Hechos 4:27 - Quiché Bible

²⁷ Kas c'u ne tzij ri Herod xukuje' ri Pons Pilat xquimulij quib waral, chupam we tinimit ri', e cachil ri aj judeyib xukuje' niq'uiaj winak chic, xquimulij quib chrij ri tastalicalaj pataninel ech la ri Jesus, ri cha'om la.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁷ We chꞌoꞌj riꞌ xkꞌulmataj pa we tinimit rumal chi ri Herodes Antipas, ri nim qꞌatal tzij Poncio Pilato, ri winaq man utinimit ta ri Dios, xuqujeꞌ ri winaq rech Israel xewaꞌjil chirij ri Jesús, ri Cristo.

K'iche'

²⁷ Xquitakej oración, xquibij: Kas c'u tzij wi xquirik quib ri nim takanel Herodes ruc' ri tat Poncio Pilato waral ri' pa we tinimit junam cuc' ri niq'uiaj winak chic cachi'l ri winak aj Israel, xquimulij c'u quib chrij ri lok'alaj C'ojol la, ri Jesús, ri cha'tal umal la.

K'iche' (New Orthography)

²⁷ Xkitaqej oración, xkib'ij: Qas k'u tzij wi xkiriq kib' ri nim taqanel Herodes ruk' ri tat Poncio Pilato waral ri' pa we tinimit junam kuk' ri nik'iaj winaq chik kachi'l ri winaq aj Israel, xkimulij k'u kib' chrij ri loq'alaj K'ojol la, ri Jesús, ri cha'tal umal la.

Hechos 4:27 ပူးပေါင်းရင်းမြစ်များ

Ri Job 14:4

Man c'o ta jun cacuinic cäresaj ch'ajch'ojil che ri tz'ilol.

Ri Job 15:14

Man c'o ta winak ri sibalaj ta ch'ajch'oj ri ma ta curik chak'maquil.

Ri Job 25:4

¿La cäcuin ta c'u lo, jun xak winak cux ch'ajch'oj xukuje' chi ma ta c'o u mac chuwäch ri Dios?

Salmib 2:2

Ri ajawinelab xukuje' ri k'atal tak tzij re ri uwächulew, junam caquiwalijisaj quib chrij ri Ajawaxel xukuje' chrij ri rajawinel ri u cha'om.

Salmib 2:6

“Nu tasom chic ri wajawinel puwi' ri Sion, ri tastalicalaj nu juyub.”

Salmib 45:7

Cälok'ok'ej la ri utzil, quetzelaj la u wäch ri etzelal. Rumal ri' lal cha'om rumal ri Dios; ri Dios la, lal u nojisam ruc' quicotemal chquiwäch conojel ri achil la.

Ri Isaiy 37:26

¿La ma ta c'u aweta'm chi in ri Ajawaxel, ri u chomam qui banic we jastak ri'? Kas ojer ulok nu chomam ulok qui banic we jastak ri', camic c'ut nu banom ri nu chomam ulok rumal ri' ri at casach qui wäch ri tinimit tak ri sutim quij che nimak tak tapia caban can jutak mulaj ch'akatak tak xan chque.

Ri Isaiy 49:7

Ri Ajawaxel, ri toronel, ri Tastalicalaj u Dios ri Israel, cubij che ri tinimit ri sibalaj etzelam u wäch, ri quetzelax u wäch cumal ri niq'uiaj tinimit chic, ri uxinak qui lok'om pataninel ri itzel tak winak: “Aretak catquil ri ajawinelab xukuje' tak ri e qui c'ojol, quewalij na cäquimej na quib chawäch, rumal rech chi in, ri Ajawaxel, ri Tastalicalaj u Dios ri Israel, xatincha'o, quebentz'akatisaj c'u na ri e nu chi'm.”

Ri Isaiy 53:3

ri winak cäquetzelaj u wäch xukuje' caquixutuj, Are jun achi q'uisnak pa ri k'oxomal, ri nak'atal che u rikic c'ax, Jacha' jun ri man takal ta u ca'yexic, xketzelaj u wäch, man xujoc ta il che.

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

Ri Matey 14:1

Pa tak ri k'ij ri' ri Herod ri k'atal tzij xuta' u tzijol ri cuban ri Jesus.

Ri Matey 14:3

Ri Herod c'ut u chapom can ri Xuan, u ximom, u cojom pa che'. Xuban c'u wa' u mac rech ri Herody, rixokil ri Pelip ri rachalal ri Herod.

Ri Matey 14:6

Xopan ri nimak'ij re ri u junab ri Herod. Ri ral ali ri Herody xxojow chquiwäch ri winak ri e rula'm. Xkaj c'u chuwäch ri Herod.

