Hechos 4:19 - Quiché Bible

¹⁹ Are' c'u ri Lu' xukuje' ri Xuan xquitzelej u bixic chque: “Chomaj alak we suc' chi are nabe cujniman chech alak chuwäch ri u nimaxic ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Ri Pedro xuqujeꞌ ri Juan xkibꞌij: Chibꞌijmpe chaqe ¿la are kꞌu taqalik kixqanimaj ix nabꞌe cho ri Dios?

K'iche'

¹⁹ Xech'aw c'u ri tat Pedro rachi'l ri tat Juan, xquibij: Kas chomaj alak ri', ¿a are utz lo cäril ri Dios chi are cujniman chech alak chuq'uexwäch ri cäkanimaj ri Are'?

K'iche' (New Orthography)

¹⁹ Xech'aw k'u ri tat Pedro rachi'l ri tat Juan, xkib'ij: Qas chomaj alaq ri', ¿a are utz lo käril ri Dios chi are kujniman chech alaq chuk'exwäch ri käqanimaj ri Are'?

Hechos 4:19 ပူးပေါင်းရင်းမြစ်များ

Nabe Ajawinelab 12:30

Are' c'u xbanow wa' chi xmacun ri Israel, quebe c'u ri winak pa Betel xukuje' pa Dan che qui k'ijilaxic.

Nabe Ajawinelab 13:19

ri k'axal tzij re Juda xbe ruc', xwa'ic xukuje' xuq'uian chupam ri rachoch.

Nabe Ajawinelab 14:16

Ri Ajawaxel cujach na ri Israel qui mac quech ri macaj ri xebuban ri Jeroboam xuban c'ut chi xmacun ri Israel.”

Nabe Ajawinelab 21:11

Ri achijab aj u tinimit ri Nabot, junam cuc' ri nimak tak tatayib xukuje' ri c'amal tak be, xquiban ri takanic ri xutz'ibaj ulok ri Jezabel chupam ri wuj ri xutak ulok chque:

Nabe Ajawinelab 22:14

Ri Micaiy xutzelej u bixic che: “¡Quinban na ri chi'nic ri kas cäban na, quincha' rumal ri Ajawaxel chi xuwi quinbij na ri cubij ri Ajawaxel chwe!”

Ucab Ajawinelab 16:15

Xuya' c'u na takanic che ri cojol tabal tok'ob ri Uriy chi puwi' ri nimalaj porobal cäporox wi na ri tabal tok'ob ri cachajirisaxic re ak'abibal xukuje' ri sipanic que tak c'äj re benak k'ij, xukuje' jacha' ri u tabal tok'ob ri ajawinel ri cächajirisaxic xukuje' ri sipanic quech tak c'äj rech ri ajawinel, xukuje' ri tabal tok'ob ri cachajirisaxic xukuje' tak ri sipanic que tak c'äj xukuje' ri rech ri u wa'l uva rech ri tinimit chnimalaj ronojel. Xukuje' xubij che chi chuchicoj conojel ri qui quiq'uel ri tabal tok'ob ri quechajirisaxic xukuje' ri quech ri tabal tak tok'ob, are c'u ri porobal re k'an ch'ich' cäcanaj wa' xuwi che tz'onobal u no'j ri ajawinel che ri Ajawaxel.

Ucab Ajawinelab 16:16

Ri Uriy, cojol tabal tok'ob, xuban ronojel ri xtak che u banic rumal ri ajawinel Acaz.

Salmib 58:1

Ix ri e c'o i chuk'ab, ¿la kas suc' ri k'atan tzij ri quibano? xukuje' ¿la quiban kas k'atan tzij?

Elem 1:17

Are c'u ri iyomab xquixe'j quib chuwäch ri Dios, man xquinimaj taj ri u takanic ri ajawinel re Ejipt, xequic'asba' c'u ri alabom.

