Hechos 23:6 - Quiché Bible

⁶ Cuch'ob ri Pawl chi ri niq'uiaj winak e saduseyib, ri niq'uiaj chic e pariseyib. Xch'aw c'u ruc' chuk'ab chquiwäch ri comon re ri qui nimakil ri aj judeyib, xubij: “Wachalal, in parisey, in u c'ojol jun parisey. Cäk'at c'u tzij panuwi' rumal rech chi cu'l nu c'u'x chi quec'astaj na ri cäminakib.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Xril ri Pablo chi ri e kꞌamal taq bꞌe rech ri Tinimit e kꞌo saduceos xuqujeꞌ fariseos chike. Xuraq uchiꞌ, xubꞌij: Alaxik, in xuqujeꞌ in Fariseo, jacha ri watiꞌt numam. In kꞌo pa ri uqꞌabꞌ ri qꞌatbꞌal tzij rumal chi kuꞌl na kꞌuꞌx che ri kꞌastajibꞌal kiwach ri kaminaqibꞌ.

K'iche'

⁶ Ri tat Pablo xrilo chi jujun chque ri qui nimakil ri winak ri e c'olic, e are' jun cuc' ri tata'ib saduceos, ri niq'uiaj chic e are' jun cuc' ri tata'ib fariseos. Rumal ri' co xch'awic, xubij chquiwäch ri qui nimakil ri winak: Kachalal, ri in, in fariseo, in u c'ojol jun fariseo. Tajin c'u cäk'at tzij pa nu wi' rumal chi quincojo chi quec'astaj na ri cäminakib, cu'l c'u nu c'ux chrij wa', —xcha chque.

K'iche' (New Orthography)

⁶ Ri tat Pablo xrilo chi jujun chke ri ki nimaqil ri winaq ri e k'olik, e are' jun kuk' ri tata'ib' saduceos, ri nik'iaj chik e are' jun kuk' ri tata'ib' fariseos. Rumal ri' ko xch'awik, xub'ij chkiwäch ri ki nimaqil ri winaq: Qachalal, ri in, in fariseo, in u k'ojol jun fariseo. Tajin k'u käq'at tzij pa nu wi' rumal chi kinkojo chi kek'astaj na ri käminaqib', ku'l k'u nu k'ux chrij wa', —xcha chke.

Hechos 23:6 ပူးပေါင်းရင်းမြစ်များ

Ri Matey 10:16

“Chiwilampe'. Quixintak bic je jas ri chij chquixo'l ri utiw. Chicojo' ri i chomabal chichajij iwib je jas ri caquiban ri cumätz. Chixux jacha' ri palomax ri man c'o ta c'ax cubano.

Ri Matey 22:23

Pa ri k'ij ri' xebopan ri saduseyib ruc' ri Jesus. Ri e are cäquibij chi man quec'astaj taj ri cäminakib. Xquita' c'u che ri Jesus:

Ri Matey 3:7

Aretak xril ri Xuan chi e q'ui chque ri pariseyib xukuje' ri saduseyib xepetic rech cäban ri qui bautism. Aretak ri Xuan xerilo xubij chque: “¡Quija'l tak cumätz! ¿Jachin xbin chiwe chi chixanimaj chuwäch ri c'äjisabal wächaj ri cäpe na?

Hechos 22:3

“In kastzij in aj judey. Xinalax pa Tars re Silisiy, xinq'uiyisax c'u chi' pa Jerusalen. Xintijoj wib che ri qui pixab ri e ka mam, ri Gamaliel are ri wajtij. Xinoc il che u patanixic ri Dios ruc' ronojel wanima', je jacha' ri cäban alak camic.

Hechos 22:30

Chucab k'ij c'ut, ri qui nimal ri ajch'ojab cäraj kas cäretamaj jas ri cätzujux wi ri Pawl cumal ri aj judeyib. Xuquir che ri tikom ch'ich', xtakan che qui siq'uixic ri e qui nimakil ri e cojol tabal tok'ob xukuje' conojel ri comon re ri qui nimakil ri aj judeyib. Xuc'am c'u ulok ri Pawl, xutac'aba' chquiwäch.

Hechos 22:5

Xukuje' ne ri c'amal qui be ri e cojol tabal tok'ob xukuje' ri e nimak tak tatayib xquilo jas ri xinbano, cuya' cäquik'alajisaj chiwäch. Ri e are' xeyo'w bic wuj pa nu k'ab chque ri kachil aj judeyib pa Damasc. Xinbe c'ut rech quebenyut ulok ri cojonelab ri e c'o chila', quebenc'am ulok pa Jerusalen rech cäc'äjisax qui wäch.”

Hechos 23:1

Ri Pawl co xca'y chque ri comon re ri qui nimakil ri aj judeyib, xubij chque: “Wachalal, in in bininak ruc' jun utzalaj retamabal nu c'u'x chuwäch ri Dios c'ä pa we k'ij ri'.”

Hechos 23:15

Camic c'ut, ri ix xukuje' ri comon re ri qui nimakil ri aj judeyib chibij che ri qui nimal ri ajch'ojab chi chwek chc'am ulok ri Pawl chiwäch quiban iwib chi are quiwaj chi c'o ri kas quiwetamaj chrij; ka suc'umam chi c'u kib uj che u cämisaxic c'ä majok chopanok.”

Hechos 23:20

Ri ala xubij che: “Ri aj judeyib xquichomaj jun jasach ri cäquiban na: cäquita' na che la jun tok'ob chi chwek cac'am bic ri Pawl chquiwäch ri comon re ri qui nimakil ri aj judeyib, je ta ne cäquetamaj na jas ri kastzij ri u banom.

Hechos 23:7

Aretak xbitaj wa' rumal, ri pariseyib xukuje' ri saduseyib xquichaplej u c'ulelaxic quib. Quieb c'u xquiban ri winak.

Hechos 24:15

C'o c'u weyebal c'u'x chrij ri Dios jacha' xukuje' ri e are' chi quec'astaj na ri cäminakib, chi e utz chi e lawalo.

Hechos 24:21

We ne c'o jas cäquirik chwij rumal we jun tzij ri', ri co xinbij aretak in tac'al chquiwäch: ‘Cäk'at tzij panuwi' camic umal alak, rumal rech chi quinbij chi quec'astaj ri cäminakib.’ ”

Hechos 28:20

Rumal ri' xintakan che siq'uixic alak rech quinwil wäch alak, xukuje' che tzijobexic alak; kas c'u ne rumal rech ri keyebal c'u'x uj ri uj aj israelib, ximom we tikom ch'ich' ri' chwe waral.”

Filipenses 3:5

xkopix ri u wi' ri u tz'umal ri in achi wi chuwajxak k'ij che wetal re kopinic chi in jun aj israel, pa ri ramak' ri Benjamin xinalax wi, ri in kas in hebrey rumal rech chi ri nu tat xukuje' ri nu nan e aj hebreyib; xintijox che ri pixab cuc' ri pariseyib.

Colosenses 1:5

rumal rech ri eyebal c'uxaj chrij ri c'olom chiwe pa ri caj. I tom chi c'u wa' rumal ri tzij re kastzij, are wa' ri kastzij re colobal ib.

Hebreos 6:19

Are wa' ri c'o pa ri kanima'. Co tac'alic je jas ri cätac'aban jun nim jucub, cuya' cäcu'bi ka c'u'x chrij. Are wa' coc bic c'ä chrij ri tasbal u pam ri rachoch Dios,