Hechos 22:24 - Quiché Bible

²⁴ Rumal ri' ri qui nimal ri ajch'ojab xtakanic chi cäcoj bic ri Pawl pa ri cachoch ri ajch'ojab. Xtakan che u rapuxic xukuje' che u c'otic u chi', rech cäquetamaj jasche ri winak cäquirak qui chi' chrij.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Ri achi ri kataqan pa kiwiꞌ ri ajchꞌoꞌjabꞌ chajil tinimit xuya taqanik rech kokisax ri Pablo pa ri ja ri e kꞌo wi ri ajchꞌoꞌjabꞌ chajil tinimit, xuqujeꞌ xuya taqanik rech karapuxik, kꞌa te riꞌ kakꞌot uchiꞌ rech kubꞌij jas rumal ri winaq kakiraq kichiꞌ chrij.

K'iche'

²⁴ Ri tata' ri cätakan pa qui wi' ri soldados xuya takanic chi cocsax ri tat Pablo pa ri ja ri e jekel wi ri soldados, xukuje' xuya takanic chi co cäch'ayic, te c'u ri' cäc'ot u chi' rech cubij jas che ri winak cäquirak qui chi' chrij.

K'iche' (New Orthography)

²⁴ Ri tata' ri kätaqan pa ki wi' ri soldados xuya taqanik chi koksax ri tat Pablo pa ri ja ri e jeqel wi ri soldados, xuquje' xuya taqanik chi ko käch'ayik, te k'u ri' käk'ot u chi' rech kub'ij jas che ri winaq käkiraq ki chi' chrij.

Hechos 22:24 ပူးပေါင်းရင်းမြစ်များ

Ri Xuan 19:1

Ri Pilat xuc'am ri Jesus, xtakan che u rapuxic.

Hechos 16:37

Are c'u ri Pawl xubij chque: “Xujquich'ay c'u chuwäch ri tinimit, xujquicoj pa che', man xk'at ta c'u tzij pakawi', uj c'u achijab aj romab. Are' c'u, camic, ¿la cujquesaj bic chi c'uyal? ¡Jayi' c'ut! Xane' chepe ta ri e are' che kesaxic bic.”

Hechos 21:34

Ri winak xquirak qui chi', jun wi ri xquibij ri niq'uiaj, jun chi wi xquibij ri niq'uiaj chic. Ri qui nimal ri ajch'ojab man xcuin ta che u ch'obic ri kas u banic, rumal rech ri wululem. Rumal ri' xtakan che u c'amic bic ri Pawl pa ri cachoch ri ajch'ojab.

Hechos 21:37

Xa' co'l man cäcoj bic ri Pawl chupam ri cachoch ri ajch'ojab, xubij che ri qui nimal ri jun mil ajch'ojab: “¿La cuya' quintzijon uc' la?” Ri are' xubij: “¿La aweta'm ri ch'abal aj Gres?

Hechos 23:10

Xnimataj c'u ri c'ulelam ib chquixo'l ri achijab, xuxe'j c'u rib ri qui nimal ri jun mil ajch'ojab, we ne cäch'akatix ri Pawl cumal ri achijab. Xtakanic chi quekaj ulok ajch'ojab, rech cäquesaj bic ri Pawl chquixo'l ri winak, cäquic'am bic pa ri cachoch ri ajch'ojab.

Hechos 23:27

We achi ri' xchap cumal ri aj judeyib, raj cäquicämisaj. Are c'u ri in xinbe chquij cuc' ajch'ojab, xinwesaj chquiwäch, aretak xinwetamaj chi are aj rom.

Hechos 28:18

Aretak qui c'otom chi nu chi', are ta xcaj xinquitzokopij, rumal rech chi man c'o ta jun mac chwij ri takal ta wi nu cämisaxic.

Hebreos 11:35

Jujun ixokib xequic'am ri qui cäminakib rumal chi xec'astajic. E c'o jujun chic xquirik c'ax, man xcaj ta c'ut chi quecol chuwäch ri c'ax, churikic jun c'astajibal ri sibalaj utz na.