Ri Jeremiy 26:12

Ri Jeremiy xebutzijobej ri c'amal tak be xukuje' ri tinimit, xubij c'u chque: “Ri Ajawaxel are' xintakowic chi chinch'aw pa ri u bi', che u bixic ri cuc'ulmaj na we rachoch Dios ri' xukuje' we tinimit ri' ronojel ri i tom u bixic.

Ri Daniel 3:18

We c'u ne man je cuban chke, kas chetamaj la, chi man quekak'ijilaj taj ri e diosib la mawi quekamej ta kib chuwäch ri u wächbal winak re k'an puak.”

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Osey 5:11

Ri Eprain mejmobinak, c'o c'äjisabal wächaj puwi', u mac rech ri benam chquij ri e subunelab tak diosib.

Ri Amos 7:16

Rumal ri' chatatabej ri u tzij ri Ajawaxel. Ri at cabij chwe: ‘C'o maya' u bixic pa u bi' ri Dios chi cuc'ulmaj na ri Israel, mawi c'o jas mabij chi cuc'ulmaj na ri rija'lil ri Isaac.’

Ri Miquey 6:16

Rumal rech chi e a takem ri e u takanic xukuje' tak ri e u banoj ri Omri xukuje' ri xequiban ri e ralaxic ri Acab, xaban c'u awe jacha' ri xequiban tak we winak ri'. Rumal ri' in quenbana' na chawe xukuje' chque ri e a winak chi quixux jun xibibal ib xukuje' yacbal tze', are c'u ri u q'uixbal ri nu tinimit cakaj na pawi'.”

Ri Matey 22:21

Xquibij che: “Rech ri Sesar.” Xubij c'u ri Jesus chque: “Chiya' che ri Sesar ri rech ri Sesar; che ri Dios ri rech ri Dios.”

Ri Lucax 22:8

Ri Jesus xebutak c'u bic ri Lu' xukuje' ri Xuan, xubij chque: “Jix, chisuc'umaj ri wa'im re ri Oc'owem, rech cäkatijo.”

Ri Xuan 7:24

Mik'at tzij rumal ri xak quiwilo. Xane' chik'ata' tzij ruc' ri suc'alaj k'atoj tzij.”

Hechos 4:13

Aretak ri e nimak tak tatayib xquilo chi ri Lu' xukuje' ri Xuan man cäquixe'j ta quib quech'awic; xukuje' xquilo chi xak e winak ri man c'o ta quitijom wi quib quemayijinic; queta'm c'u qui wäch chi xec'oji' ruc' ri Jesus.

Hechos 5:28

“Ri uj xekabij chiwe chi man quebitijoj ta chi ri winak pa ri u bi' ri Jesus. ¿Jas c'ut ri i banom ix? Chiwilampe', e i tijom chi conojel ri winak pa Jerusalen, quiwaj c'ut chi cäkekle'j ri u quiq'uel we achi ri'.”

Hechos 5:29

Ri Lu' xukuje' ri niq'uiaj takomxenlab chic xquitzelej u bixic: “Rajawaxic chke chi are nabe cäkanimaj ri cubij ri Dios chke man are ta c'ut ri cäquibij ri winak.

1 Corintios 10:15

Quinbij wa' chiwe rumal rech chi quixcuin che u ch'obic. Kas ba' chichomaj rij ri u tzij.

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

Efesios 6:1

Alc'ualaxelab, rumal rech chi ix cojoninak che ri Ajawaxel, chebinimaj ri i tat i nan. Are c'u wa' ri suc'.

1 Timoteo 2:3

Are c'u utz wa' xukuje' cäkaj chuwäch ri ka Colonel Dios;

Hebreos 11:23

Rumal ri cojonic, aretak xalax ri Moises, cumal ri u tat u nan xcawaj oxib ic', rumal rech chi xquilo chi je'lalaj ac'al. Man xquixe'j ta quib chuwäch ri takanic ri yo'm rumal ri ajawinel.

Santiago 2:4

¿la ma ta quiya' na u k'ij jun winak chuwäch jun chic? ¿La ma ta quik'at tzij paquiwi' ri winak ruc' itzel tak i chomanic?