Hechos 13:1 - Quiché Bible

¹ E c'o k'axal tak tzij xukuje' ajtijab chquixo'l ri comon cojonelab aj Antioquiy. E are wa' ri Bernabe, ri Simeon ri cäbix K'ek che, ri Lus aj Siren, ri Manaen ri junam xq'uiyisax ruc' ri Herod ri k'atal tzij re Galiley, xukuje' ri Sawl.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ E kꞌo kꞌu qꞌalajisal taq rech ri utzij ri Dios xuqujeꞌ aꞌjtijabꞌ pa ri komontyox rech ri tinimit Antioquía pa Siria, ri Bernabé, ri Simón (ri kabꞌix Qꞌeq che), ri Lucio (aj Cirene), ri Manaén ri junam xekꞌiy rukꞌ ri Herodes Antipas, xuqujeꞌ ri Saulo.

K'iche'

¹ E c'o c'u k'alajisal tak re ru Lok' Pixab ri Dios chquixol ri kachalal cojonelab ri e c'o pa ri tinimit Antioquía, xukuje' e c'o tijonelab. E are' ri tat Bernabé, ri tat Simón ri xukuje' cäbix Negro che, ri tat Lucio ri aj Cirene, ri tat Manaén ri junam xq'uiyisax ruc' ri tat Herodes ri nim k'atal tzij re Galilea, xukuje' c'o ri tat Saulo.

K'iche' (New Orthography)

¹ E k'o k'u q'alajisal taq re ru Loq' Pixab' ri Dios chkixol ri qachalal kojonelab' ri e k'o pa ri tinimit Antioquía, xuquje' e k'o tijonelab'. E are' ri tat Bernabé, ri tat Simón ri xuquje' käb'ix Negro che, ri tat Lucio ri aj Cirene, ri tat Manaén ri junam xk'iyisax ruk' ri tat Herodes ri nim q'atal tzij re Galilea, xuquje' k'o ri tat Saulo.

Hechos 13:1 ပူးပေါင်းရင်းမြစ်များ

Ri Matey 27:32

Aretak xebel bic, xquirik apan jun achi aj Siren, Simon u bi'. Xquicoj chuk'ab che rech cutelej bic ri u ripibal ri Jesus.

Ri Lucax 3:1

Pa ri ro'lajuj u junab ri u takanic ri nimalaj k'atal tzij Tiber Sesar ri nim u takanic, are c'u ri Pons Pilat are' k'atal tzij pa Judey, ri Herod are k'atal tzij pa Galiley, ri Pelip ri rachalal are k'atal tzij pa Iturey xukuje' que tak ri ulew ri e c'o pa Traconit, ri Lisaniy are k'atal tzij pa Abilin.

Hechos 11:30

Je c'u xquibano, xquitak c'u bic jun to'banic pa u k'ab ri Bernabe xukuje' ri Sawl rech quequiya' chque tak ri tatayib ri quetakan pa ri comon cojonelab pa Judey.

Hechos 12:25

Aretak ri Bernabe rachil ri Sawl, xbantaj ri qui patan ri xequibana' pa Jerusalen, xetzelej ulok. Xquic'am ulok ri Xuan che cachil ri cäbix Marcux che.

Hechos 13:9

Are c'u ri Sawl, ri cäbix Pawl che, nojinak che ri Ruxlabal ri Dios, xca'y che,

Hechos 15:32

Ri Juds xukuje' ri Silas, e k'axal tak u tzij ri Dios, xquicu'bisaj qui c'u'x xukuje' xquiya' nimalaj chajin anima' chque ri kachalal rumal tak ri e qui tzij.

Hechos 15:35

Ri Pawl rachil ri Bernabe xecanaj can pa Antioquiy cuc' q'uia kachalal chic, xequitakej u ya'ic tijonic xukuje' u tzijoxic ri cubij ri Ajawaxel.

Hechos 19:6

ri Pawl xuya' ri u k'ab paquiwi', te c'u ri' xpe ri Ruxlabal ri Dios paquiwi'. Xetzijon pa jule' tak ch'abal chic, xequik'axej tzij chque ri winak ri xya' chque rumal ri Dios.

