Hechos 16:16 - Quiché Bible

¹⁶ Xc'ulmataj c'u jumul chi uj benak pa jun c'olbal che u banic ch'awem ruc' Dios, xkarik kib ruc' jun ali ri c'o uxlabal re ch'obonic ruc'. Ri e rajaw cäquich'äc nimalaj puak chrij rumal ri u ch'obonic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Jun qꞌijal kꞌut uj bꞌenaq chubꞌanik chꞌawem, xqarik jun ali aj ikꞌ kꞌo jun itzel uxlabꞌal che. Kubꞌij jas keriqitaj ri winaq, kuchꞌek nimalaj pwaq rukꞌ ri kubꞌano kꞌa te riꞌ kuya chike ri rajaw.

K'iche'

¹⁶ C'o jumul, benam ke chubanic orar, xkarik jun ali ri c'o jun itzel espíritu re ch'obonic che. We ali ri' are jun ajic', cuch'ac c'u nim puak rumal ri ch'obonic ri cubano. Are c'u ri puak cuya chque ru patrón.

K'iche' (New Orthography)

¹⁶ K'o jumul, b'enam qe chub'anik orar, xqariq jun ali ri k'o jun itzel espíritu re ch'ob'onik che. We ali ri' are jun ajik', kuch'ak k'u nim puaq rumal ri ch'ob'onik ri kub'ano. Are k'u ri puaq kuya chke ru patrón.

Hechos 16:16 ပူးပေါင်းရင်းမြစ်များ

Ucab Ajawinelab 21:6

Xak c'u u wi' chic xebuporoj ri u c'ojol che tabal tak tok'ob, xebusiq'uij tak ri uxlabal xebuban c'u ch'obonic, xujekeba' ri u ya'ic qui k'ij tak ri uxlabal xukuje' ri itzinic. Ri e u banoj ri xebubano man utz ta xeril ri Ajawaxel, xuq'uis c'u retzelaxic rib chuwäch.

Nabe Tzijobelil 10:13

Are' je cämical wa' xutaklebej ri Saul u mac rech ri retzelal, xmacun c'ut aretak man xunimaj taj ri u takanic ri Ajawaxel xukuje' aretak xbe che u tz'onoxic u no'j ruc' jun ixok ch'obonel

Ri Isaiy 8:19

Cäquibij c'u ne na ri winak chiwe: “Chita' i no'j chque ri cuxlabal ri cäminakib, xukuje' chque ri ch'obonelab ri quewululic, ri quelalatic. Jun tinimit ¿la ma ta pa cuta' u no'j chque ri e u diosib, xukuje' chque ri cäminakib che qui pixbexic ri e c'asc'oj,

Aj Levitib 19:31

Mixbe cuc' ri ajk'ijab, mawi cuc' ri ch'obonelab mitz'onoj i no'j chque, quitz'iloj c'u iwib ri' cuc'. In ri' ri Ajawaxel.

Aj Levitib 20:27

Ri achi ri ixok ri c'o jun uxlabal ruc' ri cuban ch'obonic, cäcämisax na; abaj cacämisabex rech, are' ajchak'mac che ri u cämical.”

Aj Levitib 20:6

We c'o c'u jachin jun que cuc' cacojon chque ri uxlabalib xukuje' tak ri ch'obonelab, cutz'iloj c'u rib rumal qui ternexic, quinkasaj na ri woyowal puwi' ri winak ri', xukuje' quinwesaj na ri u bi' chquixo'l ri u winakil.

Hechos 16:13

Pa jun k'ij re uxlanem xujel bic chrij ri roquibal tinimit chunakaj ri nima'. Xkachomaj c'ut chi chila' nak'atisam wi ri u banic ch'awem ruc' Dios. Xujt'uyic, xkabij ri utzalaj tak tzij chque ri ixokib ri qui mulin quib.

Hechos 16:18

Q'ui k'ij chi c'ut je cuban wa'. Jeri' chi xq'uistaj u c'u'x ri Pawl, xubij che ri itzel uxlabal: “Catintak pa ri u bi' ri Jesucrist, chatel bic che.” Ri uxlabal kas chanim xel bic che.

Hechos 16:19

Ri e rajaw ri ali, aretak xquilo chi man c'o ta chic ri u cu'lbal qui c'u'x che u ch'äquic puak rumal ri ali, xequichap ri Pawl xukuje' ri Silas, xequic'am bic chquiwäch ri k'atal tak tzij, ri e c'o cho ri c'ayibal.

Hechos 19:24

C'o c'u jun achi Demetr u bi', are banal jastak re sak puak. Are cuban alaj tak u wächbal ri rachoch ri ixok dios Artems re sak puak. Ri ajchaquib ri quena'w che u banic jastak re sak puak cäquich'äc nimalaj puak ruc' ri Demetr.

Gálatas 5:20

quequik'ijilaj tak diosib, cäquiban itzinic, cäquic'ulelaj quib, cäquiyac ch'o'j, cäpe coyowal we jun chic curik utzil. Chanim cäpe coyowal, xak xuwi cäquiban ri utz cäquil wi ri e are', cäquitas quib chquij niq'uiaj chic, cäquic'am jalajoj tak no'jibal.

1 Timoteo 6:10

Ruc' ri u lok'ok'exic ri puak cäq'uiy wi ulok ronojel etzelal. E c'o jujun ri sibalaj xquirayij ri puak, xesach c'ut, xquiya' can ri cojonic, xquiban q'uialaj c'ax chbil quib.

2 Timoteo 3:8

Jacha' ri xquiban ri Jans xukuje' ri Jambres aretak xquik'atij u wäch ri Moises, jeri' xukuje' ri winak ri cäquiban ri jastak ri' cäquik'atij u wäch ri kastzij. Itzelalaj tak no'j ri c'o cuc'. Rumal c'u wa' man e c'o ta pa ri cojonic.

2 Pedro 2:3

Ri e are' rumal ri u rayixic ri jastak que ri winak, cäquitzucuj na jas cäquiban che resaxic puak chiwij cuc' ri qui banoj tzij. Cäc'äjisax c'u na qui wäch jas ri bim ulok ojer, man cäbeytaj ta ri c'äjisabal qui wäch. Man c'o ta quelic chuwäch ri c'ax ri cäpe na chquij.

Nabe Samuel 28:3

Pa tak ri k'ij ri' cäminak chic ri Samuel conojel c'ut ri pa Israel cok'em ri u cämical, aretak c'u xbantaj wa' qui mukum chic pa Rama, are c'u kas u tinimit wa'. Ri Saul, e resam chi bic pa ri ulew ri ch'obonelab xukuje' ri quetzijon cuc' cäminakib.

Nabe Samuel 28:7

Rumal ri' xuya' takanic chque ri e rach k'atal tak tzij, xubij chque: “Chitzucuj jun ixok ri cätzijon cuc' cäminakib rech quenbana' jun ch'obonic ruc'.” Ri e rach k'atal tak tzij xquitzelej u bixic che: “C'o jun pa Endor ri cätzijon cuc' cäminakib.”