Hechos 8:1 - Quiché Bible

¹ Ri Sawl are' jun xuya' u tzij che ri u cämisaxic ri Estebn. Pa ri k'ij ri', xpe c'u jun nimalaj c'axc'olil chrij ri comon cojonelab ri c'o pa Jerusalen. Conojel xquijabuj quib, xebe pa tak ri tinimit re Judey xukuje' re Samar. Xuwi c'u ri takomxenlab man xebe taj.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri Saulo utz xrilo chi xkamisax ri Esteban, xqaj choch ri xbꞌanik. Che ri qꞌij riꞌ xchapleꞌtaj ubꞌanik kꞌax chike ri kojonelabꞌ pa ri tinimit Jerusalén. Konojel ri kojonelabꞌ xejabꞌun bꞌik pa ri tinimit Judea xuqujeꞌ pa Samaria. Xwi ri uꞌtijoxelabꞌ ri Jesús xekanaj kanoq pa Jerusalén.

K'iche'

¹ Ri tat Saulo utz xrilo chi xcämisax ri tat Esteban. Kas c'u pa ri k'ij ri xcäm ri are' xchaptaj u banic nimalaj c'äx chque ri kachalal cojonelab pa ri tinimit Jerusalén. Conojel c'ut xejabux bic. E c'o xebe' pa tak ri tinimit re Judea, e c'o niq'uiaj chic xebe' pa tak ri tinimit re Samaria. Xuwi ri apóstoles xecanaj canok.

K'iche' (New Orthography)

¹ Ri tat Saulo utz xrilo chi xkämisax ri tat Esteban. Qas k'u pa ri q'ij ri xkäm ri are' xchaptaj u b'anik nimalaj k'äx chke ri qachalal kojonelab' pa ri tinimit Jerusalén. Konojel k'ut xejab'ux b'ik. E k'o xeb'e' pa taq ri tinimit re Judea, e k'o nik'iaj chik xeb'e' pa taq ri tinimit re Samaria. Xuwi ri apóstoles xekanaj kanoq.

Hechos 8:1 ပူးပေါင်းရင်းမြစ်များ

Ri Nehemiy 6:3

Xebentak c'u bic tako'n che u bixic chque chi ri in latz'obinak nu wäch che u banic jun chac ri nim u banic, rumal ri' man cuya' taj quinbec, cataq'ui c'u can ri' ri chac we quinya' canok rumal ri nu benam che iwilic.

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Daniel 6:23

Sibalaj c'u xquicot ri ajawinel xuya' c'u takanic chi quesax ulok ri Daniel chupam ri c'olbal ri e c'o wi ri coj. Aretak xesataj ulok, man c'o ta jun socotajic xrik che, rumal rech chi xujiquiba' u c'u'x chrij ri u Dios.

Ri Matey 22:6

Niq'uiaj winak chic xequichap ri tako'n, xequiyok'o, xequicämisaj.

Ri Matey 23:34

Rumal ri', chiwilampe'. Quebentak bic k'axal tak tzij iwuc', quebentak bic winak c'o qui no'j xukuje' ajtijab. Jujun chque wa' quebicämisaj na, quebirip na. Jujun chic quebich'ay na pa tak ri ja ri quitijoj wi iwib che ri pixab, quebic'axc'obisaj na pa tak tinimit chi tinimit.

Ri Matey 5:13

“Ix ri' ri ratz'amil we uwächulew ri'. We c'u man c'o chic ri u tzayil ri atz'am, ¿jas ta c'u ri cubano cac'oji' ta chi u tzayil? Man c'o ta chic jas cupatanij. Xane' cäq'uiak apanok, cätac'alex c'u cumal ri winak.

Ri Xuan 15:20

Chnataj chiwe ri tzij ri nu bim chiwe: Ri pataninel man are ta nim u k'ij chuwäch ri rajaw. We ri in xban c'ax chwe, xukuje' ri ix cäban na c'ax chiwe. We inimam ri nu tzij, xukuje' cäquinimaj ri i tzij ix.

Ri Xuan 16:2

Quixesax na bic pa tak ri ja ri cäquitijoj wi quib ri aj judeyib che ri pixab. Cäpe c'u na ri k'ij, aretak apachin ri quixquicämisaj, cäquichomaj wa' chi patanijic wa' che ri Dios.

Hechos 1:8

Aretak c'u chpe ri Ruxlabal ri Dios piwi', quic'am na cuinem quixel c'u na bic che u ya'ic k'alajisanic chwij, pa Jerusalen pa ronojel ri ulew re Judey xukuje' pa Samar, xukuje' c'u pa tak ri tinimit ri sibalaj naj e c'o wi cho ronojel ri uwächulew.”