Hechos 21:9

Ri Pelip e c'o quiejeb u mia'l k'apojib. Ri e are' e k'axal tak tzij.

Hechos 4:36

C'o c'u jun achi Jose u bi', ri cäbix Bernabe che cumal ri takomxenlab. Quel cubij wa': “Ralc'ual Cu'bisabal C'uxaj” Ri are' aj levitib, ija'l re Chipr.

Hechos 9:1

Are' c'u ri Sawl man u tanabam ta u cojic xibin ib re cämical chque ri cojonelab che ri Ajawaxel. Rumal ri', xbe che u tzijobexic ri qui nimal ri e cojol tabal tok'ob.

Romanos 16:21

Cäya' rutzil i wäch rumal ri Timotey ri wach aj chac, ri Lusiy, ri Jason xukuje' ri Sosipater, are' e nu winakil.

1 Corintios 11:4

Ronojel achi ri cuban ch'awem ruc' Dios, o cuk'axej tzij chque ri winak ri yo'm che rumal ri Dios, we ch'ukutal ri u jolom, cäresaj u q'uixbal ri u jolom.

1 Corintios 13:2

We ta quink'axej tzij chque ri winak ri yo'm chwe rumal ri Dios, we ta weta'm conojel ri jastak ri man esam ta chi sak xukuje' ronojel etamabal, we ta sibalaj nim ri nu cojonic jeri' chi quincuinic quebenwesaj ri juyub pa tak ri qui c'olbal, ma ta c'u c'o lok'ok'ebal nu c'u'x, man c'o ta nu banic ri'.

1 Corintios 13:8

Ri lok'ok'ebal c'uxaj mawi ta jumul casach u wäch. Cäpe jun k'ij aretak ri winak man cäquik'axej ta chic ri u tzij ri Dios, quetani' tak na ri ch'abal, ri etamanic cäsach na u wäch.

1 Corintios 14:29

We caquiya' u bixic ri yo'm chque rumal ri Dios, e quieb o e oxib chech'awok, ri niq'uiaj chic chquichomaj rij ri cäbixic.

1 Corintios 14:32

Ri u ya'ic qui tzijol ri cubij Dios rajawaxic cu na ri cubij ruc' ri cubano, rajawaxic cätakan puwi'.

1 Corintios 9:6

O ¿la xak xuwi ri in wachil ri Bernabe cujchacun na cuc' ri ka k'ab che u ch'äquic ri cajwataj chke?

Gálatas 2:13

Xukuje' ne ri niq'uiaj aj judeyib chic xquijunamaj qui wäch ruc' ri Lu', xquiban quieb qui wäch. Jeri' chi xukuje' ri Bernabe xuban re.

Gálatas 2:9

Ri Santiag, ri Lu' xukuje' ri Xuan, are ri xechomaxic chi nimak qui banic pa ri comon cojonelab, aretak xquich'ob ri tok'ob ri yo'm chwe, xquiya' ri qui k'ab chwe in ruc' ri Bernabe, che u c'utic chi xa' junam ri canima' kuc'. Utz c'u xquil wi chi ri uj cujbe cuc' ri man aj judeyib taj, ri e are' quebe cuc' ri aj judeyib.

Efesios 4:11

Jujun xebucoj che takomxenlab, niq'uiaj chic che k'axal tak u tzij ri Dios, jujun chic xuya' chque chi cäquitzijoj ri tzij re colobal ib, niq'uiaj chic xebucoj che ajyuk'ab xukuje' che tijonelab.

Filipenses 4:22

Conojel tak ri e tastalic cäquiya' rutzil i wäch. Xukuje' ri e aj uwo rachoch ri Sesar sibalaj cäquiya' rutzil i wäch.

1 Tesalonicenses 5:20

Miwetzelaj u wäch ri qui tzij ri cäquik'axej tzij chque ri winak ri yo'm chque rumal ri Dios.