Hechos 13:2 - Quiché Bible

² Pa jun k'ij cätajin cäquik'ijilaj ri Ajawaxel, man cätajin quewa' taj, xubij c'u ri Ruxlabal ri Dios chque: “Chebitasa' chwe ri Bernabe xukuje' ri Sawl che ri chac ri e nu siq'uim wi.”

RI KꞌAKꞌ TESTAMENTO PA TZIJOBꞌAL KꞌICHEꞌ

² Jun qꞌijal are tajin kakibꞌan chꞌawem xuqujeꞌ tajin kakiqꞌip kiwaꞌim, ri Uxlabꞌixel xubꞌij chike: Chiꞌqꞌata ri Bernabé rachiꞌl ri Saulo rech kebꞌe che ri chak ri e nusikꞌim wi.

K'iche'

² Pa jun k'ij tajin quek'ijilan che ri Kajaw Dios, xukuje' tajin cäca'n ayunar, xch'aw c'u ri Lok'alaj Espíritu, xubij: Chitasa ri tat Bernabé rachi'l ri tat Saulo chubanic ri chac ri e nu siq'uim wi, —xcha chque.

K'iche' (New Orthography)

² Pa jun q'ij tajin keq'ijilan che ri Qajaw Dios, xuquje' tajin käka'n ayunar, xch'aw k'u ri Loq'alaj Espíritu, xub'ij: Chitasa ri tat Bernabé rachi'l ri tat Saulo chub'anik ri chak ri e nu sik'im wi, —xcha chke.

Hechos 13:2 ပူးပေါင်းရင်းမြစ်များ

Nabe Tzijobelil 16:4

Ri David xebuc'ut chquixo'l ri aj levi jachin tak ri quepatanij chuwäch ri u caxa ri Ajawaxel, rech cacanaj pa qui k'ab ri u nimak'isaxic u ya'ic ri maltioxinic xukuje' ri u ya'ic u ri k'ij ri Ajawaxel, ri u Dios ri Israel.

Ri Daniel 9:3

Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.

Ri Matey 6:16

“Aretak man quitij ta i wa, mibisarisaj ri i palaj, jacha' caquiban ri quieb qui wäch. Ri e are' xak chubanic caquetzelaj ri qui palaj rech caquil ri winak chi man quewa' taj. Kastzij quinbij chiwe chi c'o chic ri tojbal quech.

Ri Matey 9:38

Chitz'onoj ba che ri rajaw ri k'atoj, chi chebutaka' bic ajchaquib pa ri u k'atoj.”

Ri Lucax 10:1

E bantajinak chi c'u we jastak ri', ri Ajawaxel xebucha' jujun chic, e oxc'al cablajuj (72). Pa cacabil xebutak bic rech quenabej bic chuwäch, pa ronojel tinimit, pa ronojel c'olbal ri cäbe wi na ri are'.

Ri Lucax 2:37

Malca'n c'u wa' jumuch' ruc' quiejeb u junab chic. Mawi jubik' quel bic chupam ri rachoch Dios, xane' cäpatanin che ri Ajawaxel Dios chi pa k'ij chi chak'ab man cäwa' taj xukuje' cuban ch'awem ruc' Dios.

Hechos 10:19

Ri Lu' cätajin cuchomaj ri c'utwächinic ri xrilo, aretak xubij ri Ruxlabal ri Dios che: “Chawilampe', catquitzucuj oxib achijab.

Hechos 10:30

Ri Cornel xutzelej u bixic: “C'o chi quiejeb k'ij je jok'otaj wa' in c'o chupam ri wachoch pa ri urox jok'otaj c'ut benak k'ij cätajin c'u quinban ri ch'awem ruc' Dios, aretak xinwil jun achi xtaq'ui' chnuwäch, cäjuluw ri ratz'iak.

Hechos 13:3

Aretak c'ut, bantajinak chic ri ch'awem ruc' Dios xukuje' bantajinak chic ri man u tijowic ta wa, xequiya' ri qui k'ab paquiwi', xequijach bic.

Hechos 13:4

Ri e are' e takom bic rumal ri Ruxlabal ri Dios, xekaj bic pa Seleusiy. Chila' c'ut xebel wi bic pa jun nim jucub, xebe pa Chipr.

Hechos 14:26

Xeboc c'u chupam jun nim jucub chila', xebe pa Antioquiy, jawije' xejach wi ulok pa ri u tok'ob ri Dios, che ri chac ri bantajinak cumal.

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Hechos 22:21

Xubij c'u ri Ajawaxel chwe: ‘Jät, catintak na bic naj pa nimak tak tinimit.’ ”

Hechos 4:36

C'o c'u jun achi Jose u bi', ri cäbix Bernabe che cumal ri takomxenlab. Quel cubij wa': “Ralc'ual Cu'bisabal C'uxaj” Ri are' aj levitib, ija'l re Chipr.