Ri Matey 21:28

Ri Jesus xubij chque: “¿Jas c'u quichomaj ix? Jun achi c'o quieb u c'ojol. Xbe ruc' ri nabe, xubij che: ‘Nu c'ojol, jät camic, chatechacun pa ri tico'n re uva.’

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ri Matey 27:2

Xquiyut ri Jesus, xquic'am bic, xquijach pa u k'ab ri Pilat, ri k'atal tzij aj Rom.

Marcos 10:33

“Chiwilampe', cujpaki pa Jerusalen. Ri Rija'l Winak cäjach na pa qui k'ab ri qui nimakil ri e cojol tabal tok'ob xukuje' ri ajtijab re ri pixab. Cäquic'okoj c'u na che cämical, cäquijach na pa qui k'ab ri man e qui winakil taj.

Marcos 15:31

Junam xukuje' ri qui nimakil ri cojol tak tabal tok'ob cuc' ri ajtijab re ri pixab xquetz'bej u wäch, xquibila' chquixo'l: “Xebucol niq'uiaj winak, man cäcuin ta c'u che u colic rib chbil rib.

Ri Lucax 1:35

Ri tako'n xubij che: “Ri Ruxlabal ri Dios cäpe na pawi'. Ri u chuk'ab ri Dios aj chicaj cäpe na pawi' jas jun sutz'. Rumal ri' ri ac'al ri calax na, cäbix na ‘Tastalic’ xukuje' ‘U C'ojol ri Dios’ che.

Ri Lucax 22:63

Are c'u ri achijab ri e c'o chunakaj ri Jesus, xquetz'bej u wäch, xquich'ayo.

Ri Lucax 23:1

Xewalij c'u conojel ri winak, xquic'am bic ri Jesus chuwäch ri Pilat.

Ri Lucax 4:18

“Ri Ruxlabal ri Ajawaxel c'o panuwi'. Rumal rech chi in u tasom che qui tzijoxic ri utzalaj tak tzij chque ri mebayib; che qui tzijoxic chque ri winak ri e tz'apim pa che'; che qui jakic ri qui bak'wäch ri moyab che quitzokopixic, ri qui rikom c'ax pa qui k'ab ri qui c'ulel.

Ri Lucax 9:22

Xubij chque: “Rajawaxic chi ri Rija'l Winak curik na sibalaj c'ax, chi cäxutux na cumal ri nimak tak tatayib, cumal ri qui nimal ri cojol tak tabal tok'ob xukuje' cumal ri ajtijab re ri pixab, chi cäcämisax na, chi cäc'astaj na churox k'ij.”

Ri Xuan 1:11

Xul cho ri rulew, ri e rech man xquic'amowaj taj.

Ri Xuan 10:36

we ri Tataxel xinutaso in, xinutak ulok cho we uwächulew ri', ¿Jas c'u che quinitzujuj chi quinban wib chi in Dios rumal rech ri xinbij chi in u C'ojol ri Dios?

Ri Xuan 18:28

Xquesaj c'u bic ri Jesus chuwäch ri Caipas, xquic'am bic pa ri nim ja re k'atbal tzij, sakarem c'u cubano. Ri e are' man xeboc ta chupam ri nim ja re k'atbal tzij rech man cäquitz'ilobisaj ta quib. Rech cuya' caquitij ri Oc'owem.

Ri Xuan 18:29

Xel c'u ulok ri Pilat chquiwäch, xubij: “¿Jas ri qui tzujuj wi we achi ri'?”

Ri Xuan 19:34

Jun c'ut chque ri ajch'ojab xujut bic ri u tz'imaj ch'ich' pa ri u c'alc'a'x, chanim xel ulok quic' ruc' ja'.

Hechos 10:38

Iweta'm chi ri Dios xunojisaj ri Jesus aj Nazaret che cuinem xukuje' che ri Ruxlabal ri Dios, xukuje' chi ri Jesus xebuban utzil xukuje' xebucunaj conojel ri qui rikom c'ax pa u k'ab ri itzel. Xcuin c'u wa' che u banic rumal rech chi c'o ri Dios ruc'.

Hechos 2:27

Man quinya' ta c'u can chupam ri mukbal, man cäya' ta la c'olbal chi cäk'ay ri u cuerp ri suc'alaj pataninel ech la.

Hechos 4:30

Ruc' ri chuk'ab la, bana' la cunanic, bana' la etal, bana' la mayibal pa ri u bi' ri tastalicalaj pataninel la ri Jesus.”

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.