Hechos 14:5 - Quiché Bible

⁵ Xepe c'u ri man aj judeyib taj xukuje' ri aj judeyib xukuje' ri e qui nimakil, xewalij chquij che qui yok'ic, che qui buq'uic che abaj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Rumal riꞌ xkimulij kibꞌ nikꞌaj aꞌj Israel xuqujeꞌ nikꞌaj man aꞌj Israel taj e kachiꞌl ri e kꞌamal taq kibꞌe xkichomaj keꞌkibꞌan ri taqoꞌn che abꞌaj.

K'iche'

⁵ Te c'u ri' ri winak aj Israel cuc' ri niq'uiaj winak chic ri man e aj Israel taj xjunamataj qui tzij cuc' ri c'amal tak qui be, xewalij c'u chquij ri apóstoles che qui c'ulelaxic, chi cäquitze'j qui wäch, quequiban c'u che abaj.

K'iche' (New Orthography)

⁵ Te k'u ri' ri winaq aj Israel kuk' ri nik'iaj winaq chik ri man e aj Israel taj xjunamataj ki tzij kuk' ri k'amal taq ki b'e, xewalij k'u chkij ri apóstoles che ki k'ulelaxik, chi käkitze'j ki wäch, kekib'an k'u che ab'aj.

Hechos 14:5 ပူးပေါင်းရင်းမြစ်များ

Salmib 83:5

Qui banom jun c'ulwächinic che c'ulelaxic la, qui walijisam quib e jacha' ta ne xa jun winak:

Ri Matey 5:44

Are c'u ri in quinbij chiwe: Chebilok'ok'ej ri qui banom qui c'ulel chiwe, chibana' ch'awem ruc' Dios paquiwi' ri caquiban c'ax chiwe.

Ri Lucax 6:28

Chebitewichi'j ri quixc'okonic. Chixch'aw ruc' Dios paquiwi' ri quixquiyok'o.

Hechos 13:45

Are c'u ri aj judeyib, aretak xequil ri q'uialaj winak, xpe coyowal chque ri Pawl, xquibij chi man kastzij taj ri caquitzijoj, xequiyok'o.

Hechos 13:50

Are c'u ri aj judeyib xquicoj qui c'u'x ri chuchuyib nimak qui k'ij ri cäquik'ijilaj ri Dios xukuje' ri achijab ri nimak qui banic pa ri tinimit, xecokataj ri Pawl xukuje' ri Bernabe, xequesaj bic pa ri qui tinimit.

Hechos 14:19

Xepe c'u jujun aj judeyib pa Antioquiy xukuje' pa Icon. Xequich'äc ri winak, xquibuc' ri Pawl che abaj, xquijururej bic tza'm ja, pa qui c'u'x chi cäminak chic.

Hechos 14:2

Are c'u ri aj judeyib ri man xecojon taj, xquicoj qui c'u'x ri man aj judeyib taj, xquiban tzij chquij ri kachalal rech cäquiban qui c'ulel chque.

Hechos 14:4

Are c'u ri winak re ri tinimit quieb xquibano. Ri niq'uiaj xquicoj quib cuc' ri aj judeyib, ri niq'uiaj chic cuc' ri takomxenlab.

Hechos 17:5

Are c'u ri aj judeyib ri man quecojon taj, xpe coyowal u mac rech chi e benak niq'uiaj winak cuc' ri Pawl. Xequic'am c'u bic jujun itzel tak achijab ri xak quesak'orin pa tak ri be. Xequimulij e q'ui winak xukuje' xquituquij ri tinimit. Xelquiq'uiaka' quib chrij ri rachoch ri Jason, xquitzucuj quesaxic ulok ri Pawl ri Silas chquiwäch ri winak.

2 Corintios 11:26

Q'ui mul nu banom tak binem. Xak quieb xubij panuwi' pa tak nima', pa tak qui k'ab eläk'omab, pa tak qui k'ab ri nu winakil, pa tak qui k'ab ri man aj judeyib taj, pa tak tinimit, pa chaki'j uwo sak, pa ri plo, xukuje' chquixo'l ri cäquijaluj quib chi e kachalal.

1 Tesalonicenses 2:14

Ri ix c'ut, kachalal, xiban iwe jas ri xquiban ri e u comon cojonelab ri Dios ri e c'o pa Judey, ri e re ri Crist Jesus. Xukuje' ri ix xa' junam xirik c'ax cumal ri e i winakil, jas ri e are' xquirik c'ax cumal ri aj judeyib.

1 Tesalonicenses 2:16

Cujquik'atij che qui tzijobexic ri man aj judeyib taj rech quecolotajic. Je cäquiban ri aj judeyib rech cäquitz'akatisaj ri qui mac. Chuq'uisbalil c'ut xpe ri royowal ri Dios paquiwi'.

1 Tesalonicenses 2:2

Pune' ka rikom chi c'ax nabe, pune' uj yok'om chic pa Pilips, jas ri iweta'm chic, ri ka Dios xujuto' che u tzijoxic ri u tzij re colobal ib chiwe, man xkaxe'j ta kib. Je xkabano pune' xkarik c'ax rumal ri u tzijoxic.

2 Timoteo 3:11

ri e c'axalaj tak nu c'ulelaxic xukuje' ri e nu rikoj tak c'ax. E aweta'm conojel ri xinc'ulmaj pa Antioquiy, pa Icon xukuje' pa Listr, xukuje' conojel ri e c'axalaj tak nu c'ulelaxic ri xebencoch'o; xinresaj c'ut ri Ajawaxel pa conojel wa'.