Hechos 24:8 - Quiché Bible

⁸ Ri lal, aretak cäc'ot la u chi', cäcuin c'u la quetamaj na la conojel we jastak ri' ri cäkabij chrij.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Xqabꞌij kꞌu chike ri e tzujul taq rech chi kepe choch la, kꞌotompe la uchiꞌ rech qas ketaꞌmaj la jastaq ri umak ri kaqatzujuj wi che la.

K'iche'

⁸ Xubij c'ut chi ri winak ri cäquibij chrij ri tat Pablo chi c'o u mac, rajwaxic queopan uc' la. Ri lal c'ut cuya' cäc'ot la u chi', cäta' la che, rech quetamaj la chi kas tzij wa' ronojel ri tajin cäkabij chrij, —xcha che ri tat Félix.

K'iche' (New Orthography)

⁸ Xub'ij k'ut chi ri winaq ri käkib'ij chrij ri tat Pablo chi k'o u mak, rajwaxik keopan uk' la. Ri lal k'ut kuya' käk'ot la u chi', käta' la che, rech ketamaj la chi qas tzij wa' ronojel ri tajin käqab'ij chrij, —xcha che ri tat Félix.

Hechos 24:8 ပူးပေါင်းရင်းမြစ်များ

Ri Lucax 23:14

Xubij chque: “Ix i c'amom ulok we achi ri' chnuwäch, xibij chi cujech'obisaj qui be ri winak. Chiwilampe', xinc'ot u chi' chiwäch, man c'o ta jun etzelal xinrik chrij we achi ri' chque ri tzij ri quebibij chrij.

Hechos 23:30

Xk'alajisax c'u chnuwäch chi ri aj judeyib queyem we achi ri' che u banic c'ax che, xintak c'u bic uc' la; xukuje' xinbij chque ri quetzujunic chi chequik'alajisaj chwäch la jas ri caquitzujuj wi.”

Hechos 23:35

xubij che: “Catintatabej na aretak quepe ri tzujul awech. Xtakanic chi cachajix chupam ri rachoch ri Herod.”

Hechos 24:9

Xukuje' ri aj judeyib xquiya' qui tzij ruc' ri Tertul, xquibij chi kastzij ronojel wa'.

Hechos 25:5

Xubij c'u chque: “Rumal c'u ri', ri e i k'atal tak tzij, junam chekaj bic wuc' pa Sesarey. We c'o jun itzelalaj jasach chrij we achi ri', cuya' cäquitzujuj.”