Hechos 20:6 - Quiché Bible

⁶ Ri uj c'ut, aretak e oc'owinak chi tak ri k'ij re ri caxlanwa ri man caya' ta ch'am ruc', xujel bic pa Pilips, xujbe puwi' ri plo. Oc'owinak chi c'u job k'ij xujopan cuc' ri kachil pa Troas. Xujc'oji' wukub k'ij chila'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Are xikꞌow ri nimaqꞌij Pascua xujel bꞌik pa ri tinimit Filipos xujeꞌ pa jun jukubꞌ bꞌinibꞌal puꞌwiꞌ jaꞌ, are ikꞌowinaq chi jobꞌ qꞌij, xubꞌeꞌqariqaꞌ pa ri tinimit Troas. Wuqubꞌ qꞌij kꞌut xujkanaj kan chilaꞌ.

K'iche'

⁶ Are c'u ri uj, aretak xoc'ow ri nimak'ij re ri caxlan wa ri man cäyi' tä ch'äm ruc', xujel bi pa ri tinimit Filipos pa barco. Oc'owinak chi c'u job k'ij, xekarika pa ri tinimit Troas. Wukub k'ij c'ut xujcanaj na can chila'.

K'iche' (New Orthography)

⁶ Are k'u ri uj, aretaq xok'ow ri nimaq'ij re ri kaxlan wa ri man käyi' tä ch'äm ruk', xujel b'i pa ri tinimit Filipos pa barco. Ok'owinaq chi k'u job' q'ij, xeqariqa pa ri tinimit Troas. Wuqub' q'ij k'ut xujkanaj na kan chila'.

Hechos 20:6 ပူးပေါင်းရင်းမြစ်များ

Elem 23:15

Chawoc'owisaj ri nimak'ij re ri caxlanwa ri man cäya' ta ch'am ruc', je chabana' jacha' ri takanic ri nu yo'm chawe, pa we nimak'ij ri' wukub k'ij catij caxlanwa ri man cäya' ta ch'am ruc'. Cäban we nimak'ij ri' pa ri ic' Abib are c'u ic' wa' ri xatel ulok pa Ejipt. Man c'o ta c'u jun ri cuya' copan che wilic ri ma ta c'o jas ruc'am ulok.

Elem 34:18

“Chiwoc'owisaj ri nimak'ij re ri caxlanwa ri man cäya' ta ch'am ruc', je roc'owisaxic quibano jacha' ri takanic ri nu yo'm chiwe, wukub k'ij quitij caxlanwa ri man cäya' ta ch'am ruc'. Ri u k'ijol are ri ic' Abib, chupam c'ut we ic' ri' xixel ulok pa Ejipt.

Hechos 12:3

Aretak xrilo chi xkaj chquiwäch ri aj judeyib, xukuje' xuchap ri Lu'. Are c'u k'ijol wa ri quetijow ri caxlanwa ri man caya' ta ch'am cuc'.

Hechos 16:10

Xuwi c'u xilitaj ri c'utwächinic rumal ri Pawl xkasuc'umaj ri ka bic pa Masedon. Xkach'obo chi are ri Dios xujsiq'uin che u tzijoxic ri utzalaj tak tzij chque ri winak chila'.

Hechos 16:12

Xujel c'u bic chila' are ri tinimit nim u banic pa ri ch'akap ulew ri' re Masedon e q'ui ri aj romab e c'o chila'. Xujbeyetaj c'u quieb oxib k'ij chila'.

Hechos 16:8

Xeboc'ow bic pa u xcut ri Misiy, xekaj bic pa Troas.

Hechos 20:16

U chomam chi c'u ri Pawl chi xak coc'ow chuwäch ri Epes. Man cäraj taj cutzak u k'ij pa Asiy. Cäraj c'ut cäbe aninak, rech cäroc'owisaj ri nimak'ij quech ri cawinak lajuj k'ij (50) pa Jerusalen, we cäcuinic.

Hechos 20:5

E are wa' xenabej bic, xujqueyej pa Troas.

Hechos 21:4

Xujc'oji' wukub k'ij chila', xekarik ri cojonelab. Ri e are' xquibij che ri Pawl rumal ri Uxlabaxel chi mäbe pa Jerusalen.

Hechos 21:8

Chucab k'ij xujel bic, xujopan pa Sesarey. Xujoc pa ri rachoch ri Pelip, ri tzijol ri utzalaj tzij re colobal ib chque ri winak. Are' jun chque ri wukub pataninelab que ri takomxenlab. Xujcanaj c'u can ruc'.

Hechos 28:14

Xekarik jujun kachalal chila', xquitz'onoj chke chi chujcanaj can wukub k'ij cuc'. Je c'u xkaban wa', chuq'uisbalil c'ut xujopan pa Rom.

Filipenses 1:1

In Pawl xukuje' ri Timotey, uj u lok'om tak pataninelab ri Jesucrist, cäkatz'ibaj bic we wuj ri' chque conojel ri cojonelab pa Crist Jesus ri e c'o chila' pa Pilips, xukuje' chque ri cojonelab ri quesolin conojel ri ajcristib xukuje' chque ri cojonelab ri quepataninic.

1 Tesalonicenses 2:2

Pune' ka rikom chi c'ax nabe, pune' uj yok'om chic pa Pilips, jas ri iweta'm chic, ri ka Dios xujuto' che u tzijoxic ri u tzij re colobal ib chiwe, man xkaxe'j ta kib. Je xkabano pune' xkarik c'ax rumal ri u tzijoxic.

2 Timoteo 4:13

Aretak catpetic, chac'ama' ulok ri nu k'u' ri xinya' can pa Troas cho rachoch ri Carp. Xukuje' chebac'ama' ulok ri wuj xukuje' ri tz'um ri tz'ibam qui wäch.