Hechos 13:41 - Quiché Bible

⁴¹ Chixul ba' pa sak, ri ix xutunelab; chixmayinok, chsach i wäch. Quinban c'u na jun nu chac pa tak we i k'ij ri', chac ri man quicoj ta ri', we ta c'o jachin cätzijon chiwe.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁴¹ Chiwilampeꞌ ix ri ix ajyoqꞌolobꞌ, chixmayijanoq xuqujeꞌ sach iwach, rumal cher tajin kinbꞌan jun jastaq ri pune kꞌo katzijon chiꞌwe man kikoj ta wi riꞌ.

K'iche'

⁴¹ Chiwilampe ix ri xa quitze'j u wäch ri kas tzij, chixcajmanok, chsach ba' i wäch. Je ri', rumal chi ri in quinban na nimak tak cajmabal pa tak ri i k'ijol ri man quicoj tä c'u na we ta c'o jun winak cutzijoj wa' chiwe, —cächa', —xcha ri tat Pablo chque.

K'iche' (New Orthography)

⁴¹ Chiwilampe ix ri xa kitze'j u wäch ri qas tzij, chixkajmanoq, chsach b'a' i wäch. Je ri', rumal chi ri in kinb'an na nimaq taq kajmab'al pa taq ri i q'ijol ri man kikoj tä k'u na we ta k'o jun winaq kutzijoj wa' chiwe, —kächa', —xcha ri tat Pablo chke.

Hechos 13:41 ပူးပေါင်းရင်းမြစ်များ

E C'ambal tak Tzij 5:12

Cabij c'u na: “¡Jas ri xinc'ulmaj chi xinwetzelaj u wäch ri pixbenic! ¡Jas ri xinc'ulmaj chi man nim ta xebenwil wi ri k'iloj tak ib!

Ri Isaiy 5:24

Rumal ri', jacha' ri k'ak' ri cuporoj ri pajo, xukuje' ri rak' k'ak' cuchajirisaj ri chaki'j tak u xak che', jewa' xukuje' ri u sachic i wäch, jacha' ri tico'n ri cäk'ay ri qui rab, cätuquin ri qui cotz'ijal jacha' ri puc'uc' ulew. Rumal rech chi man nim ta xiwil wi ri u tijonic xukuje' ri u takanic ri Ajawaxel ri c'o ronojel u cuinem, ri Tastalicalaj u Dios ri Israel.

Ri Isaiy 65:15

Ri e cha'tal wumal quequicoj na ri e i bi' che c'okonic xukuje' che u rayixic cämical paquiwi' niq'uiaj chic, are c'u ri e pataninelab tak wech quinq'uex na ri qui bi'.

Ri Ezequiel 33:9

We c'u ri at, caya' u bixic che ri banal etzelal chi chuq'uexa' ri u c'aslemal are c'u ri are' man cuban taj, ri are' cäcäm na rumal ri u mac, are c'u ri at cacoltaj ri a c'aslemal.”

Ri Habacuc 1:5

“Chebica'yej tak ix ri nimak tak tinimit ri e c'o tak chinakaj; chebica'yej chixnoj c'u che xe'n ib. In c'o che qui banic jastak ri e je tak wa' ri man quebicoj ta ri' we ta c'o jachin cätzijon chiwe.

Ri Lucax 16:14

Ri pariseyib, ri e lok'ok'el puak, xquitatabej conojel we jastak ri', xquetz'bej c'u u wäch ri Jesus.

Ri Lucax 23:35

E tac'atoj c'u ri winak, cätajin queca'y che ri Jesus. Ri nimak qui banic xquetz'bej u wäch, xquibij: “Ri are' xebucol niq'uiaj winak chic. Chucolo c'u rib chbil rib, we are wa' ri Crist, ri cha'om rumal ri Dios.”

Hechos 13:47

Are c'u wa' ri uj u takom wi ri Ajawaxel, xubij: At nu cojom che chäj chque ri nimak tak tinimit, rech catzijoj chque conojel ri winak cho ri uwächulew, pune' e c'o sibalaj naj, chi cuya' quecolotajic.”

Hechos 22:21

Xubij c'u ri Ajawaxel chwe: ‘Jät, catintak na bic naj pa nimak tak tinimit.’ ”

Hechos 3:23

Ronojel c'ut ri man cäniman ta che we k'axal tzij ri', quesax na chquixo'l ri winak.’

Hechos 6:14

Ka tom chi cubij, chi we Jesus ri' ri aj Nazaret cuwulij na ri rachoch Dios ri', quebuq'uex na ri nak'atisabal ri e u yo'm can ri Moises chke.”

1 Tesalonicenses 2:16

Cujquik'atij che qui tzijobexic ri man aj judeyib taj rech quecolotajic. Je cäquiban ri aj judeyib rech cäquitz'akatisaj ri qui mac. Chuq'uisbalil c'ut xpe ri royowal ri Dios paquiwi'.

1 Pedro 4:17

Xurik ri k'ij aretak cächaplex ri k'atoj tzij paquiwi' ri e aj uwo rachoch ri Dios. We c'u nabe cächaplex kuc' uj, ¿jas c'u lo ri qui q'uistajic ri winak ri man queniman ta che ri u tzij ri Dios?