Hechos 20:16 - Quiché Bible

¹⁶ U chomam chi c'u ri Pawl chi xak coc'ow chuwäch ri Epes. Man cäraj taj cutzak u k'ij pa Asiy. Cäraj c'ut cäbe aninak, rech cäroc'owisaj ri nimak'ij quech ri cawinak lajuj k'ij (50) pa Jerusalen, we cäcuinic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Ri Pablo kꞌut xuchomaj chi man kikꞌow ta bꞌik pa ri tinimit Éfeso rech man kabꞌeyetaj taj pa Asia. Jeriꞌ rumal cher karaj karikꞌowisaj ri Pentecostés pa ri tinimit Jerusalén.

K'iche'

¹⁶ Je ri' xka'no rumal chi ri tat Pablo xuchomaj chi man coc'ow tä pa ri tinimit Éfeso rech man cäbeytaj tä pa Asia. Are c'u craj copan chanim pa ri tinimit Jerusalén we cäcowinic rech cäroc'owisaj ri nimak'ij re Pentecostés chila'.

K'iche' (New Orthography)

¹⁶ Je ri' xqa'no rumal chi ri tat Pablo xuchomaj chi man kok'ow tä pa ri tinimit Éfeso rech man käb'eytaj tä pa Asia. Are k'u kraj kopan chanim pa ri tinimit Jerusalén we käkowinik rech kärok'owisaj ri nimaq'ij re Pentecostés chila'.

Hechos 20:16 ပူးပေါင်းရင်းမြစ်များ

Elem 34:22

Chiwoc'owisaj ri nimak'ij quech ri wukutak k'ij, ri quech ri nabe tak qui wächinic ri trico, xukuje' ri nimak'ij aretak cäq'uis u yaquic tak ri qui wäch ri tico'n q'uisbal re ri junab.

Hechos 12:13

Aretak xuc'oroc'a ri uchi'be, xpe jun ali che rilic jachinok, ri Rods u bi'.

Hechos 16:6

Xeboc'ow pa Prij. Xeboc'ow pa tak ri tinimit aj Galas. Xek'atix c'u rumal ri Ruxlabal ri Dios che u tzijoxic ri tzij chque ri winak ri e c'o pa Asiy.

Hechos 18:19

Xebopan c'u pa Epes. Xutas rib chquij ri Aquil xukuje' ri Prisil. Xoc pa ri ja ri cäquitijoj wi quib ri aj judeyib che ri pixab. Xebutzijobej c'ut ri aj judeyib ri caquimulij quib chila'.

Hechos 18:21

Xane' xebujach canok, xubij: “Quintzelej chi na ulok jumul iwuc', we cäraj ri Dios.” Xel bic pa Epes pa jun nim jucub.

Hechos 19:1

Aretak c'ä c'o ri Apols pa Corint, ri Pawl xoc'ow pa tak ri juyub. Te c'u ri' xopan pa Epes, ri xeburik wi jujun cojonelab.

Hechos 19:21

Aretak e bantajinak chic we jastak ri', ri Pawl xuchomaj pa ranima' chi cäbe pa Jerusalen, coc'ow na bic pa Masedon xukuje' pa Acay. Xubij: “Aretak in c'olinak chic chila', cajwataj chwe chi xukuje' quenwila na ri Rom.

Hechos 2:1

Aretak xopan ri nimak'ij re Cawinak Lajuj K'ij, conojel ri cojonelab junam qui wäch, qui mulin quib kas xa' pa jun c'olbal.

Hechos 20:13

Ri uj c'ut xujnabej chupam ri nim jucub, xujbe puwi' ri plo pa Aso, che roc'owebexic bic ri Pawl, jacha' ri chomanic ri banom are' c'u xraj xbe che rakan.

Hechos 20:18

Aretak xebopan ruc', xubij chque: “Ix quich'obo jas ri nu c'olem chixo'l ronojel k'ij, kas pa ri nabe k'ij aretak xinopan pa Asiy.

Hechos 20:22

Are c'u ri camic, chiwilampe'. Ri Uxlabaxel u bim chwe chi rajawaxic quinbe pa Jerusalen. Man weta'm taj jas ri quinc'ulmaj na chila'.

Hechos 20:4

Xachilax bic rumal ri Sopater u c'ojol ri Pir aj Berey, ri Aristarc xukuje' ri Segund, ri aj tesalonib, ri Gay aj Derb, ri Timotey, ri Tiquico xukuje' ri Tropim, ri e aj Asiy.

Hechos 20:6

Ri uj c'ut, aretak e oc'owinak chi tak ri k'ij re ri caxlanwa ri man caya' ta ch'am ruc', xujel bic pa Pilips, xujbe puwi' ri plo. Oc'owinak chi c'u job k'ij xujopan cuc' ri kachil pa Troas. Xujc'oji' wukub k'ij chila'.

Hechos 21:4

Xujc'oji' wukub k'ij chila', xekarik ri cojonelab. Ri e are' xquibij che ri Pawl rumal ri Uxlabaxel chi mäbe pa Jerusalen.

Hechos 24:17

E oc'owinak chi c'u q'ui junab, xinopan pa ri nu tinimit che u ya'ic cochinic xukuje' tak sipanic.

1 Corintios 16:8

quinc'oji' na can pa Epes c'ä pa ri nimak'ij re cawinak lajuj k'ij.