Hechos 22:1 - Quiché Bible

¹ “Wachalalib, xukuje' tatayib, tatabej alak ri to'bal wib camic.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Loqꞌalaj taq qachalal, ix ix kꞌamal taq qabꞌe, chitampe ri kinbꞌij chiꞌwe.

K'iche'

¹ Lok'alaj tak kachalal, alak c'amal tak ka be, tampe alak ri quinbij chuwäch alak chuto'ic wib, —cächa chque ri winak.

K'iche' (New Orthography)

¹ Loq'alaj taq qachalal, alaq k'amal taq qa b'e, tampe alaq ri kinb'ij chuwäch alaq chuto'ik wib', —kächa chke ri winaq.

Hechos 22:1 ပူးပေါင်းရင်းမြစ်များ

Ri Lucax 12:11

Aretak quixc'am bic chquiwäch ri winak pa tak ri ja ri cäquitijoj wi quib ri aj judeyib che ri pixab, chquiwäch ri c'o qui takanic, chquiwäch k'atal tak tzij, mixoc il che jas quiban na che u to'ic iwib, mawi jas quibij na.

Ri Lucax 21:14

C'ol ba pa iwanima' chi michomaj na bic jas quibij na che u to'ic iwib.

Hechos 13:26

“Wachalal, ix ri ix rija'l ri Abraham, xukuje' c'u ri ix, ri man ix ka winakil taj ri quixe'j iwib chuwäch ri Dios: we tijonic ri' re colobal ib iwech wa ix.

Hechos 19:33

Xquesaj bic ri Alejandr chquixo'l ri winak. Ri aj judeyib xquich'icmij bic. E c'o c'u jujun xquibij che jas ri tajin cäbanic. Ri Alejandr xuban etal ruc' ri u k'ab chubixic chque chi mech'aw chic, are ta xraj cäquitzijobej ri winak che qui to'ic ri aj judeyib chquiwäch ri winak.

Hechos 23:1

Ri Pawl co xca'y chque ri comon re ri qui nimakil ri aj judeyib, xubij chque: “Wachalal, in in bininak ruc' jun utzalaj retamabal nu c'u'x chuwäch ri Dios c'ä pa we k'ij ri'.”

Hechos 23:6

Cuch'ob ri Pawl chi ri niq'uiaj winak e saduseyib, ri niq'uiaj chic e pariseyib. Xch'aw c'u ruc' chuk'ab chquiwäch ri comon re ri qui nimakil ri aj judeyib, xubij: “Wachalal, in parisey, in u c'ojol jun parisey. Cäk'at c'u tzij panuwi' rumal rech chi cu'l nu c'u'x chi quec'astaj na ri cäminakib.”

Hechos 24:10

Ri k'atal tzij xuban etal che ri Pawl chi cuya' cäch'awic. Ri Pawl xch'awic, xubij: “Quinch'obo chi q'ui junab chic c'o la che k'atal tzij puwi' we nim tinimit ri'. Rumal ri' ruc' ronojel quicotemal quinto' wib chwäch la.

Hechos 25:16

Xinbij chque chi man e nak'atal ta ri aj romab cäquijach jun winak pa cämisaxic, we c'ä maja' cätaq'ui' chquiwäch ri e tzujul tak rech, rech cuya' cuto' rib che ri cäquitzujuj wi.

Hechos 25:8

Are c'u ri Pawl xuto' rib, xubij: “Man c'o ta mac nu banom chrij ri qui pixab ri aj judeyib, mawi chrij ri rachoch Dios, mawi chrij ri nimalaj k'atal tzij Sesar aj rom.”

Hechos 26:24

Aretak ri Pawl cätajin cubij we jastak ri' che u to'ic rib, ri Pest co xch'awic, xubij: “¡At ch'ujirinak, Pawl! Ri nimalaj awetamanic at ch'ujarisaninak.”

Hechos 28:17

Aretak oc'owinak chi oxib k'ij, ri Pawl xebusiq'uij ri qui nimakil ri aj judeyib. Aretak qui mulin chi quib, xubij chque: “Wachalal, ri in man c'o ta jas xinban chquij ri ka winakil, mawi chrij ri qui nak'atisabal ri ka mam. Xinya' c'u pa che' pa Jerusalen, xinjach pa qui k'ab ri aj romab.

Hechos 7:2

Ri Estebn xubij: “Wachalal tak xukuje' tatayib, tampe' alak ri nu tzij. Ri Dios ri sibalaj nim u k'ij xuc'ut rib chuwäch ri ka mam Abraham aretak c'ä c'o pa Mesopotam, c'ä majok chejekel pa Haran.

Romanos 2:15

Cäquik'alajisaj ruc' ri qui chac chi tz'ibatal ri pixab pa ri canima'. Cäquina' pa ri canima' we utz o man utz taj ri cäquibano. Rumal ri qui chomanic ri e are' chquibil quib, cäk'alajisan chquiwäch we c'o mac qui banom o man c'o taj,

1 Corintios 9:3

Are wa' quinbij che u to'ic wib chquiwäch ri cäquiban tzij chwij:

2 Corintios 12:19

Cäraj ne cätajin quichomaj chi cätajin cakatz'onoj chi cujicuyu', man je ta c'u quelic. Man je taj ri quibij, cätajin c'u cujtzijon chuwäch ri Dios uj c'u ajcristib xukuje'. Ronojel c'u wa' lok'alaj tak kachalal, rech ri ix quixq'uiy chupam ri uxlabal.

2 Corintios 7:11

Ri ix xicoch' ri bis jacha' ri cäkaj chuwäch ri Dios, ¡chebiwila' c'ut ri xel wi! Xixoc il che ri xc'ulmatajic xito' c'u nu wi'; xuban chiwe chi xpe iwoyowal, xukuje' xina' xe'n ib. Chuwi' chi c'u wa' xpe i rayinic che wilic, xichomaj c'ut u c'äjisaxic u wäch ri ajchak'mac. Ruc' c'u ronojel wa' i c'utum ix chi man i nimon ta iwib chupam wa'.

Filipenses 1:17

Ri niq'uiaj chic caquitzijoj ri Crist xa' rumal u banic c'ax, man ruc' ta u ch'ajch'ojil ri canima'. Xane' are cäcaj chi sibalaj quinrik na c'ax waral pa che'.

Filipenses 1:7

Suc' ri nu chomanic chiwe iwonojel, rumal rech chi ix c'o pa wanima'. Aretak in c'o pa che', aretak quintzijoj chque ri winak jasche quincojon che ri tzij re colobal ib xukuje' quink'alajisaj chquiwäch chi are' ri kastzij, ix wachil pa ri u tok'ob ri Dios.

2 Timoteo 4:16

Pa ri nabe to'bal wib chquiwäch ri k'atal tak tzij, mawi jun xc'oji' wuc', xane' conojel xinquiya' canok. Man quinwaj ta c'ut chi cäya' we mac ri' chquij.

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.