Hechos 2:4 - Quiché Bible

⁴ Conojel c'ut xenojisax che ri Ruxlabal ri Dios, xquichaplej tzijonic pa jule' tak ch'abal chic, jas ri xuya' ri Uxlabaxel chque chi quech'aw wi.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Konojel ri e kꞌo pa ri ja xenoj che ri Tyoxalaj Uxlabꞌixel, xkichapleꞌj chꞌawem pa juleꞌ taq chꞌabꞌal chik ri xuya ri Tyoxalaj Uxlabꞌixel chike.

K'iche'

⁴ Je ri' ri Lok'alaj Espíritu xuchap canima' conojel, xquichaplej ch'awem pa jule' tak ch'abal chic ri xeuya ri Lok'alaj Espíritu chque.

K'iche' (New Orthography)

⁴ Je ri' ri Loq'alaj Espíritu xuchap kanima' konojel, xkichaplej ch'awem pa jule' taq ch'ab'al chik ri xeuya ri Loq'alaj Espíritu chke.

Hechos 2:4 ပူးပေါင်းရင်းမြစ်များ

Ucab Samuel 23:2

Ri Ruxlabal ri Ajawaxel cäch'aw wumal in; ri u tzij c'o puwi' ri wak'.

Ri Isaiy 28:11

Utz ba la', we ba man cäquinimaj, xa ba je ta ne ri pa jun tzij ri u putzcuyem rib, pa jun ch'abal ri jalan ta chi wi ri cuch'abebej ta wi ri Dios we tinimit ri'.

Ri Isaiy 59:21

Ri Ajawaxel cubij: “In quinban jun c'ulwächinic iwuc', kas quinban c'u na ri quinbij chi ri nu cuinem xukuje' ri no'jibal ri nu yo'm chiwe, mawi jubik' cäquitas ta quib chiwe mawi chque ri e iwalc'ual chbe k'ij sak.”

Ri Jeremiy 6:11

In nojinak che ri oyowal la, Ajawaxel; man quincuin ta chi che u k'atixic.” Ri Ajawaxel xubij chwe: “Chajamij paquiwi' ri alabom pa ri be, paquiwi' tak ri jutak mutzaj c'ojolab. Queyut na bic ri achajilaxelab junam cuc' tak quixokil xukuje' ri nimak tak winak ri q'ui chic qui junab.

Ri Ezequiel 3:11

Jät che quilic ri e a winakil ri e c'o pa jun ulew chic, we caquinimaj ri cabij chque, o man caquinimaj taj, chabij chque: ‘Are' wa' ri cubij ri Ajawaxel.’ ”

Ri Miquey 3:8

Are c'u ri chwe in, ri ruxlabal ri Ajawaxel qui nu nojisaj che chuk'ab, suq'uilal xukuje' cuinem, rech quinq'uiak chi qui palaj ri aj israelib ri man qui nimanic taj xukuje' ri qui mac.

Ri Matey 10:19

Aretak c'ut quixquijach na pa qui k'ab ri k'atal tak tzij, mixoc il che ri quibij na o jas u bixic quibij na, aretak c'u copan ri jok'otaj che ri tzijonem, cäyataj na chiwe jas ri qui bij na.

Marcos 16:17

Ri quecojonic quequiban na we etal ri': Quequesaj na itzel tak uxlabal pa ri nu bi', quetzijon na pa c'ac' tak ch'abal,

Ri Lucax 1:15

Cux c'u na nim u k'ij chuwäch ri Ajawaxel. Man c'o ta u wa'l uva, man c'o ta tzam cutij na. Ri Ruxlabal ri Dios canojisan na c'ä majok chalaxok.

Ri Lucax 1:41

Aretak ri Elisabet xuta' ri rutzil u wäch rumal ri Mariy, ri ac'al xch'oplin pa ri u c'u'x. Xnojisax c'u ri ranima' ri Elisabet che ri Ruxlabal ri Dios.

Ri Lucax 1:67

Ri Zacariy, ri u tat ri Xuan, nojinak che ri Ruxlabal ri Dios, xubij chque ri winak ri xbix che rumal ri Dios:

Ri Lucax 12:12

Are c'u ri Ruxlabal ri Dios pa ri jok'otaj ri' cuya' na pa i chi' jas ri rajawaxic quibij na.”

Ri Lucax 21:15

In quinyo'w na i tzij, in quinyo'w i no'j. Jeri' chi ri e i c'ulel man cäquirik taj jas cäquibij chiwe, man quech'äcan taj.

