Hechos 6:3 - Quiché Bible

³ Chebitzucuj ba wukub achijab chixo'l, kachalal, ri k'alaj chi e nojinak che ri Uxlabaxel, xukuje' c'o qui no'j, rech quekacoj pa we chac ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Qachalal, chitzukuj wuqubꞌ achyabꞌ chiꞌxoꞌl. Ri kenimax kumal ri winaq, ri kꞌo ri Uxlabꞌixel pa kanimaꞌ xuqujeꞌ kꞌo ketaꞌmabꞌal, are waꞌ kekanajik chubꞌanik we patanijik riꞌ.

K'iche'

³ Kachalal, tzucuj ba' alak wukub achijab chxol alak. We achijab ri' rajwaxic chi utz ri qui c'aslemal, k'alaj chi cätakan ri Lok'alaj Espíritu pa canima', c'o quetambal, cäkaya c'u pa qui k'ab ru jachic ri wa.

K'iche' (New Orthography)

³ Qachalal, tzukuj b'a' alaq wuqub' achijab' chxol alaq. We achijab' ri' rajwaxik chi utz ri ki k'aslemal, q'alaj chi kätaqan ri Loq'alaj Espíritu pa kanima', k'o ketamb'al, käqaya k'u pa ki q'ab' ru jachik ri wa.

Hechos 6:3 ပူးပေါင်းရင်းမြစ်များ

Elem 18:21

Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

Ri Isaiy 28:26

Ri Dios cäc'utuw chuwäch jas ri cuban che u banic.

Ri Isaiy 28:6

cäruxlabaj na suq'uilal chque ri k'atal tak tzij che u banic suq'uil pa ri k'atbal tzij, xukuje' cuya' na u chuk'ab canima' ri ajch'ojab ri quechajin ri tinimit.

Ri Matey 23:8

Ri ix c'ut, miwaj chi cäbix ajtijab chiwe. Xa' jun ri Iwajtij, are ri Crist. Iwonojel c'ut iwachalal iwib.

Ri Xuan 21:23

Xel we tzij ri' chquixo'l ri achalaxelab, chi ri tijoxel ri' man cäcäm taj. Ri Jesus c'ut man xubij ta che chi man cäcäm taj. Xane' xubij: “We quinwaj chi ri are' cäc'asi na canok c'ä quinpe na, ¿jas awe at che?”

Hechos 1:15

E c'o q'ui cojonelab qui mulin quib, cäraj ne jun sient ruc' juwinak (120). Pa tak ri k'ij ri' xtaq'ui' ri Lu' chquixo'l ri achalaxelab, xubij chque:

Hechos 1:21

Waral e c'o achijab kuc' ri xec'oji' kuc' pa conojel tak ri jok'otaj ri xc'oji' ri Ajawaxel Jesus chkaxo'l,

Hechos 10:22

Ri e are' xquitzelej u bixic che: “Ri Cornel, are' ri qui nimal jun sient ajch'ojab. Are' suc'alaj achi ri cuna' rib chuwäch ri Dios, utz u tzijol cumal conojel ri aj judeyib. Are' xujtakow ulok. Xbix che rumal jun tako'n aj caj, chi catakan che siq'uixic la rech cabe la cho rachoch chutatabej c'ut ri cabij na la che.”

Hechos 15:23

Xquitz'ibaj jun wuj, xquiya' bic pa qui k'ab. Ri je cubij wa': “Uj ri uj takomxenlab, xukuje' tak ri tatayib ri e iwachalal c'o takanic kuc', cäkaya' rutzil qui wäch ri kachalal ri man aj judeyib taj, ri e jekel pa Antioquiy xukuje' pa Siriy xukuje' pa Silisiy.

Hechos 16:2

Ri Timotey utz u tzijol cumal ri kachalal ri e c'o pa Listr xukuje' ri e c'o pa Icon.

Hechos 2:4

Conojel c'ut xenojisax che ri Ruxlabal ri Dios, xquichaplej tzijonic pa jule' tak ch'abal chic, jas ri xuya' ri Uxlabaxel chque chi quech'aw wi.

Hechos 22:12

C'äte ri' xpe jun achi Ananiy u bi'. Are jun achi cunimaj ri u pixab ri Moises, utz u tzijol cumal ri aj judeyib ri e c'o chila' pa Damasc.

Hechos 28:14

Xekarik jujun kachalal chila', xquitz'onoj chke chi chujcanaj can wukub k'ij cuc'. Je c'u xkaban wa', chuq'uisbalil c'ut xujopan pa Rom.

Hechos 6:2

Je c'u ri' ri cablajuj takomxenlab xequisiq'uij conojel ri cojonelab, xquibij chque: “Man utz taj chi ri uj cäkaya' can ri u tzijoxic ri u tzij ri Dios che u jachic ri wa pa tak ri mexa.

Hechos 6:5

Xkaj ri tzij chquiwäch conojel, xequicha' c'ut ri Estebn, are jun achi nojinak che cojonic xukuje' nojinak che ri Ruxlabal ri Dios, xukuje' xequicha' ri Pelip, ri Procr, ri Nicanor, ri Timon, ri Parmens xukuje' ri Nicolas ri aj Antioquiy ri u c'amom ri qui cojonic ri aj judeyib.

Hechos 6:6

Xequic'am c'u bic chquiwäch ri takomxenlab. Xquiban ch'awem ruc' Dios, xquiya' ri qui k'ab paquiwi'.

Hechos 9:30

Ri achalaxelab, aretak xquetamaj wa' xquic'am bic ri Sawl, pa ri tinimit Sesarey, xquitak c'u bic pa ri tinimit Tars.

1 Corintios 12:8

Jun yo'm che, tzij re no'j rumal ri Uxlabaxel. Ri jun chic yo'm che, tzij re etamabal. Xa c'u jun ri Uxlabaxel ri cayowic.

1 Corintios 16:3

Aretak quinopanic, quebentak na bic ri kachalal ri quebicha' chixo'l, quinya' c'u na bic wuj pa qui k'ab, rech cäquic'am bic ri i cuchuj pa Jerusalen.

Efesios 5:18

Mixk'abaric. Chupam c'u wa' c'o c'axc'olil. Xane' chnojisax ri iwanima' che ri Ruxlabal ri Dios.

U Camulixic ri Pixab 1:13

Rumal ri', chebicha' chque jujun tak amak' achijab ri e ajno'jab, ri c'o quetamanic, ri quesan nimak tak qui no'j rech quebencoj jacha' che c'amal tak i be.’

1 Timoteo 5:10

ri quesax u tzijol chi utzalaj chac u banom, ri e u q'uiyisan ral, ri u yo'm okxanibal chque ri winak, ri u ch'ajom ri cakan ri cojonelab, ri e u to'm ri e c'o pa c'axc'olil, ri u banom ronojel u wäch utzalaj tak chac.

Santiago 1:17

Ronojel utzalaj sipanic, ronojel tz'akatalaj sipanic chicaj cäpe wi. Cäkaj ulok ruc' ri Dios ri xebuban ri sakil chicaj. Ri are' man cäq'uextaj taj. Ruc' ri are' man c'o ta u nanoch' ri q'uextajic.

3 Juan 1:12

Ronojel utz u tzijol ri Demetr xukuje' ne ri kastzij, cumal ri cätajin cubano. Xukuje' ri uj cäkak'alajisaj jas ri kilom, chi utz ri cubano. Ri at aweta'm chi ri cäkabij are kastzij.