Hechos 26:31 - Quiché Bible

³¹ Aretak xebel apanok, xquitzijobela' quib. Xquibij: “Man c'o ta jun jasach u banom we achi ri' rech takal che chi cäcämisaxic o cäcoj pa che'.”

RI KꞌAKꞌ TESTAMENTO PA TZIJOBꞌAL KꞌICHEꞌ

³¹ Are tajin keꞌl loq xkichomaj: Waꞌ we achi riꞌ maj mak ubꞌanom ri taqal che kakamik o keꞌ pa cheꞌ.

K'iche'

³¹ Xebe' chuchomaxic rij wa' pa qui tuquiel wi. Xquitzijobela quib, xquibij: We achi ri', man c'o tä jun mac u banom ri takal wi cäcämisaxic, o chi cäc'oji ri are' pa che', —xecha'.

K'iche' (New Orthography)

³¹ Xeb'e' chuchomaxik rij wa' pa ki tukiel wi. Xkitzijob'ela kib', xkib'ij: We achi ri', man k'o tä jun mak u b'anom ri taqal wi käkämisaxik, o chi käk'oji ri are' pa che', —xecha'.

Hechos 26:31 ပူးပေါင်းရင်းမြစ်များ

Ucab Samuel 24:17

Aretak c'u xril ri David ri tako'n aj caj ri quebucämisaj ri winak, xubij che ri Ajawaxel: “¡In ri in macuninak! ¡In ri in ajchak'mac! ¿Jas c'ut ri qui banom we winak ri' ri man c'o ta qui mac? ¡In quinbochi'n che la chi ri c'äjisabal wächaj ri caya' la chkaj panuwi' xukuje' paquiwi' ri wachalaxic!”

Ri Jeremiy 26:16

E are' tak c'ut ri e c'amal tak be xukuje' ri tinimit xquibij chque ri e cojol tabal tok'ob xukuje' chque tak ri e k'axal tzij: “Man c'o ta rumal rech cäc'okox ta we achi' ri' rech cäcämisaxic; uj u tzijobem pa ri u bi' ri Ajawaxel ri ka Dios.”

Ri Lucax 23:4

Ri Pilat xubij chque ri e qui nimakil ri e cojol tabal tok'ob xukuje' chque ri winak: “Man c'o ta jun etzelal quinrik chrij we achi ri'.”

Hechos 23:29

Xinwetamaj c'ut chi ri mac ri cäquicoj chrij are jastak rech ri qui pixab. Man ya'tal ta c'u u cämisaxic mawi ne u cojic pa che'.

Hechos 23:9

Conojel xquirak qui chi'. Xetaq'ui' c'u jujun ajtijab re ri pixab chquixo'l ri pariseyib, xquibij: “Man c'o ta jun itzelalaj jasach cäkarik chrij we achi ri'; we ne xch'abex rumal jun uxlabal o rumal jun tako'n aj caj.”

Hechos 25:25

Are c'u ri in xinwetamaj chi man c'o ta jun jasach u banom rech takal ta che chi cäcämisaxic. Ri are' c'ut xutz'onoj chwe chi quintak bic chuwäch ri nimalaj k'atal tzij August Sesar. Nu chomam c'u u takic bic.

Hechos 28:18

Aretak qui c'otom chi nu chi', are ta xcaj xinquitzokopij, rumal rech chi man c'o ta jun mac chwij ri takal ta wi nu cämisaxic.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.