Hechos 4:24 - Quiché Bible

²⁴ Ri e are', aretak xquito, junam xquiban ch'awem ruc' Dios, xquibij: “Kajaw, lal ri' ri Dios ri xbanow la ri caj, ri ulew, ri plo, xukuje' conojel ri jastak ri e c'o chquipam.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Are xtzijotaj ronojel ri xkꞌulmatajik, xkibꞌan chꞌawem junam cho ri Dios, xkibꞌij: Nimalaj Ajawxel, lal riꞌ qas lal Dios ri xbꞌanow la ri kaj, ri ulew, ri plo xuqujeꞌ ronojel ri kꞌo cho ri uwachulew.

K'iche'

²⁴ Aretak xquita wa', junam xca'n orar, xquibij che ri Dios: Nimalaj Kajaw, lal ri' ri kas Dios ri xbanow ri caj, ri ulew, ri mar. Ronojel ri c'olic, xbantaj c'u wa' umal la.

K'iche' (New Orthography)

²⁴ Aretaq xkita wa', junam xka'n orar, xkib'ij che ri Dios: Nimalaj Qajaw, lal ri' ri qas Dios ri xb'anow ri kaj, ri ulew, ri mar. Ronojel ri k'olik, xb'antaj k'u wa' umal la.

Hechos 4:24 ပူးပေါင်းရင်းမြစ်များ

Ucab Ajawinelab 19:15

je ch'awem wa' xuban ruc' ri Dios: “Ajawaxel, u Dios ri Israel, ri c'o ri u tem re ajawibal paquiwi' ri aj cajalaj tak to'banelab ri e c'o qui xic': xuwi ri lal lal Dios ri lal c'o paquiwi' conojel ri ajawibal ri e c'o cho ri uwächulew; lal xbanow la ri caj xukuje' ri ulew.

Ucab Ajawinelab 19:19

Are c'u ri camic, Ajawaxel xukuje' ka Dios, maya' ba' la c'olbal chi cujkaj pa u k'ab, rech conojel ri winak re ri uwächulew chquetamaj chi ri lal, Ajawaxel, chi xuwi ri lal lal Dios.”

Ri Nehemiy 9:6

Xubij c'ut ri Esdras: “Lal ri' ri Ajawaxel, man c'o ta chi c'u jun. Lal xbanow la ri caj xukuje' ri sibalaj chicaj na che ri caj, xukuje' conojel tak ri e u ch'imil; xban la ri ulew xukuje' ronojel ri c'o chuwäch, ri plo xukuje' ronojel ri e c'o chquipam. Lal cäyo'w la qui c'aslemal conojel ri jastak. Rumal ri' cäk'ijilax la cumal tak ri ch'imil re ri caj.

Elem 20:11

Rumal rech chi wakib k'ij xucoj ri Ajawaxel che u banic ri caj, ri ulew, ri plo xukuje' ronojel ri c'o chquipam, xoc c'u che uxlanem chupam ri uwuk k'ij. Rumal ri' ri Ajawaxel xutewichi'j ri k'ij re uxlanem xuk'alajisaj c'ut chi tastalic k'ij.

Ri Isaiy 51:12

“In, kas in, quinyo'w u chuk'ab ri awanima'. ¿Jachin chquiwäch caxe'j ta wi awib? ¿La chquiwäch ri winak? ¿La chquiwäch ri winak ri xa quecämic ri xa e junam ruc' ri k'ayes?

Ri Jeremiy 20:13

¡Chixbixon che ri Ajawaxel, chixk'ijilan che ri Ajawaxel! Ri are' cuto'tajisaj ri caban c'ax che rumal ri qui cuinem ri banal tak etzelal.

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Hechos 16:25

Pa niq'uiaj ak'ab c'ut, ri Pawl ruc' ri Silas cätajin cäquiban ch'awem ruc' Dios, cäquibixoj bix che ri Dios. Ri e ajpache' quequitatabej.

Hechos 4:23

Ri Lu' xukuje' ri Xuan xetzokopix bic, xebe cuc' ri e cachil. Xquiya' u bixic ronojel ri xbix chque cumal ri e c'amal qui be ri e cojol tabal tok'ob xukuje' ri e nimak tak tatayib.