Hechos 3:13 - Quiché Bible

¹³ Ri u Dios ri Abraham, ri Isaac xukuje' rech ri Jacob, ri qui Dios tak ri e ka mam u yo'm u k'ij ri Jesus ri pataninel rech. Ri xwalijisaj alak tzijtal chrij chuwäch ri Pilat. Aretak ri Pilat are ta xraj xutzokopij ta ri Jesus, ri alak man xaj ta alak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Are ri uDios ri Abraham, ri uDios ri Isaac, ri uDios ri Jacob, ri kiDios ri qatat qanan, are waꞌ xyoꞌw kwinem che ri Jesús rech xubꞌan we kꞌutbꞌal riꞌ. Are waꞌ ri Jesús ri xiwetzelaj uwach xuqujeꞌ xijach cho ri Pilato, pune ri Pilato xraj xutzoqopij.

K'iche'

¹³ Man je' tä ri', xane are ru Dios ri ka mam Abraham, ri ka mam Isaac, xukuje' ri ka mam Jacob, are Dios wa' xa xunimarisaj u k'ij ri Jesús, ri lok'alaj u C'ojol ri xjach alak pa qui k'ab ri k'atal tak tzij. Aretak ri tat Pilato xuchomaj u tzokopixic bic, ri alak man xaj tä alak.

K'iche' (New Orthography)

¹³ Man je' tä ri', xane are ru Dios ri qa mam Abraham, ri qa mam Isaac, xuquje' ri qa mam Jacob, are Dios wa' xa xunimarisaj u q'ij ri Jesús, ri loq'alaj u K'ojol ri xjach alaq pa ki q'ab' ri q'atal taq tzij. Aretaq ri tat Pilato xuchomaj u tzoqopixik b'ik, ri alaq man xaj tä alaq.

Hechos 3:13 ပူးပေါင်းရင်းမြစ်များ

Elem 3:13

Are c'u ri Moises xubij che ri Dios: “Ri c'ax ri quinwilo we quinopan cuc' ri aj israelib chubixic chque: ‘Ri qui Dios ri e i mam xinutak ulok iwuc',’ we c'u ne cäquita' ri bi' la chwe: ¿Jas c'ut ri quinbij na chque?”

Elem 3:15

Xubij chi c'u na ri Dios che ri Moises: “Xukuje' chabij chque ri aj israelib: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob in u takom ulok iwuc'.’ Are nu bi' wa' chbe k'ij sak, are nu bi' wa' pa conojel ri k'ij junab.

Elem 3:6

Xutakej u bixic xubij che: “In ri' ri qui Dios ri e a mam; ri u Dios ri Abraham, ri Isaac, xukuje' ri Jacob.” Ri Moises xuch'uk ri u palaj, xuxe'j c'u rib che u ca'yexic ri Dios,

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Ri Matey 20:19

Cäquijach c'u na pa qui k'ab ri man e aj judeyib taj rech cäquetz'bej na u wäch, cäquich'ay na, cäquirip na. Pa oxib k'ij c'ut cäc'astaj na.”

Ri Matey 22:32

‘In ri' ri u Dios ri Abraham, ri u Dios ri Isaac, xukuje' ri u Dios ri Jacob.’ Ri Dios c'ut man are ta qui Dios ri cäminakib, xane' are ri qui Dios ri e c'aslic.”

Ri Matey 27:2

Xquiyut ri Jesus, xquic'am bic, xquijach pa u k'ab ri Pilat, ri k'atal tzij aj Rom.

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Marcos 15:11

Ri qui nimakil ri e cojol tabal tok'ob xquicoj qui c'u'x ri winak, chi are sibalaj utz cätzokopix bic ri Barabas chuq'uexwäch ri Jesus.

Ri Lucax 22:57

Ri Lu' xresaj rib chupam, xubij: “Ixok, man weta'm ta u wäch.”

Ri Lucax 23:4

Ri Pilat xubij chque ri e qui nimakil ri e cojol tabal tok'ob xukuje' chque ri winak: “Man c'o ta jun etzelal quinrik chrij we achi ri'.”

Ri Lucax 6:37

“Mik'at tzij paquiwi' niq'uiaj chic, rech man cäk'at ta tzij piwi' ix. Mebic'okoj niq'uiaj chic, rech man quixc'okox ta na ix. Chisacha' qui mac niq'uiaj winak chic, cäsach c'u na i mac ix.

Ri Xuan 12:16

We jastak ri' man xquich'ob ta ri e u tijoxelab chanim. Xane' aretak juluwirisam chic ri Jesus, c'äte ri' xnataj chque chi are jastak wa' e tz'ibam chrij, chi xeban we jastak ri' che.

