Hechos 4:21 - Quiché Bible

²¹ Xecoj c'u qui xib cumal ri k'atal tak tzij, xequitzokopij c'u bic. Man cäquirik taj jas cäquiban che u c'äjisaxic qui wäch, rumal rech chi conojel ri winak cäquiya' u k'ij ri Dios rumal ri xbantajic.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Ri qꞌatal taq tzij xeꞌkixibꞌij bꞌik ri e taqoꞌn, kꞌa te riꞌ xeꞌkitzoqopij bꞌik rumal cher man xkiriq mak chike xuqujeꞌ rumal cher xkixiꞌj kibꞌ chikiwach ri tinimit rumal cher konojel xkiqꞌijilaꞌj ri Dios rumal ri xkꞌulmatajik.

K'iche'

²¹ Ri k'atal tak tzij xcaj xequixibij ri apóstoles, q'uia ri xquibij chque, xequitzokopij c'u bic. Man xquirik taj jas cäca'n chuc'äjisaxic qui wäch, rumal chi conojel ri winak tajin cäquiya u k'ij ri Dios rumal ri xbantajic.

K'iche' (New Orthography)

²¹ Ri q'atal taq tzij xkaj xekixib'ij ri apóstoles, k'ia ri xkib'ij chke, xekitzoqopij k'u b'ik. Man xkiriq taj jas käka'n chuk'äjisaxik ki wäch, rumal chi konojel ri winaq tajin käkiya u q'ij ri Dios rumal ri xb'antajik.

Hechos 4:21 ပူးပေါင်းရင်းမြစ်များ

Ri Matey 15:31

Jeri' chi ri winak xquimayo. Xquilo chi quech'aw ri memab, chi ri e k'ajinak qui k'ab e utz chic, chi quebin ri ch'ocojib, chi queca'y chic ri moyab. Xquinimarisaj c'u u k'ij ri u Dios ri Israel.

Ri Matey 21:46

Xquitzucuj jas cäquiban che u chapic ri Jesus, xquixe'j c'u quib chquiwäch ri winak, rumal rech chi ri winak quicojom chi ri Jesus are k'axal tzij.

Ri Matey 26:5

Xquibij: “Man pa ri nimak'ij taj, rech man quetuquin ta ri winak.”

Ri Matey 9:33

Aretak esam chi bic ri itzel uxlabal, xtzijon ri mem. Ri winak xquimayo, xquibij: “Mawi jumul je banom wa' pa Israel.”

Ri Matey 9:8

Ri q'uialaj winak aretak xquilo, xquimayo, xquinimarisaj u k'ij ri Dios, rumal rech chi are yowinak we takanic ri' pa qui k'ab ri winak.

Ri Lucax 13:17

Aretak xubij we jastak ri', xeq'uix conojel ri u c'ulel. Conojel c'u ri winak xequicot cumal ri mayibalalaj tak jastak ri xebantaj rumal.

Ri Lucax 20:19

Ri ajtijab re ri pixab xukuje' ri e qui nimakil ri e cojol tabal tok'ob xquitzucuj u chapic ri Jesus pa ri jok'otaj ri'. Xquixe'j c'u quib chquiwäch ri winak. Queta'm c'ut chi ri Jesus xubij we c'ambal no'j ri' chquij ri e are'.

Ri Lucax 20:6

We c'u cäkabij que ri winak, conojel ri winak cujquibuc' na che abaj. Elinak c'u chi sak chquiwäch ri winak chi ri Xuan are' k'axal tzij.”

Ri Lucax 22:2

Ri qui nimakil ri e cojol tabal tok'ob xukuje' ri ajtijab re ri pixab cäquitzucuj jas cäquiban na che u cämisaxic ri Jesus. Cäquixe'j c'u quib chquiwäch ri winak.

Ri Lucax 5:26

Conojel xquimayo, xquinimarisaj u k'ij ri Dios. Xenoj che xe'n ib, xquibij: “Camic kilom mayibal tak jastak.”

Hechos 4:17

Rech c'u man cäjabux ta u tzijoxic ri xc'ulmataj chquixo'l ri winak, chekacojo' qui xib, rech kas camic cachapletaj bic man cäquitzijoj ta chic ri u bi' ri Jesus che jun winak.”

Hechos 4:22

Are c'u ri achi ri xban wi we etal ri' re cunanic, oc'owinak chi cawinak u junab.

Hechos 5:13

Man c'o ta jun chque ri jule' winak chic ri cucoch'taj curik ta rib cuc', nim c'u quebil wi cumal ri winak.

Hechos 5:26

Xel c'u bic ri qui nimal ri e chajil re ri rachoch Dios, xebuc'am bic ri niq'uiaj chajinelab chic che qui chapic ri takomxenlab. Xebequic'ama ulok pa utzil. Cäquixe'j c'u quib, we ne quebuc' che abaj cumal ri winak.

Hechos 5:40

Xequisiq'uij ri takomxenlab, xequirapuj. Xquibij chque chi man quetzijon ta chic pa ri u bi' ri Jesus. Te c'u ri' xequitzokopij bic.