Hechos 21:34 - Quiché Bible

³⁴ Ri winak xquirak qui chi', jun wi ri xquibij ri niq'uiaj, jun chi wi xquibij ri niq'uiaj chic. Ri qui nimal ri ajch'ojab man xcuin ta che u ch'obic ri kas u banic, rumal rech ri wululem. Rumal ri' xtakan che u c'amic bic ri Pawl pa ri cachoch ri ajch'ojab.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁴ Are kꞌu ri winaq xkiraq kichiꞌ, jaljoj ri kakibꞌij. Ri achi man xkwin ta chuchꞌobꞌik jas ri xkꞌulmatajik rumal cher man kꞌyaqal ta ri kakibꞌij. Xtaqan kꞌu bꞌik chukꞌamik ri Pablo pa ri ja ri e kꞌo wi ri aꞌj ajchꞌoꞌjabꞌ chajil tinimit.

K'iche'

³⁴ Are c'u ri winak cäquirak qui chi', jun wi ri cäquibij ri niq'uiaj, jun chi wi ri cäquibij ri niq'uiaj chic. Ri tata' man xcowin tä chuch'obic jas ri xc'ulmatajic rumal chi ri winak xak cäquirak qui chi'. Je ri' xtakan chuc'amic bi ri tat Pablo pa ri ja ri e jekel wi ri soldados.

K'iche' (New Orthography)

³⁴ Are k'u ri winaq käkiraq ki chi', jun wi ri käkib'ij ri nik'iaj, jun chi wi ri käkib'ij ri nik'iaj chik. Ri tata' man xkowin tä chuch'ob'ik jas ri xk'ulmatajik rumal chi ri winaq xaq käkiraq ki chi'. Je ri' xtaqan chuk'amik b'i ri tat Pablo pa ri ja ri e jeqel wi ri soldados.

Hechos 21:34 ပူးပေါင်းရင်းမြစ်များ

Hechos 19:32

Ri winak xquirak qui chi', jun wi xquibij ri jujun, jun chi wi ri niq'uiaj chic. Sachinak c'u qui c'u'x ri winak ri qui mulin quib. Ri sibalaj e q'ui na man queta'm taj jasche xquimulij quib.

Hechos 21:37

Xa' co'l man cäcoj bic ri Pawl chupam ri cachoch ri ajch'ojab, xubij che ri qui nimal ri jun mil ajch'ojab: “¿La cuya' quintzijon uc' la?” Ri are' xubij: “¿La aweta'm ri ch'abal aj Gres?

Hechos 22:24

Rumal ri' ri qui nimal ri ajch'ojab xtakanic chi cäcoj bic ri Pawl pa ri cachoch ri ajch'ojab. Xtakan che u rapuxic xukuje' che u c'otic u chi', rech cäquetamaj jasche ri winak cäquirak qui chi' chrij.

Hechos 22:30

Chucab k'ij c'ut, ri qui nimal ri ajch'ojab cäraj kas cäretamaj jas ri cätzujux wi ri Pawl cumal ri aj judeyib. Xuquir che ri tikom ch'ich', xtakan che qui siq'uixic ri e qui nimakil ri e cojol tabal tok'ob xukuje' conojel ri comon re ri qui nimakil ri aj judeyib. Xuc'am c'u ulok ri Pawl, xutac'aba' chquiwäch.

Hechos 23:10

Xnimataj c'u ri c'ulelam ib chquixo'l ri achijab, xuxe'j c'u rib ri qui nimal ri jun mil ajch'ojab, we ne cäch'akatix ri Pawl cumal ri achijab. Xtakanic chi quekaj ulok ajch'ojab, rech cäquesaj bic ri Pawl chquixo'l ri winak, cäquic'am bic pa ri cachoch ri ajch'ojab.

Hechos 23:16

Jun ral ala ri rana'b ri Pawl xuto chi ri achijab queyem ri Pawl. Xbec, xoc bic chupam ri cachoch ri ajch'ojab, xuya' u bixic che ri Pawl.

Hechos 23:32

Chucab k'ij ri ajch'ojab xequiya' can ri ajquiejab chi cäquic'am bic ri Pawl cuc', xetzelej c'u ulok pa ri cachoch ri ajch'ojab.

Hechos 25:26

Chrij ri are' man c'o ta jun mac ri k'alaj ri quintz'ibaj ta bic che ri wajaw ri k'atal tzij, rumal ri' xinc'am ulok chwäch alak, kas c'u are na chwäch la, nim ajawinel Agrip, rech cäc'ot alak u chi', te c'u ri' c'o quintz'ibaj bic chrij.