Hechos 2:47 - Quiché Bible

⁴⁷ Cäquinimarisaj u k'ij ri Dios. Utz quebil wi cumal conojel ri winak; k'ij c'ut chi k'ij ri Ajawaxel quebutik che ri comon cojonelab ri quecolotajic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁷ Amaqꞌel xkiya uqꞌij ri Dios, sibꞌalaj nim xiꞌlik kumal konojel ri winaq. Ri Dios kꞌut xuꞌkꞌam loq qꞌij chi qꞌij ri winaq ri kekolotajik rech kekꞌojiꞌ kukꞌ ri kojonelabꞌ.

K'iche'

⁴⁷ Xquiya c'u u k'ij ri Dios, nim xe'il wi cumal conojel ri winak. Ri Dios xubano chi ronojel k'ij e c'o niq'uiaj winak chic ri cäquirik ru tobanic ri Are'. Xeuya c'u ri winak ri' cuc' ri kachalal cojonelab.

K'iche' (New Orthography)

⁴⁷ Xkiya k'u u q'ij ri Dios, nim xe'il wi kumal konojel ri winaq. Ri Dios xub'ano chi ronojel q'ij e k'o nik'iaj winaq chik ri käkiriq ru tob'anik ri Are'. Xeuya k'u ri winaq ri' kuk' ri qachalal kojonelab'.

Hechos 2:47 ပူးပေါင်းရင်းမြစ်များ

Ri Lucax 19:48

Man cäquirik ta c'ut jas cäquiban che, rumal rech chi conojel ri winak benak qui c'u'x che u tatabexic.

Ri Lucax 2:52

Xq'uiy ri Jesus, xnimar ri u no'j, xcowiric. Utz quil wi rumal ri Dios xukuje' cumal ri winak.

Hechos 11:21

Ri u k'ab ri Ajawaxel c'o cuc'. E q'ui xecojonic, xequiya' can ri ojer tak qui cojonic, xecojon che ri Ajawaxel.

Hechos 11:24

Ri Bernabe are utzalaj achi, nojinak che ri Ruxlabal ri Dios, xukuje' pa ri u cojonic, xukuje' q'ui winak xecojon che ri Ajawaxel.

Hechos 13:48

Ri man aj judeyib taj, aretak xquita' wa', xequicotic, xquibij chi sibalaj utz ri u tijonic aj Ajawaxel. Xecojon c'u conojel ri u chomam ulok ri Dios chi cäc'oji' junalic qui c'aslemal.

Hechos 14:1

Chila' pa Icon, xeboc bic ri Pawl xukuje' ri Bernabe pa ri ja ri cäquitijoj wi quib ri aj judeyib che ri pixab, xetzijon chila'. Jeri' chi e q'ui chque ri aj judeyib xukuje' ri man aj judeyib taj xecojonic.

Hechos 14:21

Xquitzijoj ri utzalaj tak tzij chque ri winak pa ri tinimit Derb. E q'ui c'ut xecojonic. Te c'u ri' ri Pawl xetzelej pa Listr, pa Icon xukuje' pa Antioquiy.

Hechos 16:5

Je c'u ri' ri cojonelab que tak ri e comon cojonelab co xetac'abax pa ri qui cojonic. Ronojel k'ij queq'uiyiric.

Hechos 17:12

Je c'u ri' e q'ui chque ri aj judeyib xecojonic. Xecojon chuchuyib aj Gres ri nimak qui k'ij. Xukuje' xecojon e q'ui achijab aj gresib.

Hechos 2:39

We chi'nic ri' chech alak xchi'x wi xukuje' chque ri e alc'ual alak, xukuje' chque conojel ri e c'o naj ri u bixic, chque conojel jachin tak ri quebusiq'uij ri Ajawaxel ri ka Dios.”

Hechos 2:41

Je c'u ri' ri xquic'amowaj ri u tijonic, xban c'ut ri bautism; craj c'u ne e c'o oxib mil winak xetikitaj chque ri cojonelab pa ri k'ij ri'.

Hechos 4:21

Xecoj c'u qui xib cumal ri k'atal tak tzij, xequitzokopij c'u bic. Man cäquirik taj jas cäquiban che u c'äjisaxic qui wäch, rumal rech chi conojel ri winak cäquiya' u k'ij ri Dios rumal ri xbantajic.

Hechos 4:33

E are' c'u ri takomxenlab ruc' nimalaj cuinem xquibij chque ri winak chi ri Cajaw Jesus xquilo xc'astajic. Ri nimalaj u tok'ob ri Dios c'o paquiwi' conojel.

Hechos 4:4

E q'ui c'ut chque ri winak ri xquita' ri tijonic xecojonic. Cäraj ne xetz'akat job mil ri cajilabal ri cojonelab xuwi achijab.

Hechos 6:1

Pa tak ri k'ij ri', aretak cätajin queq'uiyir ri cojonelab, ri quech'aw pa grieg xquiyac wixwitem chquij ri quech'aw pa hebrey, cäquibij chi aretak quepatanix ri malca'nib chuchuyib ronojel k'ij, ri qui malca'nib ri e are' man quepatanix taj.

Hechos 6:7

Cätajin cäq'uiy ri u tzij ri Dios, ri cojonelab sibalaj queq'uiyir pa Jerusalen. Xukuje' sibalaj e q'ui chque ri e cojol tabal tok'ob aj judeyib xeniman che ri cojonic.

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Hechos 9:35

Conojel ri aj Lid cuc' conojel ri aj Saron xquil ri Eney. Xquiya' c'u can ri ojer tak qui cojonic, xecojon che ri Ajawaxel.

Romanos 14:18

Conojel c'u ri je cäquiban wa' che u patanixic ri Crist, utz quebil wi rumal ri Dios, xukuje' ri winak cäquibij chi utz.

Romanos 8:30

Ri winak ri xebucha' ulok ri Dios ojer are wa' xebusiq'uij, xukuje' ri xebusiq'uij, are wa' ri xebuk'alajisaj chi e suc' chuwäch. Ri xebuk'alajisaj chi e suc' chuwäch, are wa' xunimarisaj qui k'ij.

Romanos 9:27

Xukuje' ri Isaiy ojer co xch'awic, xubij chrij ri Israel: “Pune' ta e q'ui ri e rija'l ri Israel jas ri sanyeb ri c'o chuchi' ri plo xak c'u e quieb oxib ri caquirik na ri colotajic,

1 Corintios 1:18

Xa' c'u conil ri tzij re ri ripibal chque ri winak ri cäsach qui wäch. Chke c'u ri uj ri cujcolotajic, ri tzij ri' are u cuinem ri Dios.