios cächuplin ulok pa ri Sion, ri tinimit ri sibalaj tz'akat ri u je'lal.

Salmib 64:8

quetzak na rumal tak ri qui tzij, cätze'x na qui wäch cumal ri queilowic.

Ri Isaiy 28:21

Ri Ajawaxel je cuban na jas ri xuban pa ri juyub Perazim, je cuban na jas ri xuban pa ri beya' re Gabaon, che u banic ri u chomam, pune' man je ta chque ri winak, che u banic ri u chac, ri u chac ri mayibal u banic.

Ri Isaiy 37:22

E are tak tzij wa' ri xubij ri Ajawaxel chrij ri ajawinel aj Asiriy: “Ri tinimit Sion, jacha' jun ali, cutze'j a wäch Senaquerib. Ri Jerusalen cusutisa' ri u jolom ruc' etz'ben wächaj aretak cattzelej pa wakan.”

Ri Isaiy 64:11

Ri juluwemalaj c'olbal ri xujk'ijilan wi jawije' xk'ijilax wi la cumal ri e ka mam, xsach u wäch rumal ri k'ak'. Ronojel ri sibalaj lok' chkawäch etzelatajinak.

Ri Jeremiy 18:16

U mac rech wa' u banom chi ri ulew uxinak jun chaki'j uwo sak, pa jun mayijinem amak'el. Ronojel ri coc'ow chupam cuxibij na rib cusutisa' na ri u jolom.

Ri Jeremiy 19:8

Quinban na che we tinimit ri' chi cux jun chaki'j uwo sak, pa jun jasach ri cuya' xibibal ib chque conojel ri queboc'ow chupam quexibitajic xukuje' quemayin na aretak caquilo chi ronojel etzeletajinak.

Ri Jeremiy 25:18

Xinya' che ri Jerusalen rech caruq'uiaj xukuje' chque ri tinimit tak re Juda, junam cuc' tak ri cajawinelab xukuje' ri c'amal tak be, che u sachisaxic qui wäch xukuje' che qui yojixic canok, ri cuya' xibriquil xukuje' xe'n ib, che u ya'ic c'utbal re c'okonic ri c'ä e takeninak camic.

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Jeremiy 26:6

quinban c'u na che we wachoch ri' je jas ri xinban che ri xc'oji pa Sil. Quinban na che we tinimit ri' jun esbal no'j re c'okonic chque conojel tak ri winak re ri uwächulew.’ ”

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Ri Jeremiy 48:27

Moab, ¿La ma ta pu xatze'j u wäch ri Israel catyok'on c'u che ruc' etzelam wächaj, jacha' ta ne are' ta jun eläk'om?

Ri Jeremiy 51:37

cäjalwächitaj c'u na pa jumulaj etzeletajic, pa qui jekelibal ch'ich'alaj tak chicop, pa jun c'olbal ri man cuya' ta chic c'o ta jachin cajeki' chupam cuya' c'u na xe'n ib chque conojel xukuje' xibibal ib.

Juyuwem 1:21

Ri winak quequitatabej tak ri e nu juyuwem, man c'o ta c'u jachin cacu'bisan ta nu c'u'x. Conojel tak ri qui banom tak qui c'ulel chwe queta'm ri etzelal ri in c'o wi, quequicot c'ut chi lal lal banowinak. ¡Bana' la chi chpet ri k'ij ri e yo'm la u bixic, je c'u chi qui c'ulmaj jacha' ri nu c'ulmam in!

Juyuwem 1:8

Ri Jerusalen sibalaj nim ri macaj ri u banom u banom c'ut chi xyataj che chi etzelam u wäch. Ri xeyo'w tak u k'ij nabe, camic caquetzelaj u wäch rumal rech chi quilom ri u ch'analiquil. Rumal ri' cätajin cok'ic, elinak u q'uixbal are cuya' ri uwo rachak.

Juyuwem 2:16

Ri caquiban qui c'ulel chawe xquijak ri qui chi' che a yok'ic. Quexulk'ubic caquibanala' qui palaj caquikuch'uch'ej qui ware, je caquibij wa': “Ketzelam ronojel. Are k'ij wa' ri sibalaj keyem; ¡Xujcuin c'u na che rilic!”

