Hechos 19:16 - Quiché Bible

¹⁶ Ri achi ri c'o wi ri itzel uxlabal, xuq'uiak rib chquij, xebuch'äco, sibalaj xcuin na chquiwäch. Jeri' chi xebanimaj bic pa ri ja ri', e ch'anach'oj e socotajinak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Ri achi kꞌut ri kꞌo itzel uxlabꞌal che, xukꞌyaq ribꞌ chikij rukꞌ chꞌuꞌjilal, xkixiꞌxitej kꞌu kibꞌ, xkiriq kꞌax xuqujeꞌ kechꞌanchꞌatik xebꞌe cho kachoch.

K'iche'

¹⁶ Ri achi c'ut ri c'o ri itzel espíritu che, ruc' nimalaj chuk'ab xuq'uiäk rib chquij. Xcowin c'u che qui ch'aquic conojel. Co xeuchapo, xuban q'uia u wäch c'äx chque, je ri' chi man c'o tä chi catz'iak chquij. Soctajinak chic xebel bi pa ri ja, xeanimaj c'u bic.

K'iche' (New Orthography)

¹⁶ Ri achi k'ut ri k'o ri itzel espíritu che, ruk' nimalaj chuq'ab' xuk'iäq rib' chkij. Xkowin k'u che ki ch'akik konojel. Ko xeuchapo, xub'an k'ia u wäch k'äx chke, je ri' chi man k'o tä chi katz'iaq chkij. Soktajinaq chik xeb'el b'i pa ri ja, xeanimaj k'u b'ik.

Hechos 19:16 ပူးပေါင်းရင်းမြစ်များ

Marcos 5:15

Xebopan ruc' ri Jesus. Xquil ri achi ri xec'oji' q'ui itzel tak uxlabal che, t'uyulic chi c'ut u cojom chic ratz'iak, utz chic ri u chomanic. Xquixe'j c'u quib ri winak.

Ri Lucax 8:29

Xubij wa' rumal rech chi ri Jesus xutak ri itzel uxlabal chi chel bic che ri achi. Q'ui mul c'ut c'o ri u cuinem ri itzel uxlabal puwi' ri achi. Pune' cäxim cuc' tikom tak ch'ich', ruc' chapbal akanaj, ri achi quebut'okopij wa', quel bic, cäc'am bic rumal ri itzel uxlabal pa tak chaki'j uwo sak.

Ri Lucax 8:35

Xebel ulok ri winak che rilic ri xc'ulmaxic. Xebopan ruc' ri Jesus. Xequirika' ri achi ri xebel wi ri itzel tak uxlabal, u cojom chi ratz'iak, utz chi u chomanic, t'uyul chuwäch ri Jesus. Aretak xquilo, xquixe'j quib.

Hechos 19:15

Ri itzel uxlabal xutzelej u wäch qui tzij, xubij chque: “Quinch'ob u wäch ri Jesus, xukuje' quinch'obo jachin ri' ri Pawl. Are c'u ri ix, ¿ix jachinok?”

Hechos 19:17

Xetamax c'u wa' cumal conojel ri e c'o pa Epes, chi aj judeyib chi man aj judeyib taj. Conojel xquixe'j quib. Xnimarisax c'u u k'ij ri u bi' ri Ajawaxel Jesus.

Hechos 3:8

Ri ch'oco'j xtaq'ui'c, xch'oplenic, xbinic. Junam xoc cuc' pa ri rachoch Dios. Cätajin cäbinic ruc' ri kas rakan, cäch'oplenic, cunimarisaj u k'ij ri Dios.

2 Pedro 2:19

Cäquibij chi quequitzokopij ri winak, e ximital c'u ne ri e are' rumal ri etzelal. Ri jun ri xch'äcataj rumal jun chic, cäc'oji' ri' chuxe' ri u takanic ri jun ri xch'äcowic.