Ri Lucax 4:1

Ri Jesus, nojinak che ri Ruxlabal ri Dios, xel bic pa ri nima' Jordan, xtzelejic. Xc'am bic rumal ri Uxlabaxel pa ri chaki'j uwo sak.

Ri Xuan 14:26

Ri cucu'bisaj c'uxaj, are' ri Ruxlabal ri Dios, ri cutak na ulok ri Tataxel pa ri nu bi', are ri' quixutijoj na chque conojel ri jastak, cunataj na chiwe ronojel ri nu bim chiwe.

Ri Xuan 20:22

Xbitaj wa' rumal, xwupinic, xubij chque: “Chic'ama' ri Ruxlabal ri Dios.

Hechos 1:5

Kastzij chi ri Xuan xebuban qui bautism ri winak pa ri ja'. Are' c'u ri ix quixcoj na pa ri Ruxlabal ri Dios pa quieb oxib k'ij.”

Hechos 1:8

Aretak c'u chpe ri Ruxlabal ri Dios piwi', quic'am na cuinem quixel c'u na bic che u ya'ic k'alajisanic chwij, pa Jerusalen pa ronojel ri ulew re Judey xukuje' pa Samar, xukuje' c'u pa tak ri tinimit ri sibalaj naj e c'o wi cho ronojel ri uwächulew.”

Hechos 10:46

Xequita' c'ut chi quetzijon pa tak niq'uiaj tak ch'abal chic, chi cäquinimarisaj c'u u k'ij ri Dios.

Hechos 10:47

Are' c'u ri Lu' xubij: “¿La cuya' ta c'ut cäk'atixic chi we winak ri', ri qui c'amom ri Ruxlabal ri Dios je jas ri uj, chi mat cäban ri qui bautism?”

Hechos 11:15

Aretak xinchaplej qui tzijobexic, xkaj ulok ri Ruxlabal ri Dios paquiwi', je jas xuban chque uj pa ri tictajic.

Hechos 11:24

Ri Bernabe are utzalaj achi, nojinak che ri Ruxlabal ri Dios, xukuje' pa ri u cojonic, xukuje' q'ui winak xecojon che ri Ajawaxel.

Hechos 13:52

Ri cojonelab e nojinak che quicotemal, xukuje' che ri Ruxlabal ri Dios.

Hechos 13:9

Are c'u ri Sawl, ri cäbix Pawl che, nojinak che ri Ruxlabal ri Dios, xca'y che,

Hechos 15:8

Ri Dios, ri reta'm ri canima', xuya' k'alajisanic chi quebe u c'amowaj, xuya' c'ut ri Ruxlabal chque jas ri xuya' chke uj.

Hechos 19:6

ri Pawl xuya' ri u k'ab paquiwi', te c'u ri' xpe ri Ruxlabal ri Dios paquiwi'. Xetzijon pa jule' tak ch'abal chic, xequik'axej tzij chque ri winak ri xya' chque rumal ri Dios.

Hechos 2:11

jujun chque e are' aj judeyib, jujun chque qui c'amom ri qui cojonic ri aj judeyib. E c'o aj Cret xukuje' aj Arab. Konojel c'ut quekato chi cäquitzijoj pa tak ka ch'abal ri nimak tak mayibal ri e u banom ri Dios.”

Hechos 2:3

Xquic'utuxtaj quib ak'aj ri e je ta ne e rech k'ak' chquiwäch, ri quijachalan tak quib paquiwi'.

Hechos 4:31

Aretak qui banom chi ch'awem ruc' Dios, xyicop ri c'olbal ri qui mulin wi quib. Conojel c'ut xenojisax che ri Ruxlabal ri Dios. Xquicoj c'u qui chuk'ab che u tzijoxic ri u tzij ri Dios.

Hechos 4:8

Ri Lu', nojinak che ri Ruxlabal ri Dios, xubij chque: “Ri alak, ri c'amom alak u be ri tinimit xukuje' tak ri e nimak tak tatayib.

Hechos 6:3

Chebitzucuj ba wukub achijab chixo'l, kachalal, ri k'alaj chi e nojinak che ri Uxlabaxel, xukuje' c'o qui no'j, rech quekacoj pa we chac ri'.

Hechos 6:5

Xkaj ri tzij chquiwäch conojel, xequicha' c'ut ri Estebn, are jun achi nojinak che cojonic xukuje' nojinak che ri Ruxlabal ri Dios, xukuje' xequicha' ri Pelip, ri Procr, ri Nicanor, ri Timon, ri Parmens xukuje' ri Nicolas ri aj Antioquiy ri u c'amom ri qui cojonic ri aj judeyib.

