Hechos 17:5 - Quiché Bible

⁵ Are c'u ri aj judeyib ri man quecojon taj, xpe coyowal u mac rech chi e benak niq'uiaj winak cuc' ri Pawl. Xequic'am c'u bic jujun itzel tak achijab ri xak quesak'orin pa tak ri be. Xequimulij e q'ui winak xukuje' xquituquij ri tinimit. Xelquiq'uiaka' quib chrij ri rachoch ri Jason, xquitzucuj quesaxic ulok ri Pawl ri Silas chquiwäch ri winak.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ E kꞌo kꞌu jujun chike ri winaq aꞌj Israel xpe etzelal pa kanimaꞌ rumal ri xkꞌulmatajik, xeꞌkimulij ri winaq chubꞌanik etzelal. Xoꞌk pa rachoch ri Jasón xkitzukuj ri Pablo rachiꞌl ri Silas rech keꞌkichararej loq keꞌkikꞌam la chikiwach ri winaq.

K'iche'

⁵ Are c'u ri winak aj Israel ri man xecojon taj, xquina' c'äx pa canima', xpe coyowal. Xequimulij jujun itzel tak achijab ri xak quewacatic, xca'n c'u jun comon rech cäquiyac ch'oj, xquisach qui c'ux ri winak pa ri tinimit. Xeboc pa rachoch ri tat Jasón che quesaxic ri tat Pablo, ri tat Silas, rech quequijach pa qui k'ab ri winak.

K'iche' (New Orthography)

⁵ Are k'u ri winaq aj Israel ri man xekojon taj, xkina' k'äx pa kanima', xpe koyowal. Xekimulij jujun itzel taq achijab' ri xaq kewakatik, xka'n k'u jun komon rech käkiyak ch'oj, xkisach ki k'ux ri winaq pa ri tinimit. Xeb'ok pa rachoch ri tat Jasón che kesaxik ri tat Pablo, ri tat Silas, rech kekijach pa ki q'ab' ri winaq.

Hechos 17:5 ပူးပေါင်းရင်းမြစ်များ

Salmib 35:15

Aretak c'u xintzakic, conojel junam xquitze'j nu wäch; e jacha' ta ne ri man weta'm ta qui wäch, man c'u xinabej taj, man quebuxlan ta che nu yok'ic.

Salmib 69:12

Quinch'ach'axic, e are' tak c'ut ri k'abarelab quinquesaj pa ri qui bix.

E C'ambal tak Tzij 14:30

Ri chomabal ri man quel ta ch'u'j c'aslemal wa' che ri cuerp, are c'u ri quiäk rayinic copan wa' c'ä cho tak ri bak.

Ri Isaiy 26:11

Ajawaxel, suc'umam chi la ri c'äjisabal wächaj, ri e are' c'ut man cäcaj ta cäquetamaj aretak c'ut cäquil ri lok'ok'ebal c'u'x la che ri tinimit la, man cäquirik ta chi na jas cäquibano. ¡C'o ta banom wi chi are' ta ri u k'ak'al ri oyowal la quebik'owic!

Ri Matey 27:18

Reta'm c'u ri Pilat chi qui jachom ri Jesus xa' rumal rech quiäk rayinic.

Hechos 13:45

Are c'u ri aj judeyib, aretak xequil ri q'uialaj winak, xpe coyowal chque ri Pawl, xquibij chi man kastzij taj ri caquitzijoj, xequiyok'o.

Hechos 14:19

Xepe c'u jujun aj judeyib pa Antioquiy xukuje' pa Icon. Xequich'äc ri winak, xquibuc' ri Pawl che abaj, xquijururej bic tza'm ja, pa qui c'u'x chi cäminak chic.

Hechos 14:2

Are c'u ri aj judeyib ri man xecojon taj, xquicoj qui c'u'x ri man aj judeyib taj, xquiban tzij chquij ri kachalal rech cäquiban qui c'ulel chque.

Hechos 17:13

Aretak xquetamaj ri aj judeyib ri e c'o pa Tesalon chi xukuje' pa Berey catzijox ri u tzij ri Dios rumal ri Pawl, xebe chila' che qui tuquixic ri winak.

