Hechos 9:31 - Quiché Bible

³¹ Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

RI KꞌAKꞌ TESTAMENTO PA TZIJOBꞌAL KꞌICHEꞌ

³¹ Ri komontyox xkꞌiyik xuqujeꞌ xuriq jaꞌmaril pa ronojel Judea, pa Galilea xuqujeꞌ pa Samaria. Ri kojonelabꞌ xkimochꞌ kibꞌ xeꞌ raqan uqꞌabꞌ ri Ajawxel xyaꞌtaj kichuqꞌabꞌ pa ri kikojobꞌal rukꞌ ri utobꞌanik ri Tyoxalaj Uxlabꞌixel.

K'iche'

³¹ Xak je ri' conojel ri kachalal cojonelab ri e c'o pa Judea, pa Galilea, xukuje' pa Samaria, xuxlan ri canima'. Tajin quecowiric, c'o c'u na qui chuk'ab. Xquixej quib chuwäch ri Dios, xeniman c'u che. Are ri Lok'alaj Espíritu ri tajin cäbanowic chi sibalaj queq'uiaric, chi cäc'oji na qui chuk'ab.

K'iche' (New Orthography)

³¹ Xaq je ri' konojel ri qachalal kojonelab' ri e k'o pa Judea, pa Galilea, xuquje' pa Samaria, xuxlan ri kanima'. Tajin kekowirik, k'o k'u na ki chuq'ab'. Xkixej kib' chuwäch ri Dios, xeniman k'u che. Are ri Loq'alaj Espíritu ri tajin käb'anowik chi sib'alaj kek'iarik, chi käk'oji na ki chuq'ab'.

Hechos 9:31 ပူးပေါင်းရင်းမြစ်များ

Nabe Tzijobelil 22:18

“Ri Ajawaxel ri i Dios jekelinak iwuc' u yo'm c'u jamaril chiwe pa ronojel c'olbal, ri are' e u cojom c'u conojel ri winak rech ri ulewal chuxe' ri nu takanic, e canajinak c'u wa' chuxe' ri u takanic ri Ajawaxel xukuje' chuxe' ri u takanic ri u tinimit.

Nabe Tzijobelil 22:9

Cac'oji' c'u na jun a c'ojol ri cux na jun jamarilalaj achi; quinban c'u na chi conojel ri e u c'ulel pa conojel tak c'olbal caquiya' can pa jamaril. Rumal ri' Salomon cubinaj na. Pa ri u k'ijol quinya' na jamaril xukuje' uxlanem che ri Israel.

Ri Nehemiy 5:15

E are' tak c'u ri e takanelab ri xec'oji' can nabe chnuwäch, xebux jun eka'n che ri tinimit, k'ij chk'ij caquitok'ij cawinak rakan sak puak che ri rajil qui wa xukuje' che rajil u wa'l qui uva. Xak c'u u tz'akat chic ri e cajchaquib sibalaj c'ax caquiban che ri tinimit. Are c'u ri in man je ta xinbano, rumal rech chi nim quinwil ri Dios.

Ri Nehemiy 5:9

Ri in c'ut xinbij china': “Ri cätajin qui bano man utz taj. Rajawaxic qui c'utu' chi nim quiwil wi ri ka Dios, chi cak'ilk'ob ri yok'onic ri caquiban ri e k'ijilal tak diosib chke, ri qui banom qui c'ulel chke.

Ri Job 28:28

xubij c'ut ri Dios chque ri winak: ‘Ri jicalaj u patanixic ri Ajawaxel: are no'j wa'; ri u tasic ib chrij ri etzelal: are' c'oxomanic wa'.’ ”

Salmib 111:10

Ri no'j ri nim na are ri nim rilic ri Ajawaxel; jachin tak ri nim caquil wi c'o utzalaj qui chomanic. Amak'el cäya' na u k'ij ri Dios.

Salmib 86:11

Ajawaxel, chc'utu' la ri be la chnuwäch, rech quintakej ruc' colomal. Chbana' la chi ri wanima' nim cäril wi ri bi' la.

Salmib 94:13

rech man c'o ta cubij u c'u'x aretak quebopan ri c'axalaj tak k'ijol, are c'u ri banal etzelal cac'ot ri u julil.

E C'ambal tak Tzij 1:7

Ri no'j cachaptajic rumal u ya'ic u k'ij ri Ajawaxel; ri man c'o ta qui no'j cäquetzelaj u wäch ri no'j xukuje' ri tijonic.

