Hechos 18:6 - Quiché Bible

⁶ Are c'u ri are' xquik'atij u wäch ri u tzij xukuje' xeyok'onic, ri Pawl xutota' ri u k'u', che u c'utic chi man utz taj ri qui banom. Xubij c'u chque: “Kas chiwij quel wi we quixcäm pa ri i mac, man nu mac ta chi in. Camic c'ut quinbe cuc' ri man aj judeyib taj.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Are kꞌu ri winaq aꞌj Israel man utz taj xkito, xkikꞌululaꞌj. Ri Pablo kꞌut xutota ri ulew ri kꞌo che ri ratzꞌyaq xubꞌij: Man numak ta chi in chiꞌwe we man kixkojonik, keꞌntzijoj chi na kꞌu waꞌ ri utzij ri Dios chike ri winaq ri man aꞌj Israel taj.

K'iche'

⁶ Are c'u ri e are' xa xquic'ulelaj u wäch ru tzij ri tat Pablo, xquibij tak tzij ri man utz taj chrij. Ri tat Pablo xutota' ri ratz'iak chquiwäch chuc'utic chi quel bic, te c'u ri' xubij chque: Alak ajchak' mac we cäsach wäch alak. Ri in man c'o tä nu mac chech alak. Tzcämic ri' quine' cuc' ri niq'uiaj winak chic ri man e aj Israel taj chutzijoxic ru Lok' Pixab ri Dios chque, —xcha ri tat Pablo.

K'iche' (New Orthography)

⁶ Are k'u ri e are' xa xkik'ulelaj u wäch ru tzij ri tat Pablo, xkib'ij taq tzij ri man utz taj chrij. Ri tat Pablo xutota' ri ratz'iaq chkiwäch chuk'utik chi kel b'ik, te k'u ri' xub'ij chke: Alaq ajchaq' mak we käsach wäch alaq. Ri in man k'o tä nu mak chech alaq. Tzkämik ri' kine' kuk' ri nik'iaj winaq chik ri man e aj Israel taj chutzijoxik ru Loq' Pixab' ri Dios chke, —xcha ri tat Pablo.

Hechos 18:6 ပူးပေါင်းရင်းမြစ်များ

Ucab Samuel 1:16

xubij c'u ri David che: “Chawij cäkaj wi ri kas a cämic, at xatk'alajisan ri a mac aretak xabij chi xacämisaj ri ajawinel ri cha'om rumal ri Ajawaxel.”

Nabe Ajawinelab 2:33

Ri macaj rech ri u cämical cäkaj na puwi' ri Joab xukuje' puwi' ri rija'lil man c'o ta relic. Are c'u ri u jamaril ri Ajawaxel cäc'oji' na puwi' ri David xukuje' puwi' ri rija'lil, xukuje' puwi' ri rija'lil aj ajawinelab ri cät'uyi na puwi' ri u tem re ajawibal.”

Ri Nehemiy 5:13

Xintota' c'u na ri watz'iak xinbij: “Jewa' chubana' ri Dios che ri rachoch xukuje' che ronojel ri jastak rech, jachin ri man cutz'akatisaj ta u banic we chi'nic ri' ri kas cäban na, jewa' chubana' che resaxic ronojel ri c'o ruc' camic.” Conojel ri q'uialaj winak xquitzelej u bixic: “Je chbanok,” xek'ijilan c'u che ri Ajawaxel.

Ri Ezequiel 18:13

ri cuya' puak pa kajical ruc' jalbal rech quebutok'ij c'u ral: we achi ri' man cacuin taj cäc'asi'c. Aretak e bantajinak chic conojel we jastak ri' ri itzel quebenwilo, cäcäm na man c'o ta u to'tajic, kas are' c'ut cakajben na ri u cämical.

Ri Ezequiel 33:4

We c'u c'o jun cuta' ri rok'ibal ri trompet ma ta c'u c'o cubij u c'u'x che, quebopan ta c'ut ri c'ulel caquicämisaj ta c'ut kas are' ri' ajchak'mac che ri u cämical,

Ri Ezequiel 33:6

We c'u ri yuxlenel carilo quebopan ri e rajch'ojab ri c'ulel man curok'isaj ta c'u ri trompet che u ya'ic u bixic chque ri winak, quebopan ta c'u ri c'ulel caquicämisaj ta c'u jachin jun, wa' cäcäm na rumal ri u mac, are c'u ri u quiq'uel quintok'ij na che ri yuxlenel.’

