Hechos 18:4 - Quiché Bible

⁴ Ronojel k'ij re uxlanem cäbe ri Pawl pa ri ja ri cäquitijoj wi quib ri aj judeyib che ri pixab. Cucoj c'u u chuk'ab rech caquiq'uex qui c'u'x ri aj judeyib xukuje' ri man aj judeyib taj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ronojel qꞌij rech uxlanem ri Pablo xeꞌ pa ri Sinagoga chutzijoxik ri utzij ri Dios chike ri winaq aꞌj Israel xuqujeꞌ chike ri griegos.

K'iche'

⁴ Ronojel k'ij c'ut re uxlanem xe' ri tat Pablo pa ri rachoch Dios ri cäquimulij wi quib ri winak aj Israel. Ruc' chuk'ab c'ut xutzijoj ru Lok' Pixab ri Dios chque conojel ri e c'o chila'. E c'o winak aj Israel xukuje' winak ri man aj Israel taj ri xquicojo chi kas tzij ri cubij ri tat Pablo chque.

K'iche' (New Orthography)

⁴ Ronojel q'ij k'ut re uxlanem xe' ri tat Pablo pa ri rachoch Dios ri käkimulij wi kib' ri winaq aj Israel. Ruk' chuq'ab' k'ut xutzijoj ru Loq' Pixab' ri Dios chke konojel ri e k'o chila'. E k'o winaq aj Israel xuquje' winaq ri man aj Israel taj ri xkikojo chi qas tzij ri kub'ij ri tat Pablo chke.

Hechos 18:4 ပူးပေါင်းရင်းမြစ်များ

Chapletajic 9:27

Chnimarisax u k'ij ri Japet rumal ri Dios; chjekel pa tak ri rachoch ri Sem, chcoj c'ut ri Canaan che u lok'om pataninel.”

Ucab Tzijobelil 32:11

We ri Ezequiy cubij chiwe chi ri Ajawaxel ri u Dios quixuto' na pa nu k'ab, xa cätajin quixusubu cätajin c'u quixuya' pa ri cämical re wi'jal xukuje' chaki'j chi'.

Ri Lucax 16:31

Ri Abraham xubij che: ‘We man cäquitatabej ri tzij ri xuya' ri Moises xukuje' ri xquiya' ri e k'axal tak tzij, mawi ne quecojonic we jun cäminak cäc'astaj bic chquixo'l ri cäminakib.’”

Ri Lucax 4:16

Ri Jesus xopan pa Nazaret, are ri tinimit jawije' xq'uiyisax wi. Pa ri k'ij re uxlanem, xoc bic pa ri ja ri cäquitijoj wi quib ri aj judeyib che ri pixab, jas ri u nak'atisabal. Xtaq'ui' c'ut che u siq'uixic ri wuj.

Ri Xuan 7:35

Xquitzijobela' c'u quib ri aj judeyib: “¿Jawije' ta lo cäbe wi, ri ma ta cäkarik na? ¿La cäbe ta lo cuc' ri ka winakil ri e jabuninak chquixo'l ri aj Gres? ¿La cäbe cuc' ri aj Gres che qui tijoxic?

Hechos 13:14

Ri e are' c'ut xeboc'ow pa Perje, xebe pa Antioquiy re Pisid. Pa jun k'ij re uxlanem, xeboc pa ri ja ri cäquitijoj wi quib ri aj judeyib che ri pixab, xet'uyic.

Hechos 14:1

Chila' pa Icon, xeboc bic ri Pawl xukuje' ri Bernabe pa ri ja ri cäquitijoj wi quib ri aj judeyib che ri pixab, xetzijon chila'. Jeri' chi e q'ui chque ri aj judeyib xukuje' ri man aj judeyib taj xecojonic.

Hechos 17:11

Sibalaj utz ri qui no'j ri aj Berey chquiwäch ri e c'o pa Tesalon. Xquic'am ri tzij ruc' ronojel canima'. K'ij chi k'ij cäquitzucuj chupam ri Tz'ibatalic, che rilic we kastzij ri cubij chque.

Hechos 17:17

Rumal ri' xbe pa ri ja ri cäquitijoj wi quib ri aj judeyib che ri pixab. Chila' cätzijon wi cuc' ri aj judeyib xukuje' niq'uiaj winak chic ri cäquik'ijilaj ri Dios. K'ij c'ut chi k'ij cachomanlan cuc' ri winak ri caquimulij quib cho ri c'ayibal.

Hechos 18:13

Xquibij che ri k'atal tzij: “We achi ri' quebuch'äc ri winak chi chquik'ijilaj ri Dios pa jun nak'atisabal ri cuc'ulelaj ri pixab.”

Hechos 18:19

Xebopan c'u pa Epes. Xutas rib chquij ri Aquil xukuje' ri Prisil. Xoc pa ri ja ri cäquitijoj wi quib ri aj judeyib che ri pixab. Xebutzijobej c'ut ri aj judeyib ri caquimulij quib chila'.

Hechos 19:26

Quiwilo, quito jas u banom we Pawl ri'. Man xuwi ta pa Epes, xane' xa' co'l man pa ronojel ri Asiy, ri are' quebuch'äc e q'ui winak xukuje' cujal qui be. Cubij chque chi man e diosib taj ri queban cumal qui k'ab winak.

Hechos 19:8

Xoc bic ri Pawl pa ri ja ri cäquitijoj wi quib ri aj judeyib che ri pixab. Xucoj u chuk'ab chila' che u tzijoxic ri utzalaj tak tzij, man xuxe'j ta rib. Oxib ic' xuban chomanic cuc', xebuya' pa sak chrij ri rajawibal ri Dios.

Hechos 26:28

Xubij c'u ri Agrip che ri Pawl: “Xa' jubik' man catcuin che nu ch'äquic chi quinux ajcrist.”

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.

Hechos 9:20

Chanim ri Sawl xutzijoj ri Jesus chque ri winak pa tak ri ja ri cäquitijoj wi quib ri aj judeyib che ri pixab. Xubij chi ri Jesus are ri u C'ojol ri Dios.

2 Corintios 5:11

Rumal c'u rech chi keta'm ri xe'n ib chuwäch ri Ajawaxel, quekaya' ri winak pa sak, uj c'u k'alajininak chuwäch ri Dios; cu'l nu c'u'x xukuje' chi uj k'alajininak chuwäch ri retamabal i c'u'x.