E C'ambal tak Tzij 23:17

Mebaquiäk rayij ri ajmaquib; xane, are amak'el nim chawila' wi ri Ajawaxel.

E C'ambal tak Tzij 8:13

Ri u ya'ic u k'ij ri Ajawaxel are' ri retzelaxic u wäch ri lawaloyil. In quinwetzelaj u wäch ri banoj nimal xukuje' ri nimarisan ib, ri itzel be xukuje' ri banoj tzij.

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Ri Isaiy 33:6

amak'el c'ut cubij che chi man c'o ta cäslabisanic. Ri no'j xukuje' ri etamanic e jun k'inomal wa' ri queto'tajisanic ri u na'ic ib chuwäch ri Ajawaxel are jun k'inomal.

Ri Zacariy 8:20

Are wa' ri cubij ri Ajawaxel ri c'o ronojel u cuinem: “C'ä quepe chi c'u na winak, winak ri e jekel chquipam tak tinimit ri nimak qui k'ij.

Hechos 12:24

Are c'u ri u tzij ri Dios xq'uiyic, xtzijox pa tak q'ui c'olbal.

Hechos 16:5

Je c'u ri' ri cojonelab que tak ri e comon cojonelab co xetac'abax pa ri qui cojonic. Ronojel k'ij queq'uiyiric.

Hechos 2:47

Cäquinimarisaj u k'ij ri Dios. Utz quebil wi cumal conojel ri winak; k'ij c'ut chi k'ij ri Ajawaxel quebutik che ri comon cojonelab ri quecolotajic.

Hechos 20:32

Camic c'ut, wachalal, quixinjach pa u k'ab ri Dios. Are' cäcuin che i yaquic xukuje' pa ri u tzij re lok'obal c'u'x. Cuya' ronojel ri u chi'm che ri tastalicalaj u tinimit.

Hechos 5:11

Conojel c'ut ri comon cojonelab, xukuje' conojel ri xebetaman we jastak ri', xenoj che xe'n ib.

Hechos 6:7

Cätajin cäq'uiy ri u tzij ri Dios, ri cojonelab sibalaj queq'uiyir pa Jerusalen. Xukuje' sibalaj e q'ui chque ri e cojol tabal tok'ob aj judeyib xeniman che ri cojonic.

Hechos 8:1

Ri Sawl are' jun xuya' u tzij che ri u cämisaxic ri Estebn. Pa ri k'ij ri', xpe c'u jun nimalaj c'axc'olil chrij ri comon cojonelab ri c'o pa Jerusalen. Conojel xquijabuj quib, xebe pa tak ri tinimit re Judey xukuje' re Samar. Xuwi c'u ri takomxenlab man xebe taj.

Romanos 14:17

Ri rajawibal c'u ri Dios man wa ja' taj, xane' suq'uil, jamaril xukuje' quicotemal rumal ri Ruxlabal ri Dios.

Romanos 14:19

Chkabana' ba' ri jastak ri cäquiya' jamaril chkaxo'l xukuje' ri cäquiya' ka chuk'ab pa ri ka cojonic.

Romanos 15:13

Ri Dios ri cucu'bisaj ka c'u'x chunojisaj ta ri iwanima' ruc' nimalaj quicotemal, chc'oji' ta jamaril chixo'l rumal ri i cojonic. Jeri' kas cäcu'bi i c'u'x chrij ri Dios rumal ri u cuinem ri Ruxlabal ri Dios.

Romanos 5:5

Aretak cu'l ka c'u'x chrij ri Dios, man quel ta ka q'uixbal, rumal rech chi ri kanima' nojisam che ri lok'ok'ebal u c'u'x ri Dios rumal ri Ruxlabal ri Dios ri yo'm chke.

1 Corintios 14:12

Jeri' xukuje' ri ix, ri sibalaj quirayij ri sipanic aj uxlabal, chicojo' i chuk'ab rech queq'uiyir iwuc' ri jastak ri cuya' ri Uxlabaxel chiwe, che u ya'ic qui chuk'ab ri e rech ri comon cojonelab.

1 Corintios 14:26

Chuq'uisbalil, wachalal, aretak ri ix qui mulij iwib, jujun cuya' caquibixoj salm, jujun chic cuya' caquiya' tijonic, o caquiya' u bixic ri u k'alajisam ri Dios chque, o quech'aw pa jule' tak ch'abal chic, o quequik'alajisaj. Ronojel c'ut chux xak xuwi che qui q'uiyibal ri cojonelab.

