Hechos 14:1 - Quiché Bible

¹ Chila' pa Icon, xeboc bic ri Pawl xukuje' ri Bernabe pa ri ja ri cäquitijoj wi quib ri aj judeyib che ri pixab, xetzijon chila'. Jeri' chi e q'ui chque ri aj judeyib xukuje' ri man aj judeyib taj xecojonic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri Pablo rachiꞌl ri Bernabé are xoꞌpan pa ri tinimit Iconio xoꞌk bꞌik pa ri Sinagoga, xkitzijoj rukꞌ chuqꞌabꞌ ri utz laj tzij, e kꞌi kꞌu winaq aꞌj Israel xuqujeꞌ winaq ri man aꞌj Israel taj xekojonik.

K'iche'

¹ Aretak xeopan pa ri tinimit Iconio, ri tat Pablo, ri tat Bernabé xeboc pa ri rachoch Dios ri cäquimulij wi quib ri winak aj Israel. Ru Lok' Pixab ri Dios ri xquitzijoj xubano chi e q'uia chque ri winak aj Israel xecojonic, xukuje' e q'uia chque ri niq'uiaj winak chic.

K'iche' (New Orthography)

¹ Aretaq xeopan pa ri tinimit Iconio, ri tat Pablo, ri tat Bernabé xeb'ok pa ri rachoch Dios ri käkimulij wi kib' ri winaq aj Israel. Ru Loq' Pixab' ri Dios ri xkitzijoj xub'ano chi e k'ia chke ri winaq aj Israel xekojonik, xuquje' e k'ia chke ri nik'iaj winaq chik.

Hechos 14:1 ပူးပေါင်းရင်းမြစ်များ

Marcos 7:26

Ri ixok are jun aj Gres, are aj Siropenis. Xubochi'j ri Jesus chi cäresaj ri itzel uxlabal che ri ral.

Ri Xuan 12:20

E c'o c'u jujun aj gresib chquixo'l, ri xebopan che k'ijilanic pa ri nimak'ij.

Ri Xuan 7:35

Xquitzijobela' c'u quib ri aj judeyib: “¿Jawije' ta lo cäbe wi, ri ma ta cäkarik na? ¿La cäbe ta lo cuc' ri ka winakil ri e jabuninak chquixo'l ri aj Gres? ¿La cäbe cuc' ri aj Gres che qui tijoxic?

Hechos 11:21

Ri u k'ab ri Ajawaxel c'o cuc'. E q'ui xecojonic, xequiya' can ri ojer tak qui cojonic, xecojon che ri Ajawaxel.

Hechos 13:43

Aretak xquijabuj quib ri e c'o chila', xepe e q'ui chque ri aj judeyib xukuje' ri qui c'amom ri qui cojonic ri aj judeyib, ri cäquik'ijilaj ri Dios. Xequiterenej ri Pawl xukuje' ri Bernabe. Ri e are' xequich'abej, xequipixbej chi chquiterenej ri Dios ronojel k'ij, chi chejekel pa ri u tok'ob ri Dios.

Hechos 13:46

Ri Pawl xukuje' ri Bernabe xequich'abej ri winak, man xquixe'j ta quib, xquibij: “Rajawaxic ri u bixic ri u tzij ri Dios kumal chech alak nabe ri alak aj judeyib. Ri alak c'ut capakchi'j alak bic. Cak'at alak tzij pawi' alak chbil ib alak chi man takal ta ri junalic c'aslemal chech alak. Chilampe' alak, cujbe c'u na cuc' ri man aj judeyib taj.

Hechos 13:5

Aretak e c'o pa Salamin, xquitzijoj ri u tzij ri Dios pa tak ri ja ri cäquitijoj wi quib ri aj judeyib che ri pixab. C'o c'u ri Xuan che pataninel quech.

Hechos 13:51

Ri e are' c'ut xquitota' can ri ulew ri c'o che ri cakan chquij, che u c'utic chi man e utz taj ri winak ri e c'o chila', xebe c'u pa ri tinimit Icon.

Hechos 14:19

Xepe c'u jujun aj judeyib pa Antioquiy xukuje' pa Icon. Xequich'äc ri winak, xquibuc' ri Pawl che abaj, xquijururej bic tza'm ja, pa qui c'u'x chi cäminak chic.

Hechos 14:2

Are c'u ri aj judeyib ri man xecojon taj, xquicoj qui c'u'x ri man aj judeyib taj, xquiban tzij chquij ri kachalal rech cäquiban qui c'ulel chque.

Hechos 14:21

Xquitzijoj ri utzalaj tak tzij chque ri winak pa ri tinimit Derb. E q'ui c'ut xecojonic. Te c'u ri' ri Pawl xetzelej pa Listr, pa Icon xukuje' pa Antioquiy.

Hechos 16:1

Xebopan pa Derb xukuje' pa Listr. C'o chila' jun cojonel Timotey u bi', ral jun chuchu' cojonel aj judey, are c'u ri u tat aj Gres.

Hechos 16:2

Ri Timotey utz u tzijol cumal ri kachalal ri e c'o pa Listr xukuje' ri e c'o pa Icon.

