Juyuwem 1:20 - Quiché Bible

²⁰ ¡Ajawaxel, chila la, ri c'axcolil ri in c'o wi! ¡Quinna' chi carokopij ri uwo nu c'u'x! Ri c'axc'ol cuxuculej ri wanima' aretak quinchomaj chi man coc ta ri tzij pa ri nu jolom. Jela' pa ri be ri ch'ich' re ch'o'j quebucämisaj tak ri e walc'ual, are c'u ri in c'o wi xukuje' c'o cämical.

Juyuwem 1:20 ပူးပေါင်းရင်းမြစ်များ

Ri Job 30:27

ri wanima' quel ch'u'j man cuxlantaj; xuwi c'u in queyem tak k'ij que c'axc'ol.

Ri Job 33:27

Cubij na: ‘Xinmacunic, xinban ri man suq'uilal taj, man xraj ta c'ut ri Dios xuc'äjisaj ta nu wäch;

Salmib 22:14

In jacha' ja' ri cajamajobic; e tuktubinak ri e nu bakil, ri wanima' junam ruc' ri xca'b ri cabelebob chnupam.

Salmib 38:8

Sibalaj in muchmubinak, man c'o ta chi nu chuk'ab; ¡ri nu ch'ikowem u ch'ikowem ri anima'aj!

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

Ri Isaiy 16:11

Cayicopitaj ri wanima' jacha' jun arp che u bisoxic ri Moab xukuje' ri Quir-areset.

Ri Isaiy 38:14

Xak alicha' quinjilowic jacha' ri cäquiban ri xipicar, quinch'ikowic jacha' ri caquiban ri palomax. Ri nu bak'wäch quecos che ri ca'yem chicaj. Ajawaxel, nu rikom c'ax, chux la to'l wech.

Ri Jeremiy 14:18

Quinbe pa ri juyub, quebenwil ri cäminakib ri xecäm rumal ri ch'o'j; quinoc chupam ri tinimit, quebenwil ri winak cätajin quecäm rumal wi'jal. Xukuje' ne ri e k'axal tzij xukuje' tak ri cojol tabal tok'ob quebe pa jun ulew ri man etamatal taj.’ ”

Ri Jeremiy 14:20

Ajawaxel cakaya' kib chuxe' ri ketzelal xukuje' ri qui mac ri e ka mam; uj macuninak chwäch la.

Ri Jeremiy 2:35

Pune' c'u a banom ronojel wa': ‘Man c'o ta nu mac catcha' c'ut. Ri Dios man oyowarinak ta wuc'.’ Utz ri', cabij c'u ya' chi man at macuninak taj, quinchoman c'u na awuc'.

Ri Jeremiy 3:13

Xuwi ta ne we kas cach'ob ri awetzelal, chi xac'ulelaj ri Ajawaxel ri a Dios; xatxiq'uinilob c'u che qui tzucuxic jachin tak catajawinic ri e jule' chi wi chuxe' ronojel che' ri jewel u xak, man c'u xebanimaj taj ri e nu takanic. In, ri Ajawaxel, quinjiquiba' u bixic.’ ”

Ri Jeremiy 31:20

Ri u tinimit ri Eprain uxinak chwe jun nu c'ojol ri lok' chnuwäch: are' c'ojolaxel wa' ri sibalaj quinwaj na. Aretak c'u ne nu yajom, man quel ta pa nu jolom; caslabetaj ri wanima' quinna' jun nimalaj tok'obisam wächaj che. In, ri Ajawaxel Dios, quinjiquiba' u bixic.

Ri Jeremiy 4:19

¡Quinbak'atij wib che k'oxomal! ¡Ri wanima' cätic na ruc' aninakil! ¡Quinelch'u'j, man cuya' taj quitz'apij ri u pa nu chi'! Xinta' jun rok'ibal trompet, jun rakoj chi'aj re ch'o'j.

Ri Jeremiy 48:36

Rumal ri' cajuyuw ri wanima' che ri Moab xukuje' chque ri winak aj Kir-hars jacha' u juyuwem u k'ojom cäminak, ri k'inomal tak ri e u mulin sachinak qui wäch.

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!

Juyuwem 1:18

Ri Ajawaxel xuban ri takalic, rumal rech chi xebenc'ulelaj tak ri e u takanic. ¡Chinitatabej, tinimit iwonojel; chixoc il che rilic ri nu k'oxomal! ¡Ri e tak nu c'ojolab xukuje' tak ri e nu k'apojib e c'amom tak bic jacha lok'om patanijic!

Juyuwem 1:8

Ri Jerusalen sibalaj nim ri macaj ri u banom u banom c'ut chi xyataj che chi etzelam u wäch. Ri xeyo'w tak u k'ij nabe, camic caquetzelaj u wäch rumal rech chi quilom ri u ch'analiquil. Rumal ri' cätajin cok'ic, elinak u q'uixbal are cuya' ri uwo rachak.

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Juyuwem 5:16

Xtzak ri ka corona ri c'o che ri ka jolom; ¡tok'ob ka wäch, chi uj macuninak!

Ri Ezequiel 7:15

Chrij ri ulew c'o ch'o'j, chupam ri tinimit e c'o yabil wi'jal. Ri e c'o pa tak ri juyub quecäm na pa ri ch'o'j, ri e c'o pa ri tinimit quecäm na rumal wi'jal xukuje' yabil.

Ri Daniel 9:5

Uj macuninak xukuje' ka banom ri etzelal; ka banom ri lawaloyil; xak uj c'olinak chi jeri' man kayo'm ta c'olbal che la pa ri ka chomanic; e ka xutum ri takomal la xukuje' tak ri takanic la.

Ri Osey 11:8

¿Jas ta che catinya' canok, Eprain? ¿Jas ta che catinxutuj canok, Israel? ¿La quincuin ta lo quinsachisaj a wäch jacha' ri xinban che u sachisaxic u wäch ri tinimit re Adma, o quenbana' ta chawe junam jas ri xinban che ri Zeboim? ¡Ri wanima' slabetajinak, nojinak che elebal c'uxaj chawe!

Ri Habacuc 3:16

Aretak xinta' ronojel wa' xinxe'j wib. Ri e nu chi' xequichaplej birbitem, ri e nu ch'ec man caquich'ij ta chic quetaq'ui'c' ronojel c'ut ri nu cuerp xchukchubic. In c'u ne jewa', man quinel ta na ch'u'j che reyexic ri k'ij aretak ri Dios quebucoj pa c'axc'olil ri cajch'ojab ri e banal tak c'ax chke.

U Camulixic ri Pixab 32:25

Quek'ok'ex na tak ri e qui c'ojol xo'l tak ri ja, are quebajawin na ri xibinelab pa tak ri cachoch; quecäm na ri alabom xukuje' ri alitomab, ri ri'jab xukuje' ri c'a quetu'nic.