Hechos 13:1

E c'o k'axal tak tzij xukuje' ajtijab chquixo'l ri comon cojonelab aj Antioquiy. E are wa' ri Bernabe, ri Simeon ri cäbix K'ek che, ri Lus aj Siren, ri Manaen ri junam xq'uiyisax ruc' ri Herod ri k'atal tzij re Galiley, xukuje' ri Sawl.

Hechos 13:36

Kastzij ri David xebupatanij ri u winakil ri e c'o pa tak ri k'ij ri c'asal ri are', jas ri u chomanic ri Dios, te c'u ri' xcämic, xeburika' ri e u mam, xk'ay ri u cuerp.

Hechos 2:47

Cäquinimarisaj u k'ij ri Dios. Utz quebil wi cumal conojel ri winak; k'ij c'ut chi k'ij ri Ajawaxel quebutik che ri comon cojonelab ri quecolotajic.

Hechos 22:20

Aretak xturuw ri u quiq'uel ri Estebn ri xuk'alajisaj ri tzij la chquiwäch ri winak, xukuje' ri in in c'o chila'. Xa' junam ri nu chomanic cuc' ri cätajin quecämisanic, xinchajij ri qui k'u'.’

Hechos 26:10

Je xinban pa Jerusalen. Yo'm c'u takanic pa nu k'ab cumal ri e c'amal qui be ri e cojol tabal tok'ob, xebentz'apij pa tak che' e q'ui chque ri cojonelab. Aretak c'u xecämisaxic, in jun xinya' nu tzij che qui cämisaxic.

Hechos 5:18

Xequichap ri takomxenlab, xequicoj chupam ri comon che'.

Hechos 5:20

“Jix, chixetac'al pa ri rachoch Dios, chibij ronojel ri tzij re we c'aslemal ri' chque ri winak.”

Hechos 5:33

Ri nimak qui banic, aretak xquita' wa', xpe nimalaj coyowal, cäcaj c'ut quequicämisaj ri takomxenlab.

Hechos 5:40

Xequisiq'uij ri takomxenlab, xequirapuj. Xquibij chque chi man quetzijon ta chic pa ri u bi' ri Jesus. Te c'u ri' xequitzokopij bic.

Hechos 7:38

Are Moises wa' ri xc'oji' cuc' ri comon aj israelib pa ri chaki'j uwo sak, ri xc'oji' ruc' ri tako'n aj caj ri xch'aben pa ri juyub Sinai, ri xc'oji' cuc' ri e ka mam. Are' c'ut ri xc'amow ri tzij re c'aslemal ri xuk'axej chke.”

Hechos 7:54

Aretak xequita' jas xubij ri Estebn, xyactaj coyowal, xquikuch'uch'ej qui ware rumal rech ri u tzij.

Hechos 7:58

Xquesaj bic chuchi' ri tinimit, xquibuc' che abaj; e are' tak c'ut ri quetzujunic xcokxanij ri qui k'u' ruc' jun ala, Sawl u bi'.

Hechos 8:14

Ri takomxenlab ri e c'o pa Jerusalen, aretak xquito chi ri e aj Samar qui c'amom ri u tzij ri Dios, xequitak bic ri Lu' xukuje' ri Xuan chila'.

Hechos 8:2

Jujun tak achijab ri e nimanelab che ri Dios, xquimuk ri Estebn, sibalaj c'u xcok'ej.

Hechos 8:4

Are c'u ri cojonelab ri xquijabuj quib, apawije' ri quebe wi, cäquitzijoj ri u tzij ri Dios chque ri winak.

Hechos 8:5

Ri Pelip, xkaj bic pa ri tinimit pa Samar, xutzijoj ri Crist chque ri winak chila'.

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Romanos 1:32

Queta'm chi c'ut ri u takanic ri Dios, chi conojel ri quebanow we jastak ri', takal chque chi quecämic. Pune' queta'm, cäquiban ri jastak ri'. Man xuwi ta cäquibano, xane' xukuje' utz cäquilo aretak niq'uiaj winak chic cäquibano.

Filipenses 1:12

Wachalal, quinwaj quiwetamaj chi ri c'ax ri nu rikom, rumal wa' sibalaj xtzijox ri tzij re colobal ib.

Hebreos 11:27

Rumal ri cojonic, xuya' can ri Ejipt, man xuxe'j ta rib chuwäch ri royowal ri ajawinel, xane' co tac'alic je ta ne chi cäril ri Dios ri man quilitaj taj.