Hechos 27:2 - Quiché Bible

² Xujoc c'u pa jun nim jucub aj Adramit, ri elem bic re cäbe pa tak ri tinimit re Asiy ri c'o chuchi' ri plo. Xujel bic, c'o c'u ri Aristarc kuc'. Are' aj Tesalon, tinimit re Masedon.

RI KꞌAKꞌ TESTAMENTO PA TZIJOBꞌAL KꞌICHEꞌ

² Xeꞌ xuqujeꞌ ri Aristarco qukꞌ, jun achi aj Macedonia ri kꞌo pa ri tinimit Tesalónica. Xujeꞌ kꞌu pa ri jukubꞌ ri yaꞌtal bꞌe che pa ri tinimit Adramitio ri kꞌo pa Asia. Ri jukubꞌ kikꞌow bꞌik pa jaljoj taq kꞌolibꞌal chuchiꞌ ulew rech Asia.

K'iche'

² Xujoc bi pa jun barco pa Adramitio, jun tinimit ri c'o chi' ri mar. We barco ri' benam re pa tak ri tinimit re Asia. Kachi'l c'u ri tat Aristarco ri quel pa ri tinimit Tesalónica, jun tinimit wa' re Macedonia.

K'iche' (New Orthography)

² Xujok b'i pa jun barco pa Adramitio, jun tinimit ri k'o chi' ri mar. We barco ri' b'enam re pa taq ri tinimit re Asia. Qachi'l k'u ri tat Aristarco ri kel pa ri tinimit Tesalónica, jun tinimit wa' re Macedonia.

Hechos 27:2 ပူးပေါင်းရင်းမြစ်များ

Ri Lucax 8:22

Pa jun chque ri k'ij, ri Jesus xoc pa jun jucub e rachilam ri u tijoxelab, xubij chque: “Chujk'ax ch'akäp che ri cho.” Xebel c'u bic.

Hechos 16:17

We ali ri' xuterenej ri Pawl xukuje' ri uj curak u chi': “¡We achijab ri' e pataninel rech ri Dios ri aj chicaj, caquiya' c'u u bixic ri be rech colobal ib chiwe!”

Hechos 17:1

Xeboc'ow pa Anpipolis xukuje' pa Apolon, xebopan pa Tesalon. Chila' c'o wi jun ja ri cäquitijoj wi quib ri aj judeyib che ri pixab.

Hechos 19:19

Xukuje' e q'ui chque ri qui banom k'ijinic, xequic'am ulok ri qui wuj, xquiporoj chquiwäch conojel. Xcajilaj joropa' ri cajil, xquetamaj chi are cawinak lajuj mil rakan sak puak.

Hechos 19:29

Conojel ri winak pa ri tinimit xsach qui c'u'x. Junam qui wäch aninak xebe pa ri c'olbal ri cäquimulij wi quib ri winak. Xequichap ri Gay ruc' ri Aristarc, e aj Masedon wa', e rachil ulok ri Pawl.

Hechos 2:9

E c'o aj Partiy chkaxo'l, e c'o aj Med, e c'o aj Elam, aj Mesopotam, aj Judey, aj Capados, aj Pont, xukuje' aj Asiy,

Hechos 21:5

E oc'owinak chi c'u ri wukub k'ij ri', xujel bic. Uj achilam cumal conojel ri cojonelab cuc' ri quixokil xukuje' ri calc'ual, c'ä tza'm ja. Xujxuqui' chuchi' ri plo, xkaban ch'awem ruc' Dios.

Hechos 28:10

E are c'u ri' xukuje' nim xujquil wi, q'ui jastak xquiban chke che u nimarisaxic ka k'ij. Aretak xujel bic pa ri nim jucub ri winak xquiya' bic ronojel ri rajawaxic chke che ri ka binem.

Hechos 28:12

Aretak uj opaninak chic pa Siracus, xujc'oji' oxib k'ij chila'.

Hechos 28:16

Aretak xujopan pa Rom, xya' c'u che ri Pawl chi cäc'oji' u tuquiel, ruc' jun ajch'o'j che u chajixic.

Hechos 28:2

Ri e aj chila' nimalaj tak utzil xquiban chke. Xquicuch jun k'ak', xujquic'ulaj konojel, rumal rech chi cätajin jäb xukuje' c'ax tew.

Colosenses 4:10

Ri Aristarc ri wachil pa che' cuya' rutzil i wäch, xukuje' ri Marcux, ri rachalaxic ri Bernabe. Yo'm chic u tzijol ri Marcux chiwe. We copan iwuc', utz u c'ulaxic chibana'.

Filemón 1:24

Xukuje' ri Marcux, ri Aristarc, ri Dems xukuje' ri Lucax, ri e wäch tak ajchaquib, cäquiya' rutzil a wäch.