2 Corintios 10:8

Pune' quinnimarisaj jubik' nu k'ij rumal ri takanic ri u yo'm ri Ajawaxel pa ka k'ab, man quel ta nu q'uixbal, rumal rech chi yo'm ri takanic pa ka k'ab che i yaquic, man che ta u sachic i wäch.

2 Corintios 12:19

Cäraj ne cätajin quichomaj chi cätajin cakatz'onoj chi cujicuyu', man je ta c'u quelic. Man je taj ri quibij, cätajin c'u cujtzijon chuwäch ri Dios uj c'u ajcristib xukuje'. Ronojel c'u wa' lok'alaj tak kachalal, rech ri ix quixq'uiy chupam ri uxlabal.

2 Corintios 13:10

Rumal ri' quebentz'ibaj bic we jastak ri' chiwe aretak man in c'o ta iwuc', rech aretak quinopan iwuc', man in c'a'n ta chic chiwe, jas ri ya'tal chwe rumal ri takanic ri u yo'm ri Ajawaxel pa nu k'ab. U yo'm chwe che u ya'ic i chuk'ab, man che ta u sachic i wäch.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

Efesios 4:12

Jeri' xuya' chque ri cojonelab ronojel ri rajawaxic chque rech quechacunic xukuje' quepataninic, rech cäq'uiy ri u cuerp ri Crist.

Efesios 4:16

Rumal c'ut ri Crist, ronojel ri cuerp, nuc'utalic xukuje' conojel ri e u tz'akatil xak jun c'o wi junam; aretak c'u ri jujun u tz'akatil utz que chacunic, ronojel cätajin caq'uiyic cätajin catz'akat pa lok'ok'ebal c'uxaj.

Efesios 4:29

Mel ulok pa i chi' jun itzel tzij, xane' xuwi chibij tzij ri utz ri cuya' qui chuk'ab xukuje' cuya' utzil chque ri queto'wic.

Efesios 5:21

Chiyala' iwib pa takic chbil tak iwib, rumal rech chi nim quiwil wi ri Crist.

U Camulixic ri Pixab 12:10

Aretak c'ut ix k'axenak chic pa ri Jordan, ix c'u jekel chic pa ri ulew ri cujach na pa i k'ab, ix to'tajinak chic pa qui k'ab ri e i c'ulel ri quech'ojin iwuc', xukuje' man c'o ta chi jas quixe'j ta chi wi iwib,

Filipenses 2:1

We ri Crist cuya' i chuk'ab, we ri lok'ok'ebal u c'u'x cucu'bisaj i c'u'x, we c'o u comonixic ri Uxlabaxel iwuc', we c'o jun ja'laj c'uxaj iwuc' xukuje' we quel i c'u'x chque niq'uiaj chic,

Colosenses 1:10

Jeri' quibano jas ri takal chiwe ri ix rech ri Ajawaxel, rech ronojel ri quibano cäkaj chuwäch. Quiya' c'u conojel wächinic que conojel utzalaj tak chac, sibalaj c'u quiwetamaj na u wäch ri Dios.

1 Tesalonicenses 5:11

Rumal ri', chicu'bisala' i c'u'x, chiyala' i chuk'ab, jas ri cätajin quibano.

1 Timoteo 1:4

o qui cholajil ri qui bi' ri e qui mam ri winak ri man c'o ta qui q'uisic. We jastak ri' xak quequiyac tak chomanic ri man c'o ta u patan, man quequito' ta che u banic ri chac ri u yo'm ri Dios chque rumal ri cojonic.

Hebreos 4:9

Rumal ri' c'o na jun uxlanem che ri u tinimit ri Dios.

Ri Josue 21:44

Ri Ajawaxel xutz'akatisaj ri xuchi'j chque, xuya' c'u jamaril chque pa ronojel ri ulew. Ri e qui c'ulel man xecuin taj xech'ojin ta chi cuc', are' c'ut xyo'w ri Ajawaxel chque ri ch'äcanic paquiwi' ri qui c'ulel.

Ri Juds 1:20

Ri ix c'ut, lok'alaj tak wachalal, co chixtac'al pa ri tastalicalaj i cojonic. Chibana' ch'awem ruc' Dios rumal ri Ruxlabal ri Dios.

K'atal tak Tzij 3:30

Are jewa' xquiban ri aj israelib che u ch'äquic ri Moab. Pa tak ri u k'ijol ri Aod, jumuch' (80) junab xc'oji' jamaril pa Israel.