Hechos 6:4

Are c'u ri uj cujc'oji' amak'el pa ri ch'awem ruc' Dios xukuje' pa ri u tzijoxic ri u tzij ri Dios.”

Hechos 8:29

Ri Uxlabaxel xubij che ri Pelip: “Jät ruc' ri achi ri c'o pa ri carwaj.”

Hechos 9:15

Xubij ri Ajawaxel che: “Jät. Nu cha'om c'ut we achi ri' rech quinuk'alajisaj chquiwäch ri winak ri e re jule' nimak tak tinimit chic, chquiwäch ri ajawinelab xukuje' chquiwäch ri aj israelib.

Romanos 1:1

In Pawl, in pataninel rech ri Jesucrist. In siq'uim xukuje' in tasom rumal ri Dios che takom, rech quintzijoj ri utzalaj tak tzij re colobal ib.

Romanos 10:15

¿La cuya' lo quebe che u tzijoxic ri colobal ib we man quetak bic? Jas ri tz'ibatalic: “¡Sibalaj je'lic ri copanem ri queyo'w u bixic ri utzalaj tak tzij!”

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

1 Corintios 12:11

Xa c'u jun ri Uxlabaxel c'olic, ri cäbanow conojel we jastak ri'. Cujach chke chkajujunal jas ri cäraj ri are'.

1 Corintios 7:5

Miya' can ri u rikic iwib we man i chomam ix quieb. We ne quichomaj quiya' na can joropa' k'ij ri u rikic iwib rech quiban ch'awem ruc' Dios. Chirika' chi c'u iwib, rech man quixutakchi'j ta ri Satanas che mac, we man quixcuinic quik'il iwib.

2 Corintios 11:27

Nu banom c'axalaj tak chac, nu rikom tak c'ax. Q'ui mul man xinrik ta quintijo, nu rikom wi'jal, nu rikom chaki'j chi', q'ui mul man ximwataj, xinc'oji' pa tew, quint'unuwic.

2 Corintios 6:5

Aretak cujch'ayic, aretak cujcoj pa che', aretak cäquimulij quib ri ka c'ulel chkij, aretak cäkarik c'axalaj tak chac, aretak cujc'asc'atic, xukuje' aretak cäkarik numic.

Gálatas 1:15

Are c'u ri Dios xinucha' ulok aretak c'ä majok quinalaxic, xinusiq'uij rumal ri u tok'ob. Aretak xkaj chuwäch,

Efesios 3:7

Ri Dios xuya' ri u tok'ob ri man takal ta wa' chwe, xinucoj che pataninel rech ri u tzij re colobal ib. Je xuban wa' chwe rumal ri u cuinem.

U Camulixic ri Pixab 10:8

Chi' aretak ri Ajawaxel xebucha' ri ramak' ri Levi che u c'amic bic ri caxa re ri u c'ulwächinic, rech quec'oji' chuwäch ri Ajawaxel che u ya'ic k'ijilanic, cäquiya' c'u ri tewichibal pa ri u bi', jacha' ri qui takem u banic camic.

Colosenses 4:17

Chibij che ri Arquip: “Chatz'akatisaj u banic ri u jachom ri Ajawaxel pa ak'ab.”

1 Timoteo 2:7

In cojom che tzijonel xukuje' takom. In cojom che qui tijoxic ri man aj judeyib taj che ri cojonic xukuje' che ri kastzij. Quinbij ri kastzij, man quinban ta tzij.

2 Timoteo 1:11

Ri Dios in u tasom rech quinya' u bixic we tzijol ri', jacha' jun takom xukuje' jun ajtij.

2 Timoteo 2:2

Ri nu bim chawe chquiwäch e q'ui k'alajisanelab, are ri' chajacha' chque ri e jicalaj tak winak ri xukuje' quecuin che qui tijoxic niq'uiaj chic.

2 Timoteo 4:11

Xuwi ri Lucax c'o wuc'. Chatzucuj ulok ri Marcux, chac'ama' ulok awuc'. Kas cajwataj c'u chwe che ri patan.

2 Timoteo 4:5

Ri at c'ut chachomaj jas ri caban pa ronojel, chach'ija' ri c'ax, chatzijoj ri tzij re colobal ib chque ri winak, chaq'uisa' ri a chac.

Hebreos 5:4

Man c'o ta jun ri xak ta pa re wi coc ta pa we chac ri' ri nim u k'ij, xane' are coc ri cäsiq'uix rumal ri Dios, jas ri Aaron.

Nabe Samuel 2:11

Xtzelej ri Elcan xbe cho rachoch pa Rama, are c'u ri ac'al xcanaj can che u patanixic ri Ajawaxel chuxe' ri u takanic ri Eli, ri cojol tabal tok'ob.