Hechos 15:9 - Quiché Bible

⁹ Ri Dios man jalan ta queril ri e are' chkawäch uj, u josk'im c'u ri canima' rumal ri cojonic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Ri Dios xuchꞌajchꞌobꞌej ri kanimaꞌ rumal ri kikojobꞌal, ri Dios man xaq xwi ta xujuchaꞌ uj xane xuchaꞌ xuqujeꞌ areꞌ.

K'iche'

⁹ Ri Dios man jalan tä xeril wi ri e are' ruc' ri uj, xane junam xuban chke. Xuch'aj c'u ri canima' ri e are' xukuje', aretak xecojon che ri Cristo.

K'iche' (New Orthography)

⁹ Ri Dios man jalan tä xeril wi ri e are' ruk' ri uj, xane junam xub'an chqe. Xuch'aj k'u ri kanima' ri e are' xuquje', aretaq xekojon che ri Cristo.

Hechos 15:9 ပူးပေါင်းရင်းမြစ်များ

Salmib 51:10

Nu Dios, ¡cojo' la jun ch'ajch'ojalaj wanima'!, ¡ya' la jun c'ac' uxlabal chwe ri jic!

Ri Ezequiel 47:22

Are' echbal wa' ri ya'tal chiwe, xukuje' chque ri man e i winakil taj ri quejeki' iwuc' ri e c'o chi calc'ual chixo'l. Rajawaxic quiban chque chi xak e junam iwuc' ri ix alam pa Israel. Aretak chijacha ri ulew chquiwäch ri ramak' ri Israel, xukuje' ri e are' caya' ri ch'akatak quech.

Hechos 10:15

Ri ch'abebal xch'aw chi jumul, xubij che: “Ri xjosk'ix rumal ri Dios, mabij tz'il che.”

Hechos 10:28

Xubij chque: “Ri ix quich'obo chi man ya'tal ta che jun aj judey cärachilaj o coc pa rachoch jun ri man u winakil taj. Are c'u ri Dios u c'utum chnuwäch chi man cuya' taj quinbij chi man josok' taj jun winak, o tz'il.

Hechos 10:34

Ri Lu' xuchaplej tzijonem, xubij c'ut: “Camic quinch'obo chi kastzij ri Dios man jalan ta queril wi tak ri winak.

Hechos 11:12

Ri Uxlabaxel xubij chwe chi quebenwachilaj bic, chi muban quieb nu c'u'x. Xukuje' xincachilaj bic we wakib kachalal ri', xujoc c'u bic pa rachoch jun achi.

Hechos 14:1

Chila' pa Icon, xeboc bic ri Pawl xukuje' ri Bernabe pa ri ja ri cäquitijoj wi quib ri aj judeyib che ri pixab, xetzijon chila'. Jeri' chi e q'ui chque ri aj judeyib xukuje' ri man aj judeyib taj xecojonic.

Hechos 14:27

Aretak xebopan pa Antioquiy, xequimulij ri comon cojonelab. Xquibij chque ronojel ri u banom ri Dios cumal ri xuban ri Ajawaxel che u jakic ri oquibal chquiwäch ri man aj judeyib taj rech quecojonic.

Romanos 3:22

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

Romanos 3:9

¿Jas c'ut? Ri uj ri uj aj judeyib, ¿la uj ta ri uj utz na chquiwäch niq'uiaj winak chic? ¡Man je ta ri'! Ka bim chi c'u ulok chi ri aj judeyib, xukuje' ri man aj judeyib taj, conojel e c'o chuxe' macaj.

Romanos 9:24

Ri e u siq'uim, uj c'u ri', man xuwi ta chquixo'l ri aj judeyib, xane' xukuje' chquixo'l ri man a aj judeyib taj.

1 Corintios 1:2

quintz'ibaj we wuj ri' chque ri kachalal ri comon cojonelab aj Dios ri e c'o pa Corint, ri e tastal pa ri Crist Jesus, e siq'uim rech quebux tastalicalaj tak winak, xukuje' chque conojel ri cäquita' ri u to'banic ri Kajaw Jesucrist pa ronojel c'olbal, Cajaw ri e are' xukuje' Kajaw uj.

1 Corintios 7:18

We c'o jun kopin ri u wi' ri u tz'umal ri achi wi che retal aretak xsiq'uixic, märetzelaj u wäch ri retal ri cojom. We jun chic man cojom ta retal re kopixic aretak xsiq'uixic, mucoj retal.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Efesios 3:6

che u bixic wa': chi rumal ri tijonic aj colobal ib, ri man aj judeyib taj cäquic'am na ri junam echbal cuc' ri aj judeyib, e u tz'akatil c'ut ri junam cuerp, junam c'ut cäquic'am que ri chi'nic ri xuban ri Dios rumal ri Crist Jesus.

Colosenses 3:11

Man c'o ta chi cubij we aj judey o we man aj judey taj, we kopim ri u wi' ri u tz'umal ri ix achijab wi o man kopim taj, we naj cäpe wi, we man c'o ta retamanic, we lok'om pataninel o tzokopitalic; ri c'o cubij chi ri Crist are' ronojel pa conojel.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.