Hechos 9:2 - Quiché Bible

² Xebuta' wuj chque ri k'atbal tak tzij rech cabe pa tak ri ja ri caquitijoj wi quib ri aj judeyib ri e c'o pa Damasc, che qui tzucuxic ri quitakem ri C'ac' Be, chi achijab chi ixokib, yutuyuj ta c'ut quebuc'am ta ulok pa Jerusalen.

RI KꞌAKꞌ TESTAMENTO PA TZIJOBꞌAL KꞌICHEꞌ

² Xutoqꞌij chi kataq bꞌik wuj pa ri Sinagoga ri kꞌo pa ri tinimit Damasco, rech ketaqan che kichapik ri kojonelabꞌ che ri Jesús. Xuqujeꞌ rech we kuꞌriq achyabꞌ xuqujeꞌ ixoqibꞌ ri e kojonelabꞌ kuꞌkꞌam bꞌik pa cheꞌ je laꞌ pa Jerusalén.

K'iche'

² Xuta' che chi cuya bi jujun tak wuj che, ri cubij wi chi yo'm takanic pu k'ab rech coc pa tak ri rachoch Dios pa ri tinimit Damasco. Je ri' rech queutzucuj ri queniman che ri Utzalaj Tzij re ri Evangelio, chi achijab chi ixokib, che qui chapic rech queuc'am lok che cocsaxic pa che' pa ri tinimit Jerusalén.

K'iche' (New Orthography)

² Xuta' che chi kuya b'i jujun taq wuj che, ri kub'ij wi chi yo'm taqanik pu q'ab' rech kok pa taq ri rachoch Dios pa ri tinimit Damasco. Je ri' rech keutzukuj ri keniman che ri Utzalaj Tzij re ri Evangelio, chi achijab' chi ixoqib', che ki chapik rech keuk'am loq che koksaxik pa che' pa ri tinimit Jerusalén.

Hechos 9:2 ပူးပေါင်းရင်းမြစ်များ

Chapletajic 14:15

Ri Abram e rachil ri pataninel tak rech, chak'ab xekaj paquiwi' ri ajawinelab man c'o ta xquinabej, xquitakej c'u cokataxic c'ä xebe opan na pa Hob ri c'o ajsic che ri tinimit Damasc,

Ri Isaiy 17:1

Cäya' u bixic ri cuc'ulmaj na ri Damasc: Copan na ri k'ij aretak ri Damasc man tinimit ta chic xa jumulaj ch'akatak tak tz'ak chic cäcanajic,

Ri Jeremiy 49:23

Tzijol che ri cuc'ulmaj na ri Damasc: “Ri tinimit tak re Hamat xukuje' re Arpad elinak qui q'uixbal, rumal rech chi opaninak c'ut itzel tak tzijol cuc'. Quenoj che xibriquil, man quecuin taj quec'oji' pa utzil.

Ri Matey 10:17

Chichajij iwib chquiwäch ri winak; quixquijach c'u na pa qui k'ab ri k'atal tak tzij, quixquich'ay na pa tak ri ja ri cäquitijoj wi quib ri aj judeyib che ri pixab.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Hechos 18:25

Ri are' tijom che ri u be ri Ajawaxel. Sibalaj c'o u chuk'ab pa ri u tzij. Quebutijoj ri winak cutzijoj ri Jesus ruc' tz'akatiquil, xak xuwi c'u ne reta'm chi ri Xuan cuban qui bautism ri winak re q'uexbal c'uxaj.

Hechos 19:23

Pa tak ri k'ijol ri' xban jun nimalaj tuquin ib pa Epes rumal rech ri C'ac' Be.

Hechos 19:9

E c'o c'u jujun xquicowirisaj ri canima', man xecojon taj. Ri e are' xquiyok' ri C'ac' Be chquiwäch ri winak. Rumal ri' ri Pawl xutas rib chquij, xebuc'am bic ri cojonelab pa ri ja ri cätijon wi jun achi Tiran u bi'. Ronojel k'ij xuban chomanic cuc' chila'.

Hechos 24:14

Are c'u wa' quink'alajisaj chwäch la, chi quinpatanij ri qui Dios ri nu mam je jas ri u banic we C'ac' Be ri', ri cäquibij juk'at che. Quincoj ronojel ri tz'ibam pa ri pixab xukuje' pa ri qui wuj ri e k'axal tak tzij.

Hechos 24:22

Aretak ri Pelics xuta' wa', ri reta'm chic ri C'ac' Be, xuya' na can ri u chomaxic che jun k'ij chic, xubij chque: “Aretak cäkaj ulok ri Lis ri qui nimal ri jun mil ajch'ojab, kas quinwetamaj na jas ri c'o chixo'l.”

Hechos 26:10

Je xinban pa Jerusalen. Yo'm c'u takanic pa nu k'ab cumal ri e c'amal qui be ri e cojol tabal tok'ob, xebentz'apij pa tak che' e q'ui chque ri cojonelab. Aretak c'u xecämisaxic, in jun xinya' nu tzij che qui cämisaxic.

Hechos 26:12

“Che c'u wa' in benak wi pa Damasc, ri in takom bic, xukuje' yo'm takanic pa nu k'ab cumal ri e c'amal be ri e cojol tabal tok'ob.

Hechos 6:9

Jujun chque ri e c'o pa ri ja ri cäquitijoj wi quib ri aj judeyib che ri pixab ri binam Tzokopim tak Winak chque, junam cuc' jujun tak aj Siren, aj Alejandriy, aj Silisiy, ri e aj Asiy, xquichaplej chomanic ruc' ri Estebn.

Hechos 7:19

We ajawinel ri' xebusub ri e ka winakil, xuban c'ax chque ri e ka mam. Xtakanic chi ri alaj tak calc'ual quebeq'uiak canok rech quecämic.

Hechos 9:14

Yo'm c'u takanic pa u k'ab cumal ri c'amal qui be ri e cojol tabal tok'ob chi quebuyut bic conojel ri caquinataj ri bi' la.”

Hechos 9:21

Conojel ri xquitatabej ri u tzij, xemayinic, xquibij: “¿La ma ta are' wa' xbanow c'ax chque ri winak pa Jerusalen ri caquinataj ri u bi' ri Jesus? ¿La ma ta xukuje' petinak waral che quiyutic bic quebuc'am c'u bic chquiwäch ri e c'amal qui be ri cojol tabal tok'ob?”

2 Corintios 11:32

Aretak in c'o pa Damasc, ri k'atal tzij ri c'o chuxe' ri u takanic ri ajawinel Arets xebucoj chajinelab pa tak ri roquibal ri tinimit che nu chapic.

Gálatas 1:17

Mawi xinpaki' pa Jerusalen cuc' ri nabe xeboc che takom chnuwäch in. Xane' xinbe pa Arab, c'äte ri' xintzelej ulok pa Damasc.