Hechos 2:20 - Quiché Bible

²⁰ Ri k'ij cäk'ekumar na, ri ic' cux na quic'. C'ä maja' c'ut cäpe ri u k'ij ri Ajawaxel, nimalaj k'ij ri cajuluwic.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Ri qꞌij kaqꞌequꞌmataj na, Ri ikꞌ kakyaqar na jeꞌ jas ri kikꞌ. We riꞌ kakꞌulmatajik are majaꞌ kuriq ri nimalaj uqꞌij ri Ajawxel Dios.

K'iche'

²⁰ Ri k'ij cäk'ekumar na, ri ic' cäquiäkar na je' jas ri quic', cäc'ulmataj c'u wa' c'ä mäjok curika na ri nimalaj u k'ij ri Kajaw Dios. Ri k'ij ri' kas tzij sibalaj nim u banic.

K'iche' (New Orthography)

²⁰ Ri q'ij käq'equmar na, ri ik' käkiäqar na je' jas ri kik', käk'ulmataj k'u wa' k'ä mäjoq kuriqa na ri nimalaj u q'ij ri Qajaw Dios. Ri q'ij ri' qas tzij sib'alaj nim u b'anik.

Hechos 2:20 ပူးပေါင်းရင်းမြစ်များ

Ri Isaiy 13:10

Ri ch'imil xukuje' ronojel ri c'o cho ri caj man quetunun ta chic; ri k'ij c'äte jubik' quel ulok cäk'ekumaric, ri ic' man cäjuluw ta chic.

Ri Isaiy 13:15

Apachin c'u ri carikic cäcämisax na chi chch'ich', apachin ta ne ri cuya' rib pa chapic, cäcämisax na.

Ri Isaiy 13:9

Xa co'l craj ri u k'ij ri Ajawaxel, jun xibibalalaj k'ij re oyowal xukuje' re k'ak'alaj c'anal, cuq'uex na ri uwächulew pa chaki'j uwo sak, cäq'uis na tzij paquiwi' conojel ri ajmaquib ri e c'o cho ri uwächulew.

Ri Isaiy 24:23

Aretak ri Ajawaxel ri c'o ronojel u cuinem cuc'ut rib chi are ajawinel pa ri juyub Sion xukuje' pa Jerusalen, ri k'ij xukuje' ri ic' cäk'ekumar na, ri e c'amal tak u be re ri u tinimit cäquil na ri u juluwem ri Ajawaxel.

Ri Isaiy 34:8

Je, are k'ij wa' re tojow q'uexel ri cuya' ri Ajawaxel, ri junab re u ya'ic rajil u c'äxel chque ri e ch'ojininak ruc' ri Sion.

Ri Jeremiy 4:23

Xinwil ri ulew, uxinak c'u jun chaki'j uwo sak ri man c'o ta u cholajil; xinca'y cho ri caj, man c'o ta c'u sakil.

Ri Joel 2:1

Chiwok'isaj ri trompet chupam ri juyub Sion; chiya' ri u bixic chupam ri tastalic u juyub ri Ajawaxel. Chebirbot conojel ri e jekel pa Juda, rumal rech chi nakaj chic c'o wi ri u k'ij ri Ajawaxel;

Ri Joel 2:31

Ri k'ij cux na k'ekumalil, ri ic' cux na quic' c'ä majok chopan ri u k'ij ri Ajawaxel, nimalaj k'ij xukuje' xibibal.”

Ri Joel 3:14

E c'o e q'uia winak chupam ri beya' re ri k'atan tzij, rumal rech chi nakaj chic c'o wi ri u k'ij ri Ajawaxel.

Ri Amos 8:9

Cujiquiba' u bixic ri Ajawaxel: “Pa ri k'ij ri', quinban na chi cuc'u' rib ri k'ij pa tiq'uil k'ij kas c'u pa k'ij quinch'uk na ri k'ij ruc' k'ekumalil.

Ri Malaquiy 4:5

Chiwila' ix: Quintak bic ri k'axal nu tzij chiwe ri Eliy, c'a majok chopan ri u k'ij ri Ajawaxel, ri cux na jun nimalaj k'ij xukuje' xibibal.

Ri Matey 24:29

“Chanim c'ut, aretak oc'owinak chic ri k'ij ri' re ri c'axc'olil, ri k'ij cäk'ekumar na, ri ic' man cuya' ta chic ri u sakil, ri ch'imil ri e c'o chicaj quetzak na ulok, ri chuk'ab e aj caj queyicop na.

Ri Matey 27:45

Kas pa ri tiq'uil k'ij c'ä pa ri urox jok'otaj benak k'ij xk'ekumar ronojel ri uwächulew.

Marcos 13:24

“Pa tak c'ut ri k'ij ri', ri cac'ow ri k'ijol rech ri c'axc'olil, ri k'ij cäk'ekumar na, ri ic' man cuya' ta na ri u sakil.

Ri Lucax 21:25

“Quec'oji' na etal chupam ri k'ij, chupam ri ic', chquipam ri ch'imil. Cäquixe'j na quib ri winak cho ri uwächulew, cäsach qui c'u'x rumal ri rok'ebal ri plo cachil ri e u k'et.

Hechos 2:19

Quebenc'ut na mayibal ajsic pa ri caj, xukuje' quebenc'ut na etal iquim cho ri uwächulew, quic' ruc' k'ak' xukuje' sutz' re sib.

Hechos 2:21

Conojel c'ut ri cäquinataj ri u bi' ri Ajawaxel, quecolotaj na.’

1 Corintios 5:5

Chijacha ba' ri achi ri' pa u k'ab ri Satanas rech cäsach u wäch ri u cuerp, cäcolotaj c'u na ri ruxlabal pa ri u k'ij ri Ajawaxel Jesus.

1 Tesalonicenses 5:2

Ix c'ut kas iweta'm chi ri u k'ij ri Ajawaxel, je u petic jas ri eläk'om chak'ab.

2 Pedro 3:10

Cäpe c'u na ri k'ij re ri Ajawaxel jas jun eläk'om. Pa ri k'ij ri', cäsach c'u na u wäch ri caj, cätataj c'u na ri jun nimalaj jininem. Ri jastak ri xebanbex re quenicow na, cäsach qui wäch. Ri uwächulew xukuje' ri chac ri e c'o chuwäch quechajirisax na.

2 Pedro 3:7

Are c'u ri caj ulew ri e c'o camic, e chajin rumal ri u tzij ri Dios c'ä pa ri k'ij re k'atoj tzij, queporox c'u na, aretak cäsach na qui wäch ri winak ri man cäquiya' ta u k'ij ri Dios.

Apocalipsis 16:8

Ri ucaj tako'n aj caj xuk'ij ri u lak puwi' ri k'ij. Xya' c'u che ri k'ij chi quebuc'atisaj ri winak ruc' k'ak'.

Apocalipsis 6:12

In xinwilo aretak ri Alaj Chij xujak ri uwak t'ikbal, xuban jun nimalaj cabrakan. Ri k'ij xk'ekaric jacha' jun wakwoj atz'iak. Ri ic' ronojel xux quiäk je jas ri quic'.