Hechos 17:32 - Quiché Bible

³² Aretak xquita' ri u tzij, chi c'o jun xc'astajisax chquixo'l ri cäminakib, jujun xquitze'j. Ri niq'uiaj chic xquibij: “Catkatatabej chi na jumul che wa'.”

RI KꞌAKꞌ TESTAMENTO PA TZIJOBꞌAL KꞌICHEꞌ

³² E kꞌo jujun winaq xetzeꞌnik are xkito chi ri Pablo kutzijoj chi kekꞌastaj ri kaminaqibꞌ, e kꞌo xuqujeꞌ nikꞌaj xkibꞌij: Jun qꞌijal chik katzijoj chaqe we ri.

K'iche'

³² Aretak ri winak xquito chi ri tat Pablo cutzijoj chi quec'astaj na ri cäminakib, jujun xa xquitze'j u wäch, niq'uiaj chic xquibij: Cäkaj cäkata chi na jumul ri xbitaj umal la pa jun k'ij chic, —xecha che.

K'iche' (New Orthography)

³² Aretaq ri winaq xkito chi ri tat Pablo kutzijoj chi kek'astaj na ri käminaqib', jujun xa xkitze'j u wäch, nik'iaj chik xkib'ij: Käqaj käqata chi na jumul ri xb'itaj umal la pa jun q'ij chik, —xecha che.

Hechos 17:32 ပူးပေါင်းရင်းမြစ်များ

Chapletajic 19:14

Xbe ri Lot che qui siq'uixic ri e u ji' ri e towinak ri u mia'l che c'ulanem, xubij chque: “¡Chixwalijok, chixel bic waral, cäsach c'u u wäch we tinimit ri' rumal ri Ajawaxel!” E are c'u ri e u ji' man xeboc ta il che ri xubij ri Lot chque.

Ucab Tzijobelil 36:16

Ri e are' xa' xquitze'j qui wäch ri e u tako'n ri Dios, man nim ta xquil wi ri xutak u bixic chque xa' c'u xequetz'bej qui wäch ri e k'axal tzij, xyactaj c'u na ri royowal ri Ajawaxel puwi' ri u tinimit, ri man c'o ta chi cunabal che.

Ri Lucax 14:18

Junam xquichaplej resaxic quib conojel. Ri nabe xubij che ri pataninel: ‘Nu lok'om jun wulew, rajawaxic na quinbe che rilic. Chasacha' nu mac, man quinbe taj.’

Ri Lucax 22:63

Are c'u ri achijab ri e c'o chunakaj ri Jesus, xquetz'bej u wäch, xquich'ayo.

Ri Lucax 23:11

Are' c'u ri Herod xukuje' ri e rajch'ojab xquetzelaj u wäch, che c'u retz'bexic u wäch xequicoj atz'iak chrij ri quejuluwic, jacha' re jun ajawinel. Xtakaxtax c'u bic rumal ri Herod xutzelej chuwäch ri Pilat.

Ri Lucax 23:36

Xukuje' ri ajch'ojab xquetz'bej u wäch. Xekeb ruc' ri Jesus, xquichi'j ch'amalaj u wa'l uva che.

Hechos 13:41

Chixul ba' pa sak, ri ix xutunelab; chixmayinok, chsach i wäch. Quinban c'u na jun nu chac pa tak we i k'ij ri', chac ri man quicoj ta ri', we ta c'o jachin cätzijon chiwe.”

Hechos 17:18

E c'o c'u ne jujun ajchomanelab aj epicurib xukuje' aj estoiquib xquichaplej chomanic ruc'. Jujun c'ut caquibij: rech “¿Jas lo ri cäraj we rok'ok'enel ri?” Niq'uiaj chi c'ut caquibij: “Je' ta ne ri quebutzijoj jule' diosib chic.” Je xquibij rumal rech chi ri Pawl cutzijoj ri Jesus chque, cubij chi xc'astaj chquixo'l ri cäminakib.

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

Hechos 17:33

Jeri' xel bic ri Pawl chquixo'l.

Hechos 2:13

Niq'uiaj winak chic cäquitze'j qui wäch, xquibij: “¡Xa' e k'abarelab!”

Hechos 24:25

Aretak c'u ri Pawl xutzijoj ri jun suc'alaj c'aslemal che, ri k'iloj ib xukuje' ri k'atan tzij ri cäpe na. Ri Pelics xuxe'j rib, xubij che: “Xak je na la', cuya' catbec. Aretak c'ut cäbantaj wumal, quintakan chi na che a siq'uixic.”

Hechos 25:19

Xane' ri xquiya' chrij ri achi, are jastak chrij ri qui cojonic, xukuje' chrij jun Jesus cäminak chic, ri cubij ri Pawl chi c'aslic.

Hechos 26:8

¿Jasche man cacoj ta alak chi ri Dios quebuc'astajisaj cäminakib?”

1 Corintios 1:23

Are c'u ri uj cäkatzijoj ri Crist ri xrip cho ri ripibal: abaj re tzakibal chque ri aj judeyib, xa' c'u conil chque ri man aj judeyib taj,

1 Corintios 15:12

We c'u cäkatzijoj chi ri Crist c'astajinak chic chquixo'l ri cäminakib, ¿jas c'u che cäquibij jujun chixo'l chi man quec'astaj ta ri cäminakib?

1 Corintios 4:10

Ri uj uj con pa ri Crist, are c'u ri ix ix ajno'jab pa ri Crist. Ri uj man c'o ta ka chuk'ab, ri ix c'o i chuk'ab. Ri ix nim quixil wi, ri uj man nim ta cujil wi.

2 Corintios 6:2

Cubij c'ut ri are' chquipam ri e tz'ibatalic: “Chupam ri jok'otaj ri takalic xatintatabej; chupam ri k'ij rech ri colobal ib xatinto'o.” Camic c'ut are wa' ri k'ij utz chiwe, are wa' ri k'ij rech quixcolotajic.

Hebreos 11:36

Jujun chic xetz'bex qui wäch, xech'ayic. Niq'uiaj chic xeximic, xeya' pa che',

Hebreos 13:13

Chujel ba' apan ruc' ri Jesus tza'm ja. Chujyok' cumal ri winak, jas ri are' xyok'ic.