Hechos 6:8

Ri Estebn nojinak che tok'ob xukuje' ri u cuinem ri Dios. Ri are' cuban nimak tak mayibal xukuje' nimak tak etal chquixo'l ri winak.

Hechos 7:55

Nojinak c'u ri Estebn che ri Ruxlabal ri Dios, cäca'y chicaj, xril ri u juluwem ri Dios, xril ri Jesus tac'al pa ri u wiquiak'ab ri Dios.

Hechos 8:17

Are' c'u ri Lu' xukuje' ri Xuan xequiya' ri qui k'ab paquiwi', xquic'am c'ut ri Ruxlabal ri Dios.

Hechos 9:17

C'äte ri' xbe ri Ananiy, xoc pa ri ja jawije' ri c'o wi Sawl. Xuya' ri u k'ab puwi', xubij che: “Sawl, wachalal, ri Ajawaxel Jesus, ri xuc'ut rib chawäch pa ri be ri at petinak wi, xinutak ulok rech catca'yic, rech catnojisax che ri Ruxlabal ri Dios.”

Romanos 15:13

Ri Dios ri cucu'bisaj ka c'u'x chunojisaj ta ri iwanima' ruc' nimalaj quicotemal, chc'oji' ta jamaril chixo'l rumal ri i cojonic. Jeri' kas cäcu'bi i c'u'x chrij ri Dios rumal ri u cuinem ri Ruxlabal ri Dios.

1 Corintios 12:10

Jun yo'm che ri u banic tak mayibal. Ri jun chic yo'm che ri u k'axexic u tzij ri Dios. Jujun chic cuya' ri Dios chque ri retamaxic u wäch ri uxlabal ri e subunelab xukuje' ri kas Ruxlabal ri Dios. Jujun chic cäya' chque chi quech'aw pa tak ch'abal. Cäya' chi c'u na chque jujun chic ri u k'alajisaxic ri bim pa tak we ch'abal ri'.

1 Corintios 13:1

We ta quinch'aw pa ri qui ch'abal ri winak, xukuje' ta c'u ne pa ri quech ri tako'nib aj chicaj, ma ta c'u c'o lok'ok'ebal nu c'u'x, quinux ri' jas jun quiäk ch'ich' ri cätzilnajic, o jun quetequic ch'ich' ri cäch'arnajic.

1 Corintios 13:8

Ri lok'ok'ebal c'uxaj mawi ta jumul casach u wäch. Cäpe jun k'ij aretak ri winak man cäquik'axej ta chic ri u tzij ri Dios, quetani' tak na ri ch'abal, ri etamanic cäsach na u wäch.

1 Corintios 14:18

Quinmaltioxij che ri Dios rumal rech chi e q'ui na ri jalan tak ch'abal ri quinch'aw wi chiwäch ix iwonojel;

1 Corintios 14:5

Je c'u ri' quinwaj ta ne chi iwonojel quixtzijon pa tak ch'abal. Are c'u sibalaj quinwaj chi quik'axej tzij chque ri winak ri yo'm chiwe rumal ri Dios. Ri jun ri cuk'axej ri u tzij ri Dios chque ri winak, are nim na u banic chuwäch ri cätzijon pa tak ch'abal, we man cuk'axej pa ka ch'abal jas ri tzij ri cubij pa tak ch'abal, rech cuya' qui chuk'ab ri e re ri comon cojonelab.

Efesios 3:19

Quintz'onoj che ri Dios chi quiwetamaj ri lok'ok'ebal u c'u'x ri Crist, ri coc'ow na chuwäch apachique etamabal, rech cänojisax ri iwanima' che ri Dios.

Efesios 5:18

Mixk'abaric. Chupam c'u wa' c'o c'axc'olil. Xane' chnojisax ri iwanima' che ri Ruxlabal ri Dios.

Efesios 6:18

Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

2 Pedro 1:21

Ri qui tzij c'ut ri k'axal tak tzij man xpe ta ojer xa' rumal ri u rayibal jun winak, xane' e winak ri xquiya' quib pa u k'ab ri Dios ri xetzijonic, xya' qui no'j rumal ri Ruxlabal ri Dios.

Nabe Samuel 1:14

xubij c'u che: “¿C'ä jampa' coc'ow ri a k'abaric? ¡Chaya' can ri u wa'l uva jela'!

Nabe Samuel 10:10

Aretak xopan ri Saul pa Gabaa rachil ri pataninel rech, xebel ulok ri jumulaj e k'axal tak tzij ri xebel ulok che u c'ulaxic. Are' c'u ri ruxlabal ri Dios xkaj puwi' ri Saul, xcoj c'u che u k'axexic tzij e jacha' ri are'.