Hechos 17:12

Je c'u ri' e q'ui chque ri aj judeyib xecojonic. Xecojon chuchuyib aj Gres ri nimak qui k'ij. Xukuje' xecojon e q'ui achijab aj gresib.

Hechos 17:17

Rumal ri' xbe pa ri ja ri cäquitijoj wi quib ri aj judeyib che ri pixab. Chila' cätzijon wi cuc' ri aj judeyib xukuje' niq'uiaj winak chic ri cäquik'ijilaj ri Dios. K'ij c'ut chi k'ij cachomanlan cuc' ri winak ri caquimulij quib cho ri c'ayibal.

Hechos 17:4

Jujun chque xecojonic, xquijunamaj quib cuc' ri Pawl xukuje' ri Silas. Xukuje' e q'ui aj gresib ri cäquik'ijilaj ri Dios, xukuje' q'ui ixokib ri nimak qui banic xecojonic, man xak ta e quieb oxib.

Hechos 18:4

Ronojel k'ij re uxlanem cäbe ri Pawl pa ri ja ri cäquitijoj wi quib ri aj judeyib che ri pixab. Cucoj c'u u chuk'ab rech caquiq'uex qui c'u'x ri aj judeyib xukuje' ri man aj judeyib taj.

Hechos 18:8

Ri Crisp, jun c'amal be pa ri ja ri caquitijoj wi quib ri aj judeyib, xcojon che ri Ajawaxel cuc' conojel ri e aj uwo rachoch. Xukuje' c'u e q'ui chque ri aj corintib, aretak xquito, xecojonic, xeban ri qui bautism.

Hechos 19:10

Quieb junab c'ut je xquibano. Jeri' chi conojel ri e c'o pa Asiy, chi aj judeyib chi man aj judeyib taj, xquita' ri u tzij ri Ajawaxel.

Hechos 19:17

Xetamax c'u wa' cumal conojel ri e c'o pa Epes, chi aj judeyib chi man aj judeyib taj. Conojel xquixe'j quib. Xnimarisax c'u u k'ij ri u bi' ri Ajawaxel Jesus.

Hechos 19:8

Xoc bic ri Pawl pa ri ja ri cäquitijoj wi quib ri aj judeyib che ri pixab. Xucoj u chuk'ab chila' che u tzijoxic ri utzalaj tak tzij, man xuxe'j ta rib. Oxib ic' xuban chomanic cuc', xebuya' pa sak chrij ri rajawibal ri Dios.

Hechos 2:47

Cäquinimarisaj u k'ij ri Dios. Utz quebil wi cumal conojel ri winak; k'ij c'ut chi k'ij ri Ajawaxel quebutik che ri comon cojonelab ri quecolotajic.

Hechos 20:21

Xink'alajisaj chquiwäch ri aj judeyib xukuje' ri man aj judeyib taj chi rajawaxic cäquiq'uex qui c'u'x chuwäch ri Dios. Xinbij chque chi rajawaxic quecojon che ri Kajaw Jesus.

Hechos 21:28

Xquirak qui chi': “¡Achijab aj israelib, chujito'! Are achi wa' ri benak pa ronojel ri uwächulew, quebutijoj conojel ri winak che u yok'ic ri ka tinimit, ri pixab xukuje' we c'olbal ri'. C'ä xebucoj ne ulok jujun aj Gres pa ri rachoch Dios, u tz'ilom we tastalicalaj c'olbal ri'.”

Hechos 9:20

Chanim ri Sawl xutzijoj ri Jesus chque ri winak pa tak ri ja ri cäquitijoj wi quib ri aj judeyib che ri pixab. Xubij chi ri Jesus are ri u C'ojol ri Dios.

Romanos 1:16

In man quinq'uix ta che ri utzalaj tzij re colobal ib, u cuinem c'ut ri Dios che qui colic conojel ri quecojowic, nabe chque ri aj judeyib xukuje' c'u chque ri man aj judeyib taj.

Romanos 10:12

Man c'o ta c'u jalbem ib chquixo'l ri aj judeyib cuc' ri man aj judeyib taj, kas are' c'u ri Ajawaxel are' Cajaw conojel, cäyan c'u ruc' telechinic chque conojel ri quek'ijilan che.

Gálatas 2:3

Mawi ri Tit ri c'o wuc', pune' are aj grieg, man xcoj ta c'u chuk'ab che chi cäkopix ri u tz'umal ri u wi' ri achi wi che retal.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Colosenses 3:11

Man c'o ta chi cubij we aj judey o we man aj judey taj, we kopim ri u wi' ri u tz'umal ri ix achijab wi o man kopim taj, we naj cäpe wi, we man c'o ta retamanic, we lok'om pataninel o tzokopitalic; ri c'o cubij chi ri Crist are' ronojel pa conojel.

2 Timoteo 3:11

ri e c'axalaj tak nu c'ulelaxic xukuje' ri e nu rikoj tak c'ax. E aweta'm conojel ri xinc'ulmaj pa Antioquiy, pa Icon xukuje' pa Listr, xukuje' conojel ri e c'axalaj tak nu c'ulelaxic ri xebencoch'o; xinresaj c'ut ri Ajawaxel pa conojel wa'.