Juyuwem 1:14 - Quiché Bible

¹⁴ Ri e nu mac e rilom ri Ajawaxel; kas are' e ximowinak tak chwij jacha' jun eka'bal ri u tzakom ralal panuwi': ¡Quebuq'uis tak ri e nu chuk'ab! Ri Ajawaxel in u jachom pa qui k'ab winak ri man quinch'ij ta qui coch'ic.

Juyuwem 1:14 ပူးပေါင်းရင်းမြစ်များ

E C'ambal tak Tzij 5:22

Ri banal etzelal cäkajbex na rumal ri etzelal ri cubano, ri kas u mac are' cäximow na jacha' jun colob.

Ri Isaiy 14:25

Quinsach na u wäch ri tinimit Asiriy pa ri wulew, quinxak'elej na pa tak ri nu juyub. Ri reka'bal cutanaba' na u banic c'ax che ri nu tinimit, man cäc'oji' ta chi ri c'axalaj u takanic puwi' ri u teleb ri nu tinimit.

Ri Isaiy 47:6

Aretak xyactaj woyowal ruc' ri nu tinimit, xinjach ri kas nu nim tinimit pa ri q'uixbal, xinya' be che chi cäkaj pa a k'ab. Man xatok'obisaj ta c'u qui wäch, xacoj ri alalaj awekebal paquiwi' ri ri'jab.

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Jeremiy 27:12

In, Jeremiy, xinbij ronojel wa' che ri Sedequiy, ajawinel re Juda, xinbij c'u che xukuje': “Chicojo' iwib chuxe' ri u cuinem ri ajawinel aj Babilon xukuje' che ri u tinimit, quixc'asi' c'u na.

Ri Jeremiy 27:8

We c'u e c'o jujun nimak tak tinimit, o ajawinelab ri man caquicoj ta quib chuxe' ri reka'bal ri Nabucodonosor, quinc'äjisaj na qui wäch ruc' ch'o'j, wi'jal xukuje' cämisanelalaj yabil, c'ä conojel quec'oji' na chuxe' ri u cuinem. In, ri Ajawaxel, quinjiquiba' u bixic.

Ri Jeremiy 28:13

“Jät jabij c'u che ri Hananiy chi in, ri Ajawaxel, quinbij: Xabanch'akatak che jun eka'bal re che', are' c'u ri in nu suc'umam chawe jun eka'bal re räx ch'ich'.

Ri Jeremiy 28:14

In c'ut ri Ajawaxel ri c'o ronojel u cuinem, ri u Dios ri Israel, quinbij: Nu cojom chrij qui wi' conojel we nimak tak tinimit ri' jun eka'bal re räx ch'ich' rech quepataninic e jacha' lok'om tak pataninelab che ri ajawinel Nabucodonosor re Babilon. Xukuje' ne tak ri juyubal tak awaj e nu cojom chuxe' ri u cuinem.”

Ri Jeremiy 32:3

Xtak c'u u tz'apixic rumal ri ajawinel Sedequiy, rumal rech chi u bim ri Jeremiy: “Cächa ri Ajawaxel: ‘Quenbana' chi we tinimit ri' cakaj pa u k'ab ri ajawinel re Babilon,

Ri Jeremiy 32:5

Ri Nabucodonosor cuc'am na bic ri Sedequiy pa Babilon, ri cacanaj wi na canok c'ä chnataj chi na chwe. Pune' quixch'ojin ri ix cuc' ri aj caldeyib, man utz ta quixel na. In, ri Ajawaxel, quinjiquiba' u bixic.’ ”

Ri Jeremiy 37:17

Ri ajawinel Sedequiy xuya' takanic chi chc'am bic ri Jeremiy chupam ri rachoch ri ajawinel, aretak c'u opaninak chic ri Jeremiy chuwäch ri ajawinel, wa' xuc'ot u chi' chic'uyal: “¿La c'o jun tzijol u yo'm ri Ajawaxel?” Ri Jeremiy xutzelej u bixic: “Je', chi quekaj la pa u k'ab ri rajawinel ri Babilon.”

Ri Ezequiel 11:9

Quinc'am na ulok ri c'äjisabal wächaj piwi': quixinwesaj na bic waral quixinjach na pa qui k'ab winak ri man i winakil taj.

Ri Ezequiel 21:31

quinkasaj c'u na ri woyowal pawi' jacha' ri jun xibibalalaj c'atic; catinjach c'u na pa qui k'ab c'analaj tak winak ri quena'w che sachisam wächaj.

Ri Ezequiel 23:28

Are wa' ri quinbij in, ri Ajawaxel: quinya' c'olbal chi catkaj pa qui k'ab ri nimak tak tinimit ri quebawetzelaj qui wäch, xukuje' ri camuluw a c'u'x chque.

Ri Ezequiel 25:4

Rumal c'u ri' quixinjach na pa qui k'ab tak ri tinimit ri e aj elebal k'ij, rech e are' quebechben na ri iwulew, che qui woco c'u tak cachoch, quibana' c'u qui jekelibal chi'. E are' c'u quetijow na ri qui wächinic tak ri e iwulew cacuq'uiaj na ri i leche.

Ri Ezequiel 25:7

Rumal ri' quenwalijisaj ri nu k'ab che u c'äjisaxic qui wäch quebenjacha' c'u pa qui k'ab ri nimak tak tinimit, rech quequitokij ronojel ri c'o cuc'. Quebenboko' chquixo'l tak ri tinimit, quenbana' na chque chi cäsach qui wäch chquixo'l ri nimak tak tinimit, quensachisaj qui wäch chnimalaj conojel. C'äte c'u ri' caquich'ob na chi in ri' ri Ajawaxel.’ ”

Ri Osey 5:14

Jacha' ri cuban jun coj cuq'uiak rib je quinban na in aretak quinq'uiak wib chrij ri Eprain xukuje' chrij ri Juda; kas in quebenmuch tak canok, quinbextax c'ut; quebenmajij tak na, man c'o ta c'u jun jachin ta quebesan pa nu k'ab.

Ri Miquey 2:3

Rumal ri' cubij ri Ajawaxel: “Xukuje' ri in e c'o tak nu chomanic chiwe. Quentaka ulok jun quiäkasakil piwi' ri man quixcuin ta wi quito'tajisaj ta ri i kul, man quixcuin ta c'ut quixbin ta chi na ruc' banoj nimal rumal rech chi e k'ijol tak wa' rech c'axc'olil.

U Camulixic ri Pixab 28:48

Quebapatanij c'u na ri c'ulel ri quebutak na ulok ri Ajawaxel chawij; cana' na wi'jal, chaki'j chi', cäquiynaj na ri awatz'iak chawij, cana' na ronojel u wäch mebayil. Ri Ajawaxel cuya' na be chque ri a c'ulel chi catquicoj pa jun c'axalaj chac c'ä catcäm na.