အွန်လိုင်း သမ္မာကျမ်းစာ

Hechos 13:31 - Quiché Bible

³¹ “Q'uialaj k'ij ri Jesus xuc'utula' rib chquiwäch ri winak ri e c'o ruc' aretak xel ulok pa Galiley, xbe pa Jerusalen. E are' c'u ri' quek'alajisan chquiwäch ri winak camic jas ri quilom.

အခန်းကိုကြည့်ပါ။ ကော်ပီ

RI KꞌAKꞌ TESTAMENTO PA TZIJOBꞌAL KꞌICHEꞌ

³¹ Ri Jesús xukꞌut ribꞌ sibꞌalaj kꞌi mul chikiwach ri winaq ri xebꞌin rukꞌ kelik loq pa Galilea xebꞌe pa ri tinimit Jerusalén. Kamik riꞌ, are waꞌ we winaq riꞌ ketzijon ri ukamikal xuqujeꞌ ri kꞌastajibꞌal uwach ri Jesús chike ri tinimit Israel.

အခန်းကိုကြည့်ပါ။ ကော်ပီ

K'iche'

³¹ Pa tak ri k'ij ri' q'uia mul xuc'ut rib ri Jesús chquiwäch ri tijoxelab ri xebe' ruc' aretak xel bi pa Galilea, xe' pa ri tinimit Jerusalén. Cämic c'ut are ri e are' ri tajin cäquitzijoj chque ri winak chrij ri Jesús jas ri u banom, —cächa chque.

အခန်းကိုကြည့်ပါ။ ကော်ပီ

K'iche' (New Orthography)

³¹ Pa taq ri q'ij ri' k'ia mul xuk'ut rib' ri Jesús chkiwäch ri tijoxelab' ri xeb'e' ruk' aretaq xel b'i pa Galilea, xe' pa ri tinimit Jerusalén. Kämik k'ut are ri e are' ri tajin käkitzijoj chke ri winaq chrij ri Jesús jas ri u b'anom, —kächa chke.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Hechos 13:31
18 ပူးပေါင်းရင်းမြစ်များ

Ri Matey 28:16

Ri julajuj tijoxelab c'ut xebe pa Galiley, xebopan pa ri juyub ri xebutak wi ri Jesus.

အခန်းကိုကြည့်ပါ။

Ri Lucax 24:48

Ix c'ut ix k'alajisanelab che wa'.

အခန်းကိုကြည့်ပါ။

Ri Xuan 15:27

Xukuje' ri ix quixk'alajisan na, rumal rech chi ix c'olinak c'u wuc' kas pa ri tiquiritajic.”

အခန်းကိုကြည့်ပါ။

Hechos 1:11

Xquibij c'u chque: “Achijab aj galileyib, ¿jasche cätajin quixca'y chicaj? We Jesus ri' ri xc'am bic ajsic chiwäch pa ri caj, je jas ri xiwilo xbe chicaj, je cuban na wa' aretak cäpe chi na.”

အခန်းကိုကြည့်ပါ။

Hechos 1:22

e kachil kas aretak xc'utun ri Jesus aretak xban ri u bautism rumal ri Xuan c'ä xpaki' na chicaj. Rajawaxic c'ut chi jun chque wa' cujunamaj rib kuc' che u bixic chque ri winak chi kastzij xc'astaj ri Jesus.”

အခန်းကိုကြည့်ပါ။

Hechos 1:3

Aretak elinak chi chupam ri c'ax ri xuriko, c'aslic xutac'aba' rib chquiwäch. Q'ui jastak xuban cuc' rech cäquetamaj chi kastzij c'aslic. Cawinak (40) k'ij xuc'utula' rib chquiwäch, xutzijola' ri rajawibal ri Dios chque.

အခန်းကိုကြည့်ပါ။

Hechos 1:8

Aretak c'u chpe ri Ruxlabal ri Dios piwi', quic'am na cuinem quixel c'u na bic che u ya'ic k'alajisanic chwij, pa Jerusalen pa ronojel ri ulew re Judey xukuje' pa Samar, xukuje' c'u pa tak ri tinimit ri sibalaj naj e c'o wi cho ronojel ri uwächulew.”

အခန်းကိုကြည့်ပါ။

Hechos 10:39

Ri uj c'ut xekil ri jastak ri xuban ri Jesus pa tak ri culew ri aj judeyib xukuje' pa Jerusalen. Xc'am c'u bic pa cämisaxic xtzayabax cho jun ripibal.

အခန်းကိုကြည့်ပါ။

Hechos 10:41

Man xuc'ut ta rib chquiwäch conojel ri winak, xane' chquiwäch ri e cha'tal rumal ri Dios rech cäquilo. Uj ri' ri xujwa' ruc', ri xujuq'uian ruc' aretak c'astajinak chic chquixo'l ri cäminakib.

အခန်းကိုကြည့်ပါ။