Hechos 26:22 - Quiché Bible

²² Ri Dios in u to'm ulok c'ä pa we k'ij ri'. Quink'alajisaj c'u ri u tzij chquiwäch conojel ri winak, chi nimak qui banic chi man nimak ta qui banic. Man c'o ta nu tzijom ri ma ta je qui tzijom ri e k'axal tak tzij xukuje' ri xubij can ri Moises chi cäbantaj na.

RI KꞌAKꞌ TESTAMENTO PA TZIJOBꞌAL KꞌICHEꞌ

²² Ri Dios kꞌut inuchajim kꞌa kamik rech kinqꞌalajisaj chike konojel ri winaq kachapleꞌtaj kukꞌ ri nitzꞌ keqeleꞌn kopan kukꞌ ri nimaꞌq keqeleꞌn. Man kꞌo ta jun jastaq kinkꞌutu ri mat xkitzijoj loq ri e qꞌalajisal taq rech ri utzij ri Dios xuqujeꞌ ri Moisés.

K'iche'

²² Rumal c'u ru tobanic ri Dios nu takem u tzijoxic ru Lok' Pixab ri Are' cämic. Nu tzijom ru Lok' Pixab ri Dios chque nimalaj conojel ri winak, chque ri man nim tä queil wi, xukuje' chque ri nimak qui banic. Man c'o tä jun tzij ri nu bim ri mat je' jas ri qui bim can ri k'alajisal tak re ru Lok' Pixab ri Dios, xukuje' jas ru bim can ri ka mam Moisés chi cäbantaj na.

K'iche' (New Orthography)

²² Rumal k'u ru tob'anik ri Dios nu taqem u tzijoxik ru Loq' Pixab' ri Are' kämik. Nu tzijom ru Loq' Pixab' ri Dios chke nimalaj konojel ri winaq, chke ri man nim tä keil wi, xuquje' chke ri nimaq ki b'anik. Man k'o tä jun tzij ri nu b'im ri mat je' jas ri ki b'im kan ri q'alajisal taq re ru Loq' Pixab' ri Dios, xuquje' jas ru b'im kan ri qa mam Moisés chi käb'antaj na.

Hechos 26:22 ပူးပေါင်းရင်းမြစ်များ

Ri Esdras 8:31

Pa ri ucablajuj (12) ri rajilabal ri nabe ic', xujel bic chuchi' ri nima' Ahab che ri ka bic pa Jerusalen. Ri ka Dios xujuto', man xuya' ta c'olbal chi xujkaj ta pa qui k'ab ri c'ulel xukuje' tak ri eläk'omab pa ri be.

Salmib 124:8

Ri to'bal kib cäpe ruc' ri Ajawaxel, ri xbanow ri caj xukuje' ri ulew.

Salmib 18:47

Are Dios wa' ri cäc'äjisan qui wäch ri qui banom qui c'ulel chwe xebujach tak ri tinimit chuxe' ri nu takanic.

Salmib 66:12

xya' la be che jun ri man k'alaj ta u wäch xujutac'alej; uj oc'owinak chupam ja' xukuje' chupam k'ak', xya' chi c'u na la ka c'aslemal.

Ri Matey 26:24

Kastzij ri Rija'l winak cäbec, je jas ri tz'ibatal chrij. ¡Tok'ob c'u u wäch ri winak ri' ri cäjachowic! Are ta utz na che ri winak ri' we ta ma ta xalaxic.”

Ri Lucax 16:28

E c'o c'u can job wachalal. Quinwaj chi ri Lazaro cuk'alajisaj ronojel wa' chquiwäch, rech man quepe ta pa we c'olbal ri' re c'axc'olil.’

Ri Lucax 24:27

Xuchaplej c'u ulok ruc' ri u Tzij ri Moises xukuje' ri qui Tzij conojel ri e k'axal tak tzij. Xuk'alajisaj chquiwäch ri Tzij ri qui bim can chrij ri are' pa conojel ri Tz'ibatalic.

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Ri Lucax 24:46

Xubij chque: “Je xtz'ibax can wa' chi ri Crist curik na c'ax, chi cäcäm na, chi cäc'astaj na chquixo'l ri cäminakib churox k'ij.

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Ri Xuan 1:45

Ri Pelip xurik ri Natanael, xubij che: “Xkarik ri jun ri xtz'ibam ri Moises chrij chquipam ri wuj re ri pixab, ri xukuje' xetz'ibam ri e k'axal tak tzij chrij. Are' ri Jesus, u c'ojol ri Jose aj Nazaret.”

Ri Xuan 5:39

Chebisiq'uij ri e Tz'ibatalic, quichomaj c'ut chi chquipam wa' quirik wi ri junalic i c'aslemal. E are c'u wa' ri queyo'w k'alajisanic chwij.

Ri Xuan 5:46

We ta quixcojon che ri xubij ri Moises, quixcojon ta ri' chwe in; chwij c'u in xtz'ibam wi can ri Moises.

Hechos 10:43

Conojel c'ut ri e k'axal tak tzij qui yo'm u bixic ri Jesus, quibim c'ut chi jachintak ri quecojon che are' caquic'amowaj na ri cuyubal macaj rumal ri are'.”

Hechos 13:29

Aretak xbantaj ronojel jas ri tz'ibam chrij, xquikasaj cho ri ripibal, xquiya' pa jun mukubal.

Hechos 24:14

Are c'u wa' quink'alajisaj chwäch la, chi quinpatanij ri qui Dios ri nu mam je jas ri u banic we C'ac' Be ri', ri cäquibij juk'at che. Quincoj ronojel ri tz'ibam pa ri pixab xukuje' pa ri qui wuj ri e k'axal tak tzij.

Hechos 26:17

Catinwesaj na pa qui k'ab ri a winakil xukuje' pa ri qui k'ab ri man aj judeyib taj, cuc' c'u wa' catintak wi na bic,

Hechos 26:6

Are c'u ri camic in tac'al chwäch la rech cäk'at la tzij panuwi' rumal ri weyebal c'u'x ri nu yo'm chrij ri chi'nic ri xuban ri Dios chque ri ka mam.

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.

Romanos 3:21

Camic c'ut, k'alajisam chic jas cuban ri Dios che u banic suc' chque ri winak man rumal ta ri pixab. Quetamax c'u wa' rumal ri cubij ri pixab xukuje' rumal ri qui wuj ri k'axal tak u tzij ri Dios.

1 Corintios 15:3

Are c'ut ri kas in xinc'amowic are' wa' xinya' u bixic chiwe, are' c'u wa' ri sibalaj nim na u k'ij: chi ri Crist xcäm qui mac quech ri e ka mac, je jacha' ri caquibij ri e Tz'ibatalic,

1 Corintios 15:4

chi xmukic, xc'astaj churox k'ij, jas cubij ri Tz'ibatalic,

2 Timoteo 3:11

ri e c'axalaj tak nu c'ulelaxic xukuje' ri e nu rikoj tak c'ax. E aweta'm conojel ri xinc'ulmaj pa Antioquiy, pa Icon xukuje' pa Listr, xukuje' conojel ri e c'axalaj tak nu c'ulelaxic ri xebencoch'o; xinresaj c'ut ri Ajawaxel pa conojel wa'.

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Apocalipsis 20:12

Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.

Nabe Samuel 7:12

Xuc'am c'u na jun abaj ri Samuel xucoj chuxo'l ri Mizpa ruc' ri Sen, xucoj c'u Eben-ezer che u bi' xubij c'ut: “C'ä camic c'ä uj u to'm ri Ajawaxel.”