Hechos 15:18 - Quiché Bible

¹⁸ Ri Ajawaxel, ri xebuya' ulok quetamaxic we jastak ri' kas xc'ori', u yo'm ulok ri u tzij.’

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Jewaꞌ xubꞌij ri Ajawxel, Areꞌ xbꞌanowik chi xetaꞌmax loq we kꞌulmatajem riꞌ ojer.

K'iche'

¹⁸ Are wa' ri cubij ri Kajaw Dios ri u yo'm lok u bixic ronojel wa' we tzij ri', ri u bim canok pa tak ri ojer tak k'ij, —xcha ri'.

K'iche' (New Orthography)

¹⁸ Are wa' ri kub'ij ri Qajaw Dios ri u yo'm loq u b'ixik ronojel wa' we tzij ri', ri u b'im kanoq pa taq ri ojer taq q'ij, —xcha ri'.

Hechos 15:18 ပူးပေါင်းရင်းမြစ်များ

Ri Isaiy 44:7

¿Jachin ta ri c'olic ri junam ta wuc'? Ch'awok xukuje' chuk'alajisaj chnuwäch. ¿Jachin yowinak ulok u bixic pa ri tictajic ri cäc'ulmataj na, xukuje' cubij ta c'ut ri xa co'l man quec'ulmatajok?

Ri Isaiy 45:21

Chixch'awok, chitzijoj ri i banic, we quiwaj chixchomalan chixo'l: ¿Jachin xeyo'w ulok qui bixic we jastak ri' kas pa ri tictajic? ¿Jachin xesan ulok qui tzijol ojer? ¿La ma ta pu in, ri Ajawaxel? Man c'o ta Dios we ta ma ta xuwi ri in. Man c'o ta chi jun Dios we man xuwi ri in, ch'äcanel xukuje' ri colonel.

Ri Amos 9:12

rech ri canajinak che ri Edom xukuje' che ronojel nim tinimit ri uxinak can wech catzelej chi jumul pa u k'ab ri Israel.” Ri Ajawaxel u yo'm ri u tzij, cutz'akatisaj c'u na.

Ri Zacariy 14:7

Are jun k'ij wa' ri man c'o ta chi jun ri cajunamataj ta ruc', etamatal u wäch xak xuwi rumal ri Dios. Pa ri k'ijol ri' man c'o ta cujalbej rib ri pa k'ij ruc' ri chak'ab, aretak coc ri ak'ab cutakej c'olem ri sakilal.

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Ri Matey 13:35

Je xbantajic jas ri u tzijom can ri k'axal tzij, ri xubij: “Quintzijon na cuc' c'ambal tak no'j. Quinbij na ri jastak ri man etamatal taj aretak ri Dios xuban ri uwächulew.”

Ri Matey 25:34

Cubij c'u na ri Ajawinel chque ri e c'o pa ri riquiak'ab: ‘Tisaj, ix tewichi'm rumal ri nu Tat. Chiwechbej ri ajawibal ri suc'umam chiwe kas pa ri u tiquiritajic ri uwächulew.

Hechos 17:26

Xa' c'u che jun achi xeresaj wi conojel ri nimak tak tinimit, rech quec'oji' cho ronojel ri uwächulew. U c'utum chi ulok ri k'ij xukuje' ri c'olbal ri cäcoc'owisaj wi ri qui c'aslemal waral cho ri uwächulew,

Efesios 1:11

Pa ri are' c'ut uj uxinak echbenelab, uj c'utum ulok jas ri u cholajil ri u chomanic ri quebuban conojel ri jastak jas ri kas u beya'l ri u rayibal.

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

Efesios 3:9

Yo'm pa nu k'ab chi quink'alajisaj chquiwäch conojel, ri jastak re ri Dios ri e c'u'tal ulok kas aretak xtiquiritaj ri uwächulew. Je u chomanic ri Dios wa' ri xebanow conojel ri jastak.

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

1 Pedro 1:20

Are etamatal chi ulok aretak c'ä majok cäban ri uwächulew, xk'alajisax c'ut pa ri q'uisbal tak k'ij rumal iwech.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Apocalipsis 17:8

Ri itzel awaj ri awilom ri xc'oji' canok, man c'o ta chi c'ut. Chanim cuban pakalem ulok pa ri jul re ri k'ekumalaj c'olbal, cäsach c'u na u wäch. Ri e jekel cho ri uwächulew, ri man tz'ibatal ta ri qui bi' pa ri wuj re ri c'aslemal kas pa ri u tiquiritajic ri uwächulew, ri e are' quemayin na aretak cäquil ri itzel awaj, chi xc'oji' canok man c'o ta chi c'ut cäc'oji' chi c'u na.