Hechos 6:11 - Quiché Bible

¹¹ Xequitoj c'u jujun achijab, xequicoj qui c'u'x che u bixic: “Ka tom chi ri Estebn cuyok' ri Moises xukuje' cuyok' ri Dios.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Xaq jeriꞌ xkikoj kikꞌuꞌx jujun achyabꞌ rech kakibꞌij chi xkita ri Esteban chi xubꞌij awas taq tzij che ri Moisés xuqujeꞌ che ri Dios.

K'iche'

¹¹ Xequitoj c'u jujun achijab rech cäquibij chi kas tzij qui tom ri tat Esteban cubij ri äwas u bixic chrij ri ka mam Moisés xukuje' chrij ri Dios.

K'iche' (New Orthography)

¹¹ Xekitoj k'u jujun achijab' rech käkib'ij chi qas tzij ki tom ri tat Esteban kub'ij ri äwas u b'ixik chrij ri qa mam Moisés xuquje' chrij ri Dios.

Hechos 6:11 ပူးပေါင်းရင်းမြစ်များ

Elem 23:1

“Mebaya' tak k'alajisanic ri xa e banoj tak tzij, mawi majunaj a tzij ruc' ri banal etzelal rech catux k'alajisanel che u to'ic u wi' ri man suq'uil taj.

Ri Jeremiy 26:11

E are' tak c'ut ri e cojol tabal tok'ob xukuje' tak ri e k'axal tak tzij xquibij chque ri c'amal tak be xukuje' che ronojel ri tinimit: “We achi ri' takalic chi cäc'okox che cämical rumal rech chi u bim chi c'ax ri cutaklebej na we tinimit ri'. Ix xita' ruc' tak ri i xiquin.”

Ri Jeremiy 37:13

Aretak c'u xopan chuchi' ri Oquibal aj Benjamin, jun achi Iriy u bi', u c'ojol ri Selemiy ri' u mam c'ut ri Hananiy, ri are' qui nimal ri chajinelab, xuk'atij ri Jeremiy xubij c'u che: “¡At catk'ax cuc' ri aj caldeyib!”

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Ri Xuan 16:3

We jastak ri' quequiban na, rumal rech chi man cäquich'ob ta u wäch ri Tataxel, mawi cäquich'ob nu wäch in.

Ri Xuan 9:29

Uj keta'm chi ri Dios xtzijon ruc' ri Moises. Are c'u ri achi ri', man keta'm taj aj jawije'.”

Hechos 15:21

Kas pa ri ojer tak k'ij c'ä camic, pa conojel tak ri tinimit, e c'o winak ri cäquisiq'uij u wäch ri u pixab ri Moises ronojel k'ij re uxlanem pa tak ri ja ri cäquitijoj wi quib ri aj judeyib che ri pixab.”

Hechos 18:6

Are c'u ri are' xquik'atij u wäch ri u tzij xukuje' xeyok'onic, ri Pawl xutota' ri u k'u', che u c'utic chi man utz taj ri qui banom. Xubij c'u chque: “Kas chiwij quel wi we quixcäm pa ri i mac, man nu mac ta chi in. Camic c'ut quinbe cuc' ri man aj judeyib taj.”

Hechos 21:28

Xquirak qui chi': “¡Achijab aj israelib, chujito'! Are achi wa' ri benak pa ronojel ri uwächulew, quebutijoj conojel ri winak che u yok'ic ri ka tinimit, ri pixab xukuje' we c'olbal ri'. C'ä xebucoj ne ulok jujun aj Gres pa ri rachoch Dios, u tz'ilom we tastalicalaj c'olbal ri'.”

Hechos 25:3

Xquitz'onoj jun tok'ob che chrij ri Pawl, chi chuya' takanic chi chc'am ulok ri Pawl chelyok pa Jerusalen. Ri e are' c'ut qui banom jun chomanic chrij chi quequeyej na pa ri be che u cämisaxic.

Hechos 25:7

Aretak xpetic ri Pawl, xsutix rij cumal ri aj judeyib ri e petinak pa Jerusalen. E q'ui ri itzelalaj tak mac xquiya' chrij. Man quecuin ta c'ut cäquic'utu chi kastzij jas ri cäquibij.

Hechos 26:11

Q'ui mul xinc'äjisaj qui wäch pa tak ri ja ri cäquitijoj wi quib ri aj judeyib che ri pixab. Xincoj chuk'ab chque che u k'ilic quib che ri qui cojonic. Sibalaj xpe woyowal chquij, c'ä xinoc pa tak ri tinimit ri man e aj kuc' taj che qui c'axc'obisaxic.”

Hechos 6:10

Man xecuin ta c'u ri winak che u to'ic quib chuwäch ri u tzij, rumal rech chi yo'm u no'j rumal ri Ruxlabal ri Dios.

Hechos 6:12

Aretak xquita' we tzij ri', xyactaj coyowal ri winak. Xepe ri winak xukuje' ri e nimak tak tatayib xukuje' ri ajtijab re ri pixab; xepe chrij ri Estebn, xquichapo, xquic'am ulok chquiwäch ri k'atal tak tzij.

Hechos 6:13

Xequitac'aba' achijab chquiwäch ri k'atal tak tzij, rech cäquiban tzij chrij ri Estebn, ri e are' xquibij: “We achi ri' man cutanaba' ta u yok'ic we tastalicalaj c'olbal ri' xukuje' u yok'ic ri pixab.

Romanos 3:8

Che c'u wa', ¿jas c'u che man cäkabij: “Chkabana' etzelal rech cäpe utzil?” E c'o jujun winak ri cujquiyok'o, cäquibij chi are wa' ri ka tijonic. Takal c'u chque chi cäc'äjisax na qui wäch.

1 Timoteo 1:13

Nabe in xinwetz'bej u wäch ri Dios, xinyok'o, xukuje' xinban c'ax chque ri e rech. Ri Dios c'ut xel u c'u'x chwe, rumal rech chi majok quincojonic, rumal ri' man xinch'ob taj jas ri xinbano.