Aj Levitib 20:9

Apachin ta ne ri cuc'okoj ri u nan o ri u tat, kastzij cäcämisax na; u nan o u tat c'u ri' ri xuc'okoj, are ajchak'mac che ri u cämical.

Ri Matey 10:14

Apachin ta ne ri man quixuc'ulaj taj, mawi cutatabej ri i tzij, chixel bic pa ri ja o ri tinimit ri'. Chitota' can ri ulew ri e c'o chque ri iwakan.

Ri Matey 21:41

Ri e are xquitzelej u bixic: “Quebucämisaj na we e itzel tak winak ri', man ruc' ta tok'obisam wächaj. Cuya' na ri tico'n re uva pa kajomal chque niq'uiaj ajchaquib chic, ri cäquiya' na ri u wächinic ri tico'n pa ri u k'ijol ri takal u ya'ic che.”

Ri Matey 21:43

Rumal c'u ri' quinbij chiwe, chi ri rajawibal ri Dios quesax na chiwe, cäya' c'u na chque ri winak ri cäquiya' na ri u wächinic.

Ri Matey 22:10

Xebel bic ri tako'n pa tak ri be. Xequimulij conojel ri winak ri xequiriko, chi e utz chi man e utz taj. Jeri' xnoj ri ja che winak.

Ri Matey 27:25

Conojel ri winak je xquibij wa': “¡Chkaj ri u quiq'uel pakawi' uj xukuje' paquiwi' ri kalc'ual!”

Ri Matey 8:11

Quinbij chiwe chi q'ui winak quepe na pa elebal k'ij, quepe na pa u kajebal k'ij, quet'uyi' na cuc' ri Abraham, ri Isaac xukuje' ri Jacob pa ri rajawibal ri Dios.

Ri Lucax 22:65

Xukuje' niq'uiaj q'ui jastak chic xquibij che, xquiyok'o.

Ri Lucax 9:5

Conojel ri winak ri man quixquic'ulaj taj, aretak quixel bic pa ri qui tinimit, chitota' can ri ulew ri c'o chque ri iwakan. Jeri' quik'alajisaj chquij chi man utz ta ri qui banom.”

Hechos 13:51

Ri e are' c'ut xquitota' can ri ulew ri c'o che ri cakan chquij, che u c'utic chi man e utz taj ri winak ri e c'o chila', xebe c'u pa ri tinimit Icon.

Hechos 26:11

Q'ui mul xinc'äjisaj qui wäch pa tak ri ja ri cäquitijoj wi quib ri aj judeyib che ri pixab. Xincoj chuk'ab chque che u k'ilic quib che ri qui cojonic. Sibalaj xpe woyowal chquij, c'ä xinoc pa tak ri tinimit ri man e aj kuc' taj che qui c'axc'obisaxic.”

Hechos 26:20

Xane' nabe xinya' u tzijoxic chque ri e c'o pa Damasc, xukuje' pa Jerusalen, xukuje' pa tak ri tinimit re Judey, xukuje' chque ri man aj judeyib taj. Xinbij chque chi chquiq'uexa' qui c'u'x, chchetzelej ruc' ri Dios. Xinbij chque chi aretak cäquiq'uex qui c'u'x, chquibana' utzalaj tak chac ri takal che ri q'uexoj c'uxaj.

Hechos 28:28

Chetamaj alak we colobal ib ri' ri cuya' ri Dios takom bic chque ri man aj judeyib taj, ri e are' c'ut quetataben na'.”

Romanos 3:29

Ri Dios, ¿la xuwi lo Dios chque ri aj judeyib? ¿La ma ta xukuje' chque ri man aj judeyib taj? Kastzij chi are Dios chque conojel ri nimak tak tinimit,

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

1 Pedro 4:14

We quixyok' rumal rech ri Crist, utz iwe, are c'u ri Ruxlabal ri Dios, ri nim u k'ij, cäc'oji' iwuc'.

1 Pedro 4:4

E are ri man e cojonelab taj caquimayo, rumal rech chi man quebiwachilaj ta chic che u banic q'ui jastak xak jas ri cäcaj, jas ri xiban nabe. Quixquiyok' c'ut.