Hechos 17:6

Aretak c'u man xequirik taj, xequicharchatej bic ri Jason xukuje' jujun chic, xequiya' chquiwäch ri e k'atal tak tzij re ri tinimit. Xquirak qui chi' xquibij: “¡E are wa' ri quequituquij ri winak cho ronojel ri uwächulew, xukuje' e petinak waral!

Hechos 17:7

¡E u c'ulam c'ut ri Jason pa ri rachoch! ¡Conojel we winak ri' cäquic'ulelaj ri u takanic ri nimalaj k'atal tzij aj Rom, ri Sesar! ¡Cäquibij chi c'o jun ajawinel chic, Jesus u bi'!”

Hechos 17:9

Aretak qui c'amom chi ri puak ri xuya' ri Jason xukuje' ri niq'uiaj chic, xequitzokopij bic.

Hechos 18:12

Aretak c'ut ri Galion are k'atal tzij pa Acay, ri aj judeyib xa' jun qui chomanic xewalij chrij ri Pawl, xquic'am bic pa ri k'atbal tzij.

Hechos 19:40

We ne cäcoj tzij chkij rumal rech ri xc'ulmataj mier, we ne cäbixic chi xkawalijisaj kib chrij ri k'atal tzij, cäpe c'u na jun c'ax pakawi'. Man c'o ta c'u jas cujcuin che u bixic jasche xkamulij kib.”

Hechos 7:9

“We e u c'ojol we Jacob ri', ri e ka mam, xquiquiäk rayij ri cachalal ri Jose, xquic'ayij c'u bic rech cac'am bic pa Ejipt. Are c'u ri Dios c'o ruc' ri Jose.

Romanos 16:21

Cäya' rutzil i wäch rumal ri Timotey ri wach aj chac, ri Lusiy, ri Jason xukuje' ri Sosipater, are' e nu winakil.

1 Corintios 3:3

rumal rech chi c'ä are quiban na ri u rayibal ri winak re mac! Itzel quiwil wi we jun chic curik utzil, quiyac ch'o'j, ¿la ma ta are quiban ri u rayibal ri winak re mac? ¿La ma ta c'ä quiban iwe ri cäquiban ri niq'uiaj winak chic?

2 Corintios 11:26

Q'ui mul nu banom tak binem. Xak quieb xubij panuwi' pa tak nima', pa tak qui k'ab eläk'omab, pa tak qui k'ab ri nu winakil, pa tak qui k'ab ri man aj judeyib taj, pa tak tinimit, pa chaki'j uwo sak, pa ri plo, xukuje' chquixo'l ri cäquijaluj quib chi e kachalal.

Gálatas 5:21

Man cäcaj taj cäquirik utzil niq'uiaj chic, quek'abaric, cäquiban nimalaj mac aretak cäquimulij quib che nimak tak wa'im. Xukuje' cäquiban niq'uiaj jastak chic ri man e utz taj. Quinbij apan chiwe, jas ri nu bim canok, chi ri je caquitakej u banic wa' man cäquechbej taj ri rajawibal ri Dios.

Gálatas 5:26

Mäkanimarisaj kib, mäkaq'uiakala' tzij chbil tak kib, mäpe koyowal che jun chic we curik utzil.

1 Tesalonicenses 1:6

Ri ix c'ut xiban iwe jas ri xkaban uj xukuje' jas ri xuban ri Ajawaxel. Xic'am ri tzij ruc' c'axc'olil xukuje' ruc' quicotemal ri yo'm chiwe rumal ri Ruxlabal ri Dios.

Santiago 4:5

¿La quichomaj chi xak lok' cubij ri Tz'ibatalic: “Ri Uxlabaxel ri u banom ri Dios chi jekel pa ri uj sibalaj cujurayij ruc' achixomanic?”

K'atal tak Tzij 9:4

Xquic'am c'u oxc'al lajuj sak puak pa ri rachoch ri Baal-berit, xquiya' che ri Abimelec. Ruc' we puak ri' xebutoj jujun sak'orib rech queteri chrij. We achijab ri' xebe ruc' pa Opra,