Ri Xuan 18:40

Xquirak chi qui chi' jumul, xquibij: “Man are' ta wa', xane' are ri Barabas.” Ri Barabas c'ut are' jun nimalaj banal eläk'.

Ri Xuan 19:11

Ri Jesus xutzelej u bixic che: “Ma ta c'o takanic la ri' panuwi', we ta ma ta cäyataj che la rumal ri Dios. Rumal ri', c'o na nim u mac ri jun ri xinujach pa k'ab la.”

Ri Xuan 19:12

Kas chi' c'ut, ri Pilat cutzucuj u tzokopixic. Ri aj judeyib xquirak qui chi', xquibij: “We catzokopij la we achi ri', man junam ta wäch la ruc' ri ajawinel Sesar. ¡Conojel ri cäquiban quib chi e ajawinelab, e are ri' caquiban qui c'ulel che ri Sesar!”

Ri Xuan 19:15

Ri e are' xquirak qui chi': “¡Chc'ama' la bic! ¡Chc'ama' la bic! ¡Chripa' la cho jun ripibal!” Ri Pilat xubij chque: “¿La quinrip ta c'ut ri iwajawinel?” Ri e qui nimakil ri e cojol tabal tok'ob xquibij che: “Man c'o ta kajawinel, xuwi' ri Sesar.”

Ri Xuan 7:39

Xubij wa' chrij ri Uxlabaxel ri cäquic'am na ri winak ri quecojon che ri are'. C'ä maja' c'u ne cäpe ri Uxlabaxel, rumal rech chi c'ä maja' cajuluwirisax ri Jesus.

Hechos 22:14

Ri are' xubij chwe: ‘Ri qui Dios ri ka mam at u cha'om ulok rech cach'ob ri u rayibal, rech cawil ri Jun ri suc', rech cata' ri u ch'abal ruc' ri u chi'.

Hechos 24:14

Are c'u wa' quink'alajisaj chwäch la, chi quinpatanij ri qui Dios ri nu mam je jas ri u banic we C'ac' Be ri', ri cäquibij juk'at che. Quincoj ronojel ri tz'ibam pa ri pixab xukuje' pa ri qui wuj ri e k'axal tak tzij.

Hechos 3:12

Ri Lu', aretak xril wa', xebuch'abej ri winak: “Achijab aj israelib, ¿jasche camay alak wa'? ¿Jasche caca'y alak chke, je ta ne ri rumal ta ri ka chuk'ab uj o rumal ta ri ka nimanic che ri Dios xkabano chi cäbin we achi ri'?

Hechos 3:26

Ri Dios, aretak xuc'astajisaj ri u C'ojol, chech alak xutak wi nabe, je xubano rech catewichitaj alak, rech chijujunal alak cäya' can alak ri etzelal.”

Hechos 4:27

Kas c'u ne tzij ri Herod xukuje' ri Pons Pilat xquimulij quib waral, chupam we tinimit ri', e cachil ri aj judeyib xukuje' niq'uiaj winak chic, xquimulij quib chrij ri tastalicalaj pataninel ech la ri Jesus, ri cha'om la.

Hechos 4:30

Ruc' ri chuk'ab la, bana' la cunanic, bana' la etal, bana' la mayibal pa ri u bi' ri tastalicalaj pataninel la ri Jesus.”

Hechos 7:32

Ri Ajawaxel xubij: ‘In ri' ri qui Dios ri a mam, ri qui Dios ri Abraham, ri Isaac, xukuje' ri Jacob.’ Are c'u ri Moises xbirbitic, man cucoch' ta chic cärilo.

Romanos 9:5

Ri e u wi' tak qui jolom ri xalax wi ri Crist jas ri u beya'l ri ti'j, ri are' Dios paquiwi' conojel ri jastak, chyok ba' u k'ij amak'el. Je chbanok.

Hebreos 2:9

Are c'u ri Jesus, ri xban che chi ch'utin na jubik' ri u k'ij chquiwäch ri tako'nib aj caj, cäkilo chi nim u k'ij xukuje' nim quilic, je ta ne jun corona ri cojom che. Jewa' banom che rumal rech chi xurik cämical rumal quech conojel, jas ri tok'ob ri xuban ri Dios chque.

Apocalipsis 1:18

In ri' ri c'aslic. Xincäm na. Chawilampe', in c'asal c'u chbe k'ij sak. C'o ri e u laweyil ri cämical wuc' xukuje' ri re ri qui c'olbal ri cäminakib.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,