Juyuwem 2:6

Jacha' jun eläk'om, xutokij ri u k'ijilabal xuyojij ri c'olbal ri queban wi ri mulin tak ib. Ri Ajawaxel xubano chi pa Sion quesach pa qui jolom coc'owisaxic tak ri e nimak'ij xukuje' ri k'ij que uxlanem. Pa ri u k'ak'al ri royowal, xuxutuj ri ajawinel xukuje' ri cojol tabal tok'ob.

Ri Ezequiel 16:13

Xch'ukutaj awij ruc' k'an puak xukuje' sak puak; ri awatz'iak e re lino, coc'alaj tak qui quemic xukuje' e quem ri e je'lic tak qui ca'yebal. Utzalaj wa catzukbej awib, rachil u juyubal räx cab xukuje' aseit re ri u che'al aseitun. Xatux c'u sibalaj at je'lic: Xatjalwächitaj pa jun ajawinel ixok.

Ri Ezequiel 16:14

Xnimar c'u a k'ij chquixo'l ri nimak tak tinimit rumal ri a je'lical, ri xux tz'akat rumal ri mayibalalaj a wikic wumal. In, ri Ajawaxel, quinjiquiba' u bixic.

Ri Ezequiel 23:32

Are wa' ri quinbij in, ri Ajawaxel: “Cakumuj na awe che ri u kumubal ri awatz, jun kumubal nim chewechic xukuje' nim u pam, nojinak che u tze'xic a wäch xukuje' che retzelaxic a wäch.

Ri Ezequiel 25:6

In, ri Ajawaxel, quinbij: Ix ri ix amonib xipak'apa ri e i k'ab, xixch'opin che quicotemal, iwetzelam c'ut u wäch ri Israel.

Ri Ezequiel 5:15

Aretak ri in chinc'am ulok ruc' nimalaj oyowal ri ya'tal chawe, quinya' c'u na ri c'axalaj c'äjisabal a wäch, conojel ri winak catquiyok' na, caquitze'j na a wäch, cätux c'u na jun xibibalalaj c'ambal no'j chque tak ri tinimit ri e a c'ulja. In, ri Ajawaxel, nu bim.

Ri Daniel 9:16

Ajawaxel keta'm chi quel c'u'x la. Bana' la tok'ob chtasa' la ri oyowal la xukuje' ri c'anal la che ri Jerusalen, are c'ut ri tinimit la, ri tastalic juyub la. Conojel ri winak ri e re ri nimak tak tinimit cäquitze'j u wäch ri Jerusalen xukuje' ri e winak la, qui mac quech ri ka mac, xukuje' ri quech ri ka mam.

Ri Miquey 6:16

Rumal rech chi e a takem ri e u takanic xukuje' tak ri e u banoj ri Omri xukuje' ri xequiban ri e ralaxic ri Acab, xaban c'u awe jacha' ri xequiban tak we winak ri'. Rumal ri' in quenbana' na chawe xukuje' chque ri e a winak chi quixux jun xibibal ib xukuje' yacbal tze', are c'u ri u q'uixbal ri nu tinimit cakaj na pawi'.”

Ri Nahum 3:19

¡Man c'o ta cunabal che ri a socotajic; ri a ch'a'c man cunatajel taj! Conojel ri caquita' u tzijol ri a quiäkasakil quequipak'apa tak ri qui k'ab rumal quicotemal, ¿jachin ta lo ri ma ta xurik c'ax rumal ri awetzelal ri man c'o ta u q'uisic?”

Ri Soponiy 2:15

Are tinimit wa' ri nojinak che nimal ri jekelic ri u cuban u c'u'x, ri caquibij wi ri winak ri e jekel chupam chi man c'o ta chi jun junam ta ruc' ri c'o ta cho ri uwächulew. ¡Tolobam c'u canok jalwächitajinak pa qui warabal juyubal tak awaj! Joropa' ri queboc'ow chunakaj, quexulk'ubic caquiban c'u na qui palaj che retzelaxic u wäch.

Ri Matey 27:39

Ri winak ri queboc'owic xquetz'bej u wäch. Caquisutisa' ri qui jolom.

Marcos 15:29

Ri winak ri queboc'owic xquiyok'o, xquisutusa' ri qui jolom, xquibij: “¡Pa at ri cawulij ri rachoch Dios!, pa oxib k'ij c'ut cayac chi na,