Hechos 3:26 - Quiché Bible

²⁶ Ri Dios, aretak xuc'astajisaj ri u C'ojol, chech alak xutak wi nabe, je xubano rech catewichitaj alak, rech chijujunal alak cäya' can alak ri etzelal.”

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Ri Dios are xukꞌastajisaj ri ukꞌojol chkixoꞌl ri kaminaqibꞌ, xutaq bꞌik nabꞌe iwukꞌ, winaq aꞌj Israel, rech kixutewechiꞌj, xuqujeꞌ kitas iwibꞌ che ri itzel taq ibꞌe.

K'iche'

²⁶ Aretak ri Dios xuc'astajisaj ru C'ojol chquixol ri cäminakib, nabe xutak bi uc' alak, alak ri' ri winak aj Israel, rech cätewchix na alak, rumal chi ri Are' cubano chi chjujunal alak cätas ib alak chrij ri etzelal, —xcha ri tat Pedro chque.

K'iche' (New Orthography)

²⁶ Aretaq ri Dios xuk'astajisaj ru K'ojol chkixol ri käminaqib', nab'e xutaq b'i uk' alaq, alaq ri' ri winaq aj Israel, rech kätewchix na alaq, rumal chi ri Are' kub'ano chi chjujunal alaq kätas ib' alaq chrij ri etzelal, —xcha ri tat Pedro chke.

Hechos 3:26 ပူးပေါင်းရင်းမြစ်များ

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Ri Jeremiy 31:18

Xinto chi ri tinimit Eprain cäch'ach'at ruc' c'ayil: ‘In in jacha' can jun wacax ri man tijotajinak taj, in tijotajinak c'ut umal la; chabana' la chi quintzelej uc' la, lal c'ut ri Ajawaxel, nu Dios.

Ri Matey 1:21

Ri Mariy cäc'oji' na jun ral ala. Jesus ri u bi' cacoj na. Jewa' ri u bi' rumal rech chi are cacolow na ri u tinimit ri c'o chupam ri qui mac.”

Ri Matey 15:24

Xubij c'u ri Jesus chque: “In takom ulok xak xuwi chque ri chij aj uwo rachoch ri Israel, ri e sachinak.”

Ri Lucax 24:47

Xukuje' xtz'ibax canok chi cätzijox na chque conojel ri winak, pa conojel nimak tak tinimit chi cäquiq'uex qui c'u'x pa ri u bi' ri Crist rech cäsachtaj ri qui mac, chi cächapletaj bic u tzijoxic wa' pa Jerusalen.

Ri Xuan 4:22

Ri ix man iweta'm taj ri quik'ijilaj. Ri uj keta'm ri cäkak'ijilaj. Rumal rech chi cuc' ri aj judeyib quel wi na ulok ri colobal ib.

Hechos 1:8

Aretak c'u chpe ri Ruxlabal ri Dios piwi', quic'am na cuinem quixel c'u na bic che u ya'ic k'alajisanic chwij, pa Jerusalen pa ronojel ri ulew re Judey xukuje' pa Samar, xukuje' c'u pa tak ri tinimit ri sibalaj naj e c'o wi cho ronojel ri uwächulew.”

Hechos 13:26

“Wachalal, ix ri ix rija'l ri Abraham, xukuje' c'u ri ix, ri man ix ka winakil taj ri quixe'j iwib chuwäch ri Dios: we tijonic ri' re colobal ib iwech wa ix.

Hechos 2:24

Are c'u ri Dios xuc'astajisaj, xutzokopij chupam ri k'oxowem re ri cämical. Rumal rech chi ri cämical man xcuin taj xuchap canok.

Hechos 2:32

We Jesus ri' xc'astajisax rumal ri Dios. Konojel c'u uj xkilo chi xc'astajic.

Hechos 26:20

Xane' nabe xinya' u tzijoxic chque ri e c'o pa Damasc, xukuje' pa Jerusalen, xukuje' pa tak ri tinimit re Judey, xukuje' chque ri man aj judeyib taj. Xinbij chque chi chquiq'uexa' qui c'u'x, chchetzelej ruc' ri Dios. Xinbij chque chi aretak cäquiq'uex qui c'u'x, chquibana' utzalaj tak chac ri takal che ri q'uexoj c'uxaj.

Hechos 3:13

Ri u Dios ri Abraham, ri Isaac xukuje' rech ri Jacob, ri qui Dios tak ri e ka mam u yo'm u k'ij ri Jesus ri pataninel rech. Ri xwalijisaj alak tzijtal chrij chuwäch ri Pilat. Aretak ri Pilat are ta xraj xutzokopij ta ri Jesus, ri alak man xaj ta alak.

Hechos 3:15

Xcämisaj alak ri jun ri xbanow ri c'aslemal. Xc'astajisax c'u wa' rumal ri Dios chquixo'l ri cäminakib. Ri uj c'ut xkilo chi kastzij xc'astajic.

Hechos 3:20

Cutak c'u ulok ri Jesus, kas pa ri chapletajic u cha'om ulok are' c'u Crist alak wa'.

Hechos 3:22

Are' ri Moises xubij: ‘Ri Ajawaxel, ri i Dios cuwalijisaj na jun k'axal u tzij chquixo'l ri e iwachalal, jacha' ri in. Chinimaj ronojel ri cubij na chiwe.

Hechos 3:25

Alak ri' ri quechben alak ri chi'nic ri xebujekeba' ri Dios cumal ri e k'axal tak ri e u tzij, xukuje' ix echbenelab rech ri c'ulwächinic ri u banom ri Dios cuc' ri e mam alak, xubij c'u ri Dios che ri Abraham: ‘Conojel ri winak ri e c'o cho ri uwächulew quetewechitaj na cumal quech ri e awija'lil.’

Romanos 1:16

In man quinq'uix ta che ri utzalaj tzij re colobal ib, u cuinem c'ut ri Dios che qui colic conojel ri quecojowic, nabe chque ri aj judeyib xukuje' c'u chque ri man aj judeyib taj.

Romanos 15:29

Weta'm chi aretak quinopan iwuc', quinopan na ruc' ri nimalaj u tewichibal ri Crist.

Romanos 15:8

Quinbij c'ut chi ri Crist Jesus xpe che qui patanixic ri aj judeyib che ri u chi'nic ri Dios, rech quebantaj ri jastak ri xubij ulok ri Dios chque ri e ka mam chi cuya' na ruc' ri jiquil.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,

1 Pedro 3:9

Mitoj etzelal che u q'uexel etzelal. Aretak quixyok'ic, mitoj u q'uexel ri yok'obal iwe. Xane' chitewichi'j ri quixyok'owic. Che wa' xixsiq'uix wi, che rechbexic tewichibal.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.