Juyuwem 2:14 - Quiché Bible

¹⁴ Ri e c'utwächinic ri xequiya' tak qui bixic tak ri e k'axal tak tzij ri e c'o awuc' chawe xa' e jujun itzelalaj tak subunic. Man xquiya' ta ri a mac chisak chawäch rech xq'extaj taj ri cataklebej, xequiya' qui bixic subunelalaj tak c'utwächinic chawe, xquiban c'u chawe chi quebacojo.

Juyuwem 2:14 ပူးပေါင်းရင်းမြစ်များ

Ri Isaiy 58:1

Ri Ajawaxel xubij chwe: “Co charaka' a chi' maxe'j awib, co charaka' a chi' jacha' jun trompet chayaja' ri nu tinimit qui mac ri e u chak'maquil, ri u tinimit ri Jacob qui mac ri e u mac.

Ri Jeremiy 2:8

Ri e cojol tabal tok'ob man xinquitzucuj taj, ri e ya' tak qui no'j ri nu tinimit man xquich'ob ta nu wäch, ri e c'amal tak be xquiwalijisala' tak quib chwij, e are chi c'ut ri e k'axal nu tzij xech'aw pa u bi' ri Baal xukuje' xequiterenej tak ri diosib ri man c'o ta qui patan.”

Ri Jeremiy 20:6

Are' c'u ri at, Pasur, catc'am na bic pa Babilon, quebawachilaj c'u bic conojel ri e awachalaxic. Chila' c'u catecäm wi na xukuje' chila' c'u catmuk wi na at xukuje' conojel ri awachil awib cuc' ri xebaya' wi qui bixic subunelab tak jastak chque.’ ”

Ri Jeremiy 23:22

We ta xequetamaj tak ri jastak ri e c'utal wuc', xequiya' ta qui bixic ri' ri nu tzij che ri nu tinimit; xecuin ta c'u ri' chque chi xquitas ta quib che ri itzel qui be xequiya' ta c'u can tak ri' ri itzel tak qui banoj.”

Ri Jeremiy 23:36

Mucoj chi c'ut ri tzij ‘u chilibenic ri Ajawaxel’, we c'u ne c'o jachin jun cacojowic, quinban na chi ri e u tzij quebux jun chilibenic. Ix i q'uexom ri quel caquibij ri u tzij ri c'aslic Dios, ri rech ri i Dios, ri Ajawaxel ri c'o ronojel u cuinem.

Ri Jeremiy 28:15

Xubij c'ut ri Jeremiy che ri Hananiy: “¡Chattatabenok, Hananiy! Ri Ajawaxel man at u takom taj, are c'u ri at cätajin caya' che we tinimit ri' jun u cawäch jiquiban c'uxaj.

Ri Jeremiy 29:21

Ri Ajawaxel ri c'o ronojel u cuinem, ri u Dios ri Israel, cuya' u bixic ri cuc'ulmaj na ri Acab, u c'ojol ri Colaiy, xukuje' ri cuc'ulmaj na ri Sedequiy, u c'ojol ri Maasiy, ri quequibij qui cawäch tak jastak chiwe pa ri u bi' ri Ajawaxel: ‘Quenbana' chque chi quekaj pa u k'ab ri ajawinel Nabucodonosor re Babilon, are' c'ut ri are' quecämisan na chiwäch ix.

Ri Jeremiy 37:19

¿Jawije' e c'o wi ri' ri e k'axal tzij ri xquijiquiba' u bixic chi ri ajawinel re Babilon man cuban ta na c'ax che la, mawi che ri ulew?

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Juyuwem 4:13

¡Ronojel u mac rech ri qui mac ri e k'axal tzij ri e c'o cuc', qui mac ri quetzelal tak ri e cojol tabal tok'ob, ri xquitix quic' kas chupam ri nimalaj tinimit ri man c'o ta u mac!

Ri Ezequiel 13:22

Ri ix, cuc' ri e i banoj tak tzij e i xibim ri e utz, ri man quinwaj taj je caquic'ulmaj, are c'u e i yo'm qui chuk'ab ri e banal tak etzelal che u takexic qui banic ri itzel qui c'aslemal, rech ri in man quinya' ta qui c'aslemal.

Ri Ezequiel 22:25

jun ulew ri e c'o u k'atal tak tzij ri xak e junam cuc' tak ri coj, ri quewu'nic ri quequiban ch'akatak chque ri quekaj pa qui k'ab; ri quequibik' ri winak ri e c'o pa ri culew, ri quequeläk'aj tak ri qui puak xukuje' ri qui k'inomal, ri que qui malcanirisaj can q'ui ixokib.

Ri Ezequiel 22:28

Ri e k'axal tak tzij caquic'u' ri kastzij, jacha' ri cuban jun winak cuchunaj jun tapia; caquibij chi quequil c'utwächinic, quequiya' qui bixic jastak ri man je ta quebelic. Caquijiquiba' u bixic chi quech'aw pa ri nu bi', kas c'u ne tzij ri in man in ch'awinak taj.

Ri Ezequiel 23:36

Ri Ajawaxel xubij chwe: “Are' c'u ri at, winak, ¿La cawaj caya' u bixic ri cuc'ulmaj na ri Ahol xukuje' ri Aholib? Chebaq'uiaka' c'ut ri xojibalalaj tak jastak chiquipalaj ri e qui banom.

Ri Osey 9:7

¡E opaninak tak ri k'ij rech ri c'äjisabal wächaj! ¡E opaninak tak ri k'ij rech ri u ya'ic ri tojbal ri takalic! ¡Ri Israel queretamaj chi e opaninak chic! Ri ix quibij: “Ri k'axal tzij xa' jun con. Ri achi ri uxlabisam jun tak.” Je c'u quibij wa' rumal rech chi nojinak che etzelal, u mac rech chi nim ri iwoyowal.

Ri Miquey 2:11

We c'o jachin jun cuban banoj tzij, cubij c'ut: “In quinya' u bixic u wa'l uva xukuje' tzam”, are' k'axal tzij wa' ri takal che we tinimit ri'.

Ri Miquey 3:8

Are c'u ri chwe in, ri ruxlabal ri Ajawaxel qui nu nojisaj che chuk'ab, suq'uilal xukuje' cuinem, rech quinq'uiak chi qui palaj ri aj israelib ri man qui nimanic taj xukuje' ri qui mac.

Ri Soponiy 3:4

Ri e k'axal tak tzij ri e c'o cuc' e nimol tak quib, e jachinelab quieb qui wäch; ri e u cojol tabal tok'ob cäcawasij ri k'ijilabal man caquiya' ta u k'ij ri u pixab ri Ajawaxel.