Hechos 18:2 - Quiché Bible

² Chila' xurik wi jun aj judey Aquil u bi', are aj Pont. C'ä maja' naj opaninak, petinak pa Ital, rachil ri Prisil ri rixokil. Rumal rech chi ri k'atal tzij Clawd xtakanic chi conojel ri aj judeyib quebel bic pa Rom. Xopan c'u ri Pawl che qui solixic.

RI KꞌAKꞌ TESTAMENTO PA TZIJOBꞌAL KꞌICHEꞌ

² Chilaꞌ xuriq wi jun achi aj Israel ubꞌiꞌ Aquila, we achi riꞌ xalax pa ri tinimit Ponto, rachiꞌl ri rixoqil ubꞌiꞌ Priscila, we jukꞌulaj winaq riꞌ xuꞌl pa ri tinimit Corinto kipetik pa Italia rumal pa taq ri qꞌij riꞌ, ri taqanel Claudio César xtaqan chikesaxik loq konojel ri winaq aꞌj Israel ri e kꞌo pa Roma.

K'iche'

² Chila' c'ut xurik jun achi aj Israel, Aquila u bi', ri cäpe pa Ponto. Ri tat Aquila rachi'l ri nan Priscila, ri rixokil, te' quieb oxib k'ij e elinak lok pa Italia, rumal chi ri tat Claudio César, ri nimalaj takanel puwi' ri Roma, xtakan chque conojel ri winak aj Israel chi quebel bi pa ri tinimit Roma. Xopan c'u ri tat Pablo cuc' che qui ch'abexic.

K'iche' (New Orthography)

² Chila' k'ut xuriq jun achi aj Israel, Aquila u b'i', ri käpe pa Ponto. Ri tat Aquila rachi'l ri nan Priscila, ri rixoqil, te' kieb' oxib' q'ij e elinaq loq pa Italia, rumal chi ri tat Claudio César, ri nimalaj taqanel puwi' ri Roma, xtaqan chke konojel ri winaq aj Israel chi keb'el b'i pa ri tinimit Roma. Xopan k'u ri tat Pablo kuk' che ki ch'ab'exik.

Hechos 18:2 ပူးပေါင်းရင်းမြစ်များ

Hechos 11:28

Jun chque wa' are Agab u bi', ri are' xtaq'ui'c, xuk'alajisaj rumal ri Uxlabaxel chi cäpe na jun nimalaj wi'jal cho ronojel ri uwächulew. Xpe c'u wa' pa tak ri k'ij aretak ri Clawd are k'atal tzij.

Hechos 18:18

Q'ui k'ij xcanaj chi na' ri Pawl pa Corint. Xebuya' c'u can ri achalal, xbe puwi' ri plo, xbe pa Siriy. Xachilax bic cumal ri Prisil xukuje' ri Aquil. Xusocaj ri u wi' pa Sencrey, rumal rech chi u bim ulok jun kastzij.

Hechos 18:26

Ri Apols xuchaplej tzijonic pa ri ja ri cäquitijoj wi quib ri aj judeyib che ri pixab. Xucoj u chuk'ab che ri tzijonic, man cuxe'j ta rib. Aretak xquita' ri Prisil xukuje' ri Aquil, xquic'am bic cuc'. Xquic'ut ri u be ri Dios chuwäch, ruc' tz'akatil.

Hechos 2:9

E c'o aj Partiy chkaxo'l, e c'o aj Med, e c'o aj Elam, aj Mesopotam, aj Judey, aj Capados, aj Pont, xukuje' aj Asiy,

Hechos 27:1

Aretak xchomaxic chi cujbe puwi' ri plo pa Ital, xjach ri Pawl xukuje' ri niq'uiaj ajpache' chic pa u k'ab jun qui nimal jun sient ajch'ojab Julio u bi', are' cätakan paquiwi' ri ajch'ojab ri cäbix aj August che.

Hechos 27:6

Ri qui nimal ri jun sient ajch'ojab xurik jun nim jucub aj Alejandriy chila', ri benam cuban pa Ital. Xujucoj c'u chupam.

1 Corintios 16:19

Ri e comon cojonelab ri e c'o pa Asiy cäquiya' rutzil i wäch. Ri Aquil xukuje' ri Prisil, xukuje' conojel ri cojonelab ri cäquimulij quib pa ri cachoch, cäquiya' nimalaj rutzil i wäch.

2 Timoteo 4:19

Chaya' rutzil qui wäch ri Prisil xukuje' ri Aquil, xukuje' ri e aj uwo rachoch ri Onesipor.

Hebreos 13:24

Chiya' rutzil qui wäch conojel ri c'amal tak i be xukuje' conojel ri tastalic tak winak. Ri e aj Ital cäquiya' rutzil i wäch.

1 Pedro 1:1

Ri in Lu', in takom re ri Jesucrist, quintz'ibaj we wuj ri' chque ri e jabuninak pa Pont, pa Galas, pa Capados, pa Asiy, xukuje' pa Bitin, ri man chila